Pankaja Munde dasara melava
Pankaja Munde Bhagwangad Dasara Melava : भाजप नेत्या पंकजा मुंडे यांच्यातर्फे बीडमधील भगवानगड येथे सालाबादप्रमाणे यंदाही दसरा मेळावा आयोजित करण्यात आला होता. यावेळी त्यांनी उपस्थितांना संबोधित करताना वेगवेगळ्या विषयांना हात घातला. भारतासह काही देशांमध्ये चाललेल्या Gen Z आंदोलांनचा उल्लेख त्यांनी यावेळी केला. तरुण पिढीला देशभक्ती, देशाबद्दल आदर आणि जबाबदार नेतृत्वाचा संदेश त्यांनी यावेळी दिला. ‘देश जाळणारे तरुण नकोत,’ असेदेखील त्या यावेळी म्हणाल्या.
पंकजा मुंडे यांनी भगवान गडावरील दसरा मेळाव्यात तरुण पिढीला महत्त्वाचा संदेश दिला. देशाबद्दल आदर, देशभक्ती आणि सामाजिक सलोखा यांचा उल्लेख करत त्यांनी ‘आपल्याला स्वतःचा देश जाळणारे तरुण नकोत,’ असे ठामपणे सांगितले. त्याचवेळी Gen Z अर्थात नव्या पिढीने नेतृत्व करताना मुद्द्यांवर भर द्यावा, असं आवाहनही त्यांनी केलं.
जगभरातील संघर्ष आणि अस्थिरतेचा संदर्भ देताना पंकजा मुंडे यांनी फ्रान्समधील परिस्थितीचा उल्लेख केला. रशिया-युक्रेन आणि इराणमधील युद्धाचाही दाखला देत देशाचा आदर न करणारी तरुण पिढी आपल्याला नको, असं त्या म्हणाल्या.
गोपीनाथ मुंडे यांचे विचार आणि जयप्रकाश नारायण यांच्यासोबत काम केलेल्या नेतृत्वाचा संदर्भ देत त्यांनी तरुणांसमोर आदर्श ठेवला. आजची तरुण पिढी सक्षम आहे; मात्र नेतृत्व करायचं असेल तर ते विचारांच्या आणि मुद्द्यांच्या जोरावर व्हायला हवं. केवळ आक्रमकता किंवा संघर्षातून नेतृत्व उभं राहत नाही, असा संदेश त्यांच्या भाषणातून देण्यात आला.
महाराष्ट्रात दुष्काळाचं संकट असताना समाजात फूट पाडण्याचे प्रयत्न होऊ शकतात, अशी चिंता पंकजा मुंडे यांनी व्यक्त केली. जातीपातींच्या भिंती उभ्या करण्याऐवजी त्या मोडून काढण्याची गरज असल्याचं त्यांनी सांगितलं.
‘मी अंतरवाली दत्तक घेतली आहे. या गावाचा विकास करणार असून बीडइतकंच प्रेम करणार आहे,’ अशी भूमिका त्यांनी मांडली. गावागावात प्रेमाचा प्रसार व्हायला हवा. जातीच्या आधारावर मोठं होण्याचा प्रयत्न करणाऱ्यांना भविष्यात यश मिळणार नाही, असंही त्या म्हणाल्या. सुशिक्षित आणि प्रशिक्षित नेतृत्व देशाला योग्य दिशा देऊ शकतं, तर स्पष्ट अजेंडा नसलेले लोक समाजात तेढ निर्माण करतात, अशी टीकाही त्यांनी केली.
दुष्काळाच्या मुद्द्यावर बोलताना पंकजा मुंडे यांनी यापूर्वीही दुष्काळी परिस्थिती हाताळल्याचं सांगितलं. यंदाही संकटाचा सामना करण्यासाठी प्रयत्न करणार असल्याचं त्यांनी स्पष्ट केलं.
CSR फंडाच्या माध्यमातून चारा अनुदानासाठी नरेंद्र मोदी आणि देवेंद्र फडणवीस यांच्यासोबत काम करून दुष्काळग्रस्तांना मदतीचा आधार देण्याचा प्रयत्न करणार असल्याचं त्यांनी सांगितलं. तसेच नदी संवर्धनासाठी प्रत्यक्ष काम करण्याचा निर्धारही व्यक्त केला.
एकीकडे तरुणांना देशभक्ती आणि जबाबदार नेतृत्वाचा संदेश, तर दुसरीकडे जातीभेद दूर करण्यासह दुष्काळावर उपाययोजनांचा निर्धार, अशा विविध मुद्द्यांवर पंकजा मुंडे यांनी भगवान गडावरील दसरा मेळाव्यात आपली भूमिका मांडली.
Ans: पंकजा मुंडे यांनी तरुण पिढीला देशभक्ती, देशाबद्दल आदर आणि जबाबदार नेतृत्वाचा संदेश दिला. ‘देश जाळणारे तरुण नकोत,’ असे त्या म्हणाल्या.
Ans: Gen Z ने नेतृत्व करताना मुद्दे आणि विचार यांना महत्त्व द्यावं. ‘नेतृत्व मुद्द्यावर होईल, गुद्द्यावर नाही,’ असं त्यांनी स्पष्ट केलं.
Ans: CSR फंडाच्या माध्यमातून चारा अनुदानासाठी नरेंद्र मोदी आणि देवेंद्र फडणवीस यांच्यासोबत काम करण्याचा प्रयत्न करणार असल्याचं त्यांनी सांगितलं.
.png "Videos"){kind=small}
