Supriya Sule Alligations on BJP: भाजपकडून पैसे वाटपासाठी ‘स्पायकॅम’ पेनचा वापर!; सुप्रिया सुळेंचा सनसनाटी आरोप

Supriya Sule Alligations on BJP: या तक्रारी अत्यंत गंभीर आणि चिंताजनक आहेत. मतदानाची गोपनीयता आणि मतदारांचे स्वातंत्र्य धोक्यात आणणाऱ्या या प्रकाराची निवडणूक आयोगाने व शासनाने तातडीने दखल घेऊन सखोल चौकशी करावी आणि दोषींवर कठोर कारवाई करावी.

• पुणे शिक्षक व पदवीधर निवडणुकीत भाजपकडून ‘स्पायकॅम पेन’ वापरल्याचा सुप्रिया सुळेंचा आरोप.
• मतदान केंद्रात भाजप उमेदवाराला मत दिल्याचे रेकॉर्डिंग दाखवून पैसे वाटप केले जात असल्याचा दावा.
• निवडणूक आयोग व शासनाकडे केली सखोल चौकशीची मागणी.

Supriya Sule News:  राज्य विधानपरिषदेच्या शिक्षक आणि पदवीधर मतदारसंघाच्या निवडणुकीचं मतदान सुरू आहे. आज मतदान प्रक्रिया आणि येत्या २७ ऑक्टोबरला या निवडणुकीचा निकाल जाहीर केला जाणार आहे. असे असतानाच राष्ट्रवादी काँग्रेसच्या खासदार सुप्रिया सुळे यांनी एक धक्कादायक आरोप केल्याने एकच खळबळ उडाली आहे, या निवडणुकीत भाजपकडून पैसे वाटपासाठी स्पायकॅम असलेल्या पेनचा वापर केला जात आहे, असा आरोप सुप्रिया सुळे यांनी केला आहे.

ट्विटर एक्स अकाऊंटवर पोस्ट करून आरोप

सुप्रिया सुळे यांनी त्यांच्या अधिकृत ट्विटर एक्स अकाऊंटवर पोस्ट करून याबाबत आरोप केले आहेत. “पुणे शिक्षक आणि पदवीधर मतदारसंघाच्या निवडणुकीत भाजपाकडून पैसेवाटपासाठी स्पायकॅम असलेल्या पेनचा वापर केला जात असल्याच्या तक्रारी समोर येत आहेत. मतदारांच्या खिशाला असे पेन लावून, भाजपाच्या उमेदवाराला मतदान केल्याचा व्हिडिओ रेकॉर्ड करायचा आणि मतदानानंतर तो दाखविल्यावर ठरलेले पैसे द्यायचे, असा प्रकार सुरू असल्याचे मतदार सांगत आहेत.

CSMT Roof Collapse: मुंबईतील CSMT स्थानकात दुर्घटना! तिकीट घराच्या प्रवेशद्वाराजवळ छत कोसळले, दोघे जखमी

या तक्रारी अत्यंत गंभीर आणि चिंताजनक आहेत. मतदानाची गोपनीयता आणि मतदारांचे स्वातंत्र्य धोक्यात आणणाऱ्या या प्रकाराची निवडणूक आयोगाने व शासनाने तातडीने दखल घेऊन सखोल चौकशी करावी आणि दोषींवर कठोर कारवाई करावी. लोकशाहीच्या मूलभूत तत्त्वांना हरताळ फासणारे असे प्रकार कोणत्याही परिस्थितीत खपवून घेता कामा नयेत. निवडणूक प्रक्रिया निष्पक्ष, निर्भय आणि पारदर्शक वातावरणात पार पडलीच पाहिजे.” अशी मागणी त्यांनी केली आहे.

कौस्तुभ गावडे यांचा मतदान करतानाचा हा व्हिडिओ

शिक्षक आणि पदवीधर मतदारसंघाच्या निवडणूकीसाठी आज मतदान होत आहे. पुणे शिक्षक मतदारसंघातील भाजपाचे उमेदवार कौस्तुभ गावडे यांचा मतदान करतानाचा हा व्हिडिओ पहा. मतदान केंद्रावर पक्षीय ओळख बाजूला ठेवून एक सामान्य मतदार म्हणून जाणे अपेक्षित असते. लोकशाहीच्या या पवित्र प्रक्रियेचे पावित्र्य आणि मतदान केंद्राची निष्पक्षता प्रत्येकाने जपली पाहिजे.

India A Squad: भारताच्या A संघात BCCI चा मोठा बदल! 21 वर्षाच्या शिखर मोहनला मिळाली जागा

उमेदवाराला पक्षाचे चिन्ह गळ्यात परिधान करुन मतदान केंद्रावर प्रवेश कसा दिला? ही सवलत केवळ सत्ताधारी उमेदवारालाच का दिली जाते? हा आदर्श आचारसंहितेचा भंग नाही का? तुम्ही सदर उमेदवारांवर नेमकी कोणती कारवाई करणार आहात याचे उत्तर महाराष्ट्र शासन, निवडणूक आयोगाने दिले पाहिजे.