Ramdas Kadam Targets BJP: एकनाथ शिंदेंविरोधात भाजपकडून षडयंत्र, रामदास कदमांच्या वक्तव्याने महाराष्ट्रात राजकीय भूकंप

Ramdas Kadam Alligations on BJP: मनोज जरांगे पाटील भाजप नेते प्रसाद लाड यांच्यासोबत जेवण करतात, जरांगे पाटील यांनी प्रसाद लाड यांच्या भेटीचे फोटोही यावेळी रामदास कदम यांनी पत्रकार परिषदेत शेअर केले. त्यामुळे जरांगे पाटील आणि भाजप नेते एकत्र मिळून एकनाथ शिंदेंविरोधात कट रचत असल्याचा दावाही कदम यांनी यावेळी केला.

• मनोज जरांगे पाटलांच्या ५०० कोटींच्या कथित ऑडिओ क्लिपमुळे खळबळ
• रामदास कदमांचा भाजपवर प्रहार
• एकनाथ शिंदेंना संपवण्यासाठी ‘सुपारी’ घेतल्याचा आरोप

Ramdas Kadam Targets BJP:  मराठा आरक्षण आंदोलनाचे नेते मनोज जरांगे पाटील यांनी प्रसिद्ध केलेल्या कथित ऑडिओ क्लिपवरून राज्याचे राजकारण तापण्याची शक्यता निर्माण झाली आहे. मनोज जरांगे यांनी सादर केलेल्या कथित ऑडिओ क्लिपमध्ये 500 कोटी रुपयांच्या व्यवहाराचा आणि खासदार श्रीकांत शिंदे यांच्या नावाचा उल्लेख असल्याचा दावा करण्यात आला आहे. याकथित व्हायरल क्लिपनंतर शिंदे गटाचे नेते रामदास कदम यांनी भाजपवर पलटवार केला आहे. इतकेच नव्हे तर कदम यांनी भाजपवरच गंभीर आरोप केले आहेत.

रामदास कदम यांनी घेतलेली पत्रकार परिषद घेत भाजपवरच प्रहार केला आहे. दोन दिवसांपूर्वी मनोज जरांगे पाटील यांनी उपमुख्यमंत्री एकनाथ शिंदे यांच्यावर ५०० कोटींच्या भ्रष्टाचाराचा आरोप केला होता. त्यानंतर दुसऱ्याच दिवशी त्यांनी पैशांच्या देवाणघेवाणीशी संबंधित एक ऑडिओ क्लिप व्हायरल केली. या ऑडिओ क्लिपला रामदास कदम यांनी भाजपवर गंभीर आरोप केले आहेत. “एकनाथ शिंदे यांना राजकीयदृष्ट्या संपवण्यासाठी आणि बदनाम करण्यासाठी भाजपने कुणाकडून सुपारी घेतली आहे, असा सवाल रामदास कदम यांनी उपस्थित केला आहे. या संपूर्ण प्रकरणाची उच्चस्तरीय चौकशी करण्यात यावी, अशी मागणीही रामदास कदम यांनी केली आहे.

SIR Voter List: नालासोपारा मतदार यादीतून ३ लाख नावे वगळली? SIR च्या आकडेवारीवरून भाजपवर गंभीर आरोप

रामदास कदम म्हणाले की, मनोज जरांगे पाटील भाजप नेते प्रसाद लाड यांच्यासोबत जेवण करतात, जरांगे पाटील यांनी प्रसाद लाड यांच्या भेटीचे फोटोही यावेळी रामदास कदम यांनी पत्रकार परिषदेत शेअर केले. त्यामुळे जरांगे पाटील आणि भाजप नेते एकत्र मिळून एकनाथ शिंदेंविरोधात कट रचत असल्याचा दावाही कदम यांनी यावेळी केला.

जरांगे-पाटील सर्वांना फसवण्याचा प्रयत्न करत आहेत असा आरोपही रामदास कदम यांनी यावेळी केला. रामदास कदम म्हणाले, जरांगे यांनी व्हायरल केलेली ऑडिओ क्लिप खरी असून जरांगेच्या जवळच्या लोकांनीच मला ती ऑडिओ क्लिप दिली आहे. वेळ आलीच तर मी त्यांचेही नाव उघड करेल, जरांगे पाटील आणि भाजप आता एकत्र येऊन एकनाथ शिंदेंविरोधात षडयंत्र रचत असल्याचा दावा रामदास कदम यांनी केला आहे.

दरम्यान, ही ऑडिओ क्लिप रामदास कदम यांच्याकडे आधी कशी आली,ती मिळण्याची वेळ आणि दिवस त्यांना कसा माहिती होता, म्हणजे तेच फुटीर आहेत का असा सवाल जरांगे पाटलांनी उपस्थित केला होता. जरांगे पाटील यांच्या या प्रश्नाला उत्तर देताना रामदास कदम म्हणाले की, जरांगे पाटील सुपारी घेऊन पाठीत खंजूर खुपसण्याचे काम करत आहेत. एकनाथ शिंदेंना संपण्यासाठी भाजपने विडा उचलला आहे, पण जरांगेची सगळी बंडखोरी आता समोर येऊ लागली आहे. पण त्याचवेळी जरांगेंनी एकवलेली ऑडिओ क्लिप एआय जनरेटेड नाही, एक दिवस मराठा समाजच तुम्हाला उद् ध्वस्त करेल, असा इशाराही रामदास कदम यांनी दिला आहे.

Farmer Tour 2026 : महाराष्ट्रातील 180 शेतकऱ्यांना मिळणार परदेश दौऱ्याची संधी ! 4 कोटींचा खर्च

मोदी-शाहांना यांना पत्र लिहून चौकशीची मागणी

एकनाथ शिंदेंना संपवण्यासाठी भाजपमधून नेमका कुणाचे प्रयत्न सुरू आहेत, याची चौकशी झाली पाहिजे, हे समोर आले पाहिजे, अशी मागणी रामदास कदम यांनी केली आहे. तसेच,यासाठी त्यांनी थेट पंतप्रधान नरेंद्र मोदी, केंद्रीय गृहमंत्री अमित शाह आणि मुख्यमंत्री देवेंद्र फडणवीस यांना पत्र लिहून मागणी केली असल्याचेही रामदास कदम यांनी म्हटले आहे.

एकनाथ शिंदेंना बदनाम करण्यासाठी किंवा त्यांना संपण्यासाठी कुणी सुपारी घेतली असले तर मराठा समाज तुम्हाला कधीही माफ करणार नाही, आणि तुम्हाला सोडणारही नाही , असा इशाराही रामदास कदम यांनी दिला आहे.