ramdas kadam on jarange patil
मराठा आरक्षण आंदोलनाचे नेते मनोज जरांगे पाटील यांनी नारायणगडावरील दसरा मेळाव्यात एकनाथ शिंदे यांच्याबाबत 500 कोटी रुपयांच्या कथित व्यवहाराचा मुद्दा उपस्थित केला. श्रीकांत शिंदे यांच्या माध्यमातून आपल्यापर्यंत 500 कोटी रुपये पोहोचल्याचं एकनाथ शिंदे यांनी भाजपच्या नेत्यांना सांगितलं होतं का, असा थेट सवाल जरांगे यांनी केला. त्यांच्या या वक्तव्यावर एकनाथ शिंदे यांच्या शिवसेनेचे ज्येष्ठ नेते रामदास कदम यांनी प्रतिक्रिया दिली आहे. (Ramdas Kadam)
नारायणगडावरील मेळाव्यात बोलताना मनोज जरांगे यांनी एकनाथ शिंदे यांच्याकडून या कथित चर्चेबाबत स्पष्टीकरण मागितलं. भाजपमधील काही नेते आपल्याला 500 कोटी रुपये मिळाल्याची कुजबुज करत असल्याचा दावा त्यांनी केला.
‘शिंदेसाहेब, तुम्ही मला 500 कोटी रुपये दिलेत का? श्रीकांत भैय्या शिंदे यांच्या माध्यमातून पैसे पोहोचल्याचं तुम्ही भाजपच्या नेत्यांना सांगितलं का?’ असे सवाल जरांगे यांनी उपस्थित केले.
या प्रकरणावर शिंदे यांनी दसरा मेळाव्यात किंवा संध्याकाळपर्यंत उत्तर द्यावं, अशी मागणीही त्यांनी केली. आपल्याला संपवण्याचा प्रयत्न नेमका भाजपकडून होतोय की एकनाथ शिंदे यांच्याकडून, याचा छडा लावल्याशिवाय गप्प बसणार नसल्याचंही जरांगे म्हणाले.
मनोज जरांगे यांच्या वक्तव्यावर प्रतिक्रिया देताना रामदास कदम यांनी एकनाथ शिंदे यांच्या राजकीय पाठिंब्याचा उल्लेख केला. ते म्हणाले, ” मला जरांगे पाटलांना सांगायचंय एकनाथ शिंदे यांच्यासोबत पूर्वी 40 आमदार होते, तर आता 65 आमदार त्यांच्या पाठीशी आहेत. 65 आमदार शिंदे यांच्यासोबत ठामपणे उभे असल्याने काळजी कसली आहे. आपल्याला कोण संपवणार? जर का कोणी आपल्याला संपवायचा प्रयत्न केला तर आपण राजकारणात नवीन आहात का? असा सवाल त्यांनी उपस्थित केला.
तसेच, जरांगेंनी आपली भूमिका उघडपणे मांडल्याबद्दल त्यांनी प्रतिक्रिया दिली. रामदास कदम यांनी काही लोकांना शिवसेना आणि भाजपमध्ये मतभेद निर्माण करायचे असल्याचा आरोप केला. दोन्ही पक्षांमध्ये भांडण लावण्याचे प्रयत्न यशस्वी होणार नाहीत, असंही त्यांनी स्पष्ट केलं.
रामदास कदम म्हणाले, “जरंगे पाटलांनी काही मनात ठेवलं नाही याबाबत मी त्यांचे आभार मानतो. ते उघडपणे आणि स्पष्टपणे बोललेत. त्यांनी काही मनात ठेवलं नसल्यामुळं अधिक स्पष्टता येईल. शिंदे साहेबानासुद्धा कळेल कि हि कोण माणसं आहेत. काही लोकांना शिवसेना – भाजपमध्ये तेढ निर्माण करायची आहे का? जे लोक आंदोलन करायला युतीसमोर उतरले आहेत त्यांना आमच्यात भांडण लावून द्यायची आहेत पण तसं होणार नाही,” असं ते म्हणाले.
दरम्यान, मनोज जरांगे यांनी उपस्थित केलेल्या प्रश्नावर एकनाथ शिंदे यांची प्रतिक्रिया काय असणार, याकडे राजकीय वर्तुळाचं लक्ष लागलं आहे. या कथित व्यवहाराबाबत कोणताही निष्कर्ष काढण्यापूर्वी संबंधित नेत्यांची अधिकृत भूमिका आणि दाव्यांची पडताळणी महत्त्वाची ठरणार आहे.
Ans: श्रीकांत शिंदे यांच्या माध्यमातून आपल्याला 500 कोटी रुपये दिल्याचं एकनाथ शिंदे यांनी भाजप नेत्यांना सांगितलं होतं का, असा सवाल मनोज जरांगे यांनी केला.
Ans: एकनाथ शिंदे यांच्यासोबत आमदार खंबीरपणे उभे असल्याचं सांगत रामदास कदम यांनी त्यांच्या राजकीय पाठिंब्याचा उल्लेख केला. तसेच, शिवसेना आणि भाजपमध्ये तेढ निर्माण करण्याचे प्रयत्न होत असल्याचा आरोप केला.
Ans: 500 कोटी रुपयांच्या कथित व्यवहाराबाबत एकनाथ शिंदे यांनी दसरा मेळाव्यात किंवा संध्याकाळपर्यंत उत्तर द्यावं, अशी मागणी जरांगे यांनी केली.
.png "Videos"){kind=small}
