‘यांच्यामध्ये कोणतीही भिती नाही, एकाच उद्योगपतीला सर्व देऊन टाकायचं’; राज ठाकरेंचा सरकारवर घणाघात

राज ठाकरे म्हणाले, 'आम्हाला कुठला राग नाही की तुम्ही सत्तेवर बसला आहे. मात्र, कशाप्रकारे बसले हे महत्वाचं आहे. आम्हाला कुठला राग नाही की तुम्ही सत्तेवर बसला आहात. मात्र, कशाप्रकारे बसले आहे हे महत्वाचं आहे. लोकांना ठरवू द्या कोणाला कुठे बसवायचं.

मुंबई : देशभरातून मतदारयादीतील विशेष सखोल पुनर्निरीक्षण प्रक्रियेला (SIR) विरोध केला जात आहे. शिवसेना (उद्धव बाळासाहेब ठाकरे) पक्षप्रमुख उद्धव ठाकरे आणि मनसे अध्यक्ष राज ठाकरे यांच्या नेतृत्वाखाली आज मुंबईत विराट मोर्चा काढण्यात आला. या मोर्चात राज ठाकरे यांनी सरकारवर निशाणा साधला. ‘यांच्यामध्ये कोणतीही भिती नाही, एकाच उद्योगपतीला सर्व देऊन टाकायचं’, असे ते म्हणाले.

मनसे अध्यक्ष राज ठाकरे आणि शिवसेना (उद्धव बाळासाहेब ठाकरे) पक्षप्रमुख उद्धव ठाकरे यांच्या नेतृत्वाखाली मोर्चा काढण्यात आला. या मोर्चाला काँग्रेस आणि राष्ट्रवादी काँग्रेस शरदचंद्र पवार पक्षाने जाहीर पाठिंबा दिला आहे. यामध्ये काँग्रेस नेते बाळासाहेब थोरात, विजय वडेट्टीवार, जितेंद्र आव्हाड, अनिल देशमुख, अनिल परब, अमित ठाकरे, शरद पवारांच्या राष्ट्रवादीचे जयंत पाटील, खासदार संजय राऊत यांच्यासह विरोधी पक्षातील अनेक नेते उपस्थित आहेत.

राज ठाकरे म्हणाले, ‘आम्हाला कुठला राग नाही की तुम्ही सत्तेवर बसला आहे. मात्र, कशाप्रकारे बसले हे महत्वाचं आहे. आम्हाला कुठला राग नाही की तुम्ही सत्तेवर बसला आहात. मात्र, कशाप्रकारे बसले आहे हे महत्वाचं आहे. लोकांना ठरवू द्या कोणाला कुठे बसवायचं. जनतेने किती बोलावं, किती ही आंदोलन करु दे, आम्हाला जे करायचं ते करु. यांच्यामध्ये कोणतीही भिती नाही. एकाच उद्योगपतीला सर्व देऊन टाकायचं. काँग्रेस काळात अनेक मोठे उद्योगपती मोठे झाले. एकच नाही. न्यायालय, मीडिया ताब्यात घेतले आहे.

दरम्यान, दुसरा कोणी सत्तेवर येईल त्याने यापेक्षा जास्त गोष्टी केल्या तर तुम्ही कुठे जाल. सत्तेवर यायचं आणि वरवंटा फिरवायचा हे कसं चालेल? अशा शब्दांत राज ठाकरेंनी टीका केली.

…हा कोणता विजय?

2024 ची निवडणूक संपूर्ण बहुमत, पण महाराष्ट्रात जल्लोष नाही, हा कोणता विजय? 2024 ची निवडणूक संपूर्ण बहुमत पण महाराष्ट्रात जल्लोष नाही, लोकांमध्ये उत्साह नाही, जल्लोष नाही. संपूर्ण सनाटा हा कोणता विजय? लोकसभेच्या निवडणुकीपासून ते 2024 च्या विधानसभेपर्यंत 40 ते 60 लाख मतदार वाढवले, असेही राज ठाकरे यांनी म्हटले आहे.

ज्ञानेश कुमार यांच्याविरोधात ठाकरे बंधू मैदानात

देशभरातून विरोध होत असतानाच आता मुख्य निवडणूक आयुक्त ज्ञानेश कुमार यांच्याविरोधात ठाकरे बंधू मैदानात उतरले आहेत. शिवसेना (उबाठा) पक्षप्रमुख उद्धव ठाकरे आणि मनसे अध्यक्ष राज ठाकरे यांच्या नेतृत्वाखाली रविवारी मुंबईत विराट गर्जना आहे. या मोर्चाला काँग्रेस आणि राष्ट्रवादी काँग्रेस शरदचंद्र पवार पक्षाने जाहीर पाठिंबा दिला आहे.

उद्धव ठाकरे आणि राज ठाकरे यांचा मुंबईत आज विराट मोर्चा; ज्ञानेश कुमार यांच्याविरोधात ठाकरे बंधू मैदानात