Ramesh Karad controversial statement : बेताल बरळणाऱ्या सत्ताधाऱ्यांमध्ये आणखी एक आमदार; रोहित पवारांनी थेट शेअर केला व्हिडिओ

Ramesh Karad controversial statement : भाजप आमदार रमेश कराड यांनी लातूर ग्रामीण मतदारसंघाची थेट पाकिस्तानसोबत तुलना केली. याचा व्हिडिओ रोहित पवारांनी शेअर केला आहे.

रमेश कराड वादग्रस्त विधान करत लातूर ग्रामीण मतदारसंघाची पाकिस्तानशी तुलना केली (फोटो - सोशल मीडिया)

Follow Us:

Follow Us:

• भाजप आमदार रमेश कराड यांचे वादग्रस्त विधान
• लातूर ग्रामीण मतदारसंघाला दिली पाकिस्तानची उपमा
• रोहित पवारांनी शेअर केला रमेश कराडचा व्हिडिओ

Ramesh Karad controversial statement : लातूर : सध्या महायुतीचे अनेक नेते हे वादाच्या भोवऱ्यामध्ये अडकताना दिसून येत आहे. एकनाथ शिंदे यांच्या शिवसेनेमधील संजय गायकवाड, अजित पवारांचे माणिकराव कोकाटे तसेच भाजपचे योगेश कदम यांची अनेक प्रकरणे समोर येत आहेत. यानंतर आता आणखी एका भाजप आमदाराच्या अडचणी वाढण्याची शक्यता आहे. शरद पवार गटाचे आमदार रोहित पवार यांनी लातूर ग्रामीणचे आमदार रमेशअप्पा कराड यांचा व्हिडिओ शेअर केला आहे.

मुख्यमंत्री देवेंद्र फडणवीस हे काल लातूर दौऱ्यावर होते. लातूरमध्ये दिवंगत नेते गोपीनाथ मुंडे यांचा पूर्णाकृती पुतळा बसवण्यात आला. या पुतळ्याच्या उद्घटनासाठी मुख्यमंत्री फडणवीस यांच्यासह पंकजा मुंडे, धनंजय मुंडे आणि भाजपचे इतर नेते तसेच मुंडे समर्थक उपस्थित होते. यावेळी भाजप नेते आमदार रमेश कराड हे देखील उपस्थित होते. मात्र यावेळी रमेश कराड यांनी आपल्या भाषणामध्य लातूर ग्रामीणला थेट पाकिस्तानची उपमा देत अजब दावा केला. यामुळे आता राजकीय वर्तुळातून जोरदार टीका केली जात आहे.

राजकीय बातम्या वाचण्यासाठी क्लिक करा

शरद पवार गटाचे आमदार रोहित पवार यांनी भाजप आमदार रमेश कराड यांचा व्हिडिओ शेअर केला आहे. यामध्ये रमेश कराड हे त्यांचा लातूर ग्रामीण मतदारसंघ हा पाकिस्तानमध्ये भारताचा झेंडा लावण्यासारखं आहे असे म्हणाले आहेत. यावरुन आता वाद चिघळण्याची शक्यता आहे. रमेश कराड यांनी मुख्यमंत्री देवेंद्र फडणवीस यांच्यासमोर हे वक्तव्य केले आहे.

महाराष्ट्रसंबंधित बातम्या वाचण्यासाठी क्लिक करा

आमदार रमेश कराड यांचा व्हिडिओ शेअर करताना रोहित पवार यांनी आक्रमक भूमिका घेतली आहे. रोहित पवार यांनी लिहिले आहे की, “बेताल बरळणाऱ्या सत्ताधाऱ्यांमध्ये लातूर ग्रामीणचे आमदार रमेशअप्पा कराड यांचाही समावेश झाला. ‘‘लातूर ग्रामीण मतदारसंघ म्हणजे पाकिस्तानात भारताचा झेंडा लावण्यासारखा प्रकार’’, हे त्यांचं वक्तव्य म्हणजे लातूर ग्रामीण मतदारसंघातील तमाम जनतेचा अवमान आहे आणि याबाबत त्यांनी माफी मागितली पाहिजे. विशेष म्हणजे मुख्यमंत्री महोदय हे व्यासपीठावर असूनही त्यांनी कराड यांना रोखलं नाही, त्यामुळं त्यांचाही या वक्तव्याला पाठींबा आहे का? असा प्रश्न पडतो,” असा आक्रमक पवित्रा आमदार रोहित पवार यांनी घेतला आहे.

बेताल बरळणाऱ्या सत्ताधाऱ्यांमध्ये लातूर ग्रामीणचे आमदार रमेशअप्पा कराड यांचाही समावेश झाला. ‘‘लातूर ग्रामीण मतदारसंघ म्हणजे पाकिस्तानात भारताचा झेंडा लावण्यासारखा प्रकार’’, हे त्यांचं वक्तव्य म्हणजे लातूर ग्रामीण मतदारसंघातील तमाम जनतेचा अवमान आहे आणि याबाबत त्यांनी माफी मागितली… pic.twitter.com/TFnVy88IhO

— Rohit Pawar (@RRPSpeaks) August 12, 2025

Web Title: Ramesh karad controversial statement comparing latur gramin with pakistan rohit pawar shares video

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com