शनिवार, 31 ऑक्टोबर 2026
: सातारा पालिकेत विकासकामांच्या निधीवरून वाद!; बाकड्यांवरून नगरसेवकांमध्ये जुंपली
नगरपरिषदेच्या सभागृहात स्वीकृत नगरसेवक पदाची घोषणा झाल्यानंतर माध्यम प्रतिनिधींशी बोलताना पठाण यांनी हा विषय उपस्थित केला. मंजूर विकासकामांची अंमलबजावणी संबंधित प्रभागातच झाली पाहिजे, अशी भूमिका त्यांनी मांडली. एका प्रभागासाठी मंजूर केलेली बाकडी दुसऱ्या प्रभागात बसवण्याचा निर्णय कोणत्या प्रक्रियेनुसार घेण्यात आला, असा त्यांचा सवाल आहे.
Maharashtra Epstein Files: ‘महाराष्ट्र एपस्टीन फाईल्स’मधील भोंदूबाबाचे रहस्य उलगडणार! मनोज जोशींचा
या कामासाठी कोणत्या प्रभागाचा विकासनिधी वापरण्यात आला, नगरपरिषदेची प्रशासकीय मान्यता घेण्यात आली होती का आणि मद्यविक्री दुकानासमोरच बाकडी बसवण्यामागील कारण काय, याची माहिती त्यांनी मागितली आहे. संबंधित ठिकाणी महिला आणि मुलींच्या सुरक्षिततेचा विचार करण्यात आला होता का, याकडेही त्यांनी लक्ष वेधले.
या प्रकरणाची सविस्तर माहिती नगराध्यक्ष अमोल मोहिते, उपनगराध्यक्ष अॅड. दत्तात्रय बनकर आणि मुख्याधिकारी विनोद जळक यांच्याकडे मागणार असल्याचे पठाण यांनी सांगितले. दरम्यान, या बाकड्यांच्या स्थलांतराबाबत संबंधित नगरसेवकांची भूमिका अद्याप समोर आलेली नाही. त्यामुळे प्रत्यक्षात हा निर्णय कोणत्या कारणाने आणि कोणाच्या संमतीने घेण्यात आला, हे प्रशासनाच्या स्पष्टीकरणानंतरच स्पष्ट होणार आहे.
Hockey India: चक दे इंडिया! एकावर एक धुवाँधार गोल, जपानचा ४-१ ने खात्मा, सेमीफायनलचे तिकीट खिशात
नगरपरिषदेत प्रभागनिहाय विकासकामांचे नियोजन, निधीचा विनियोग आणि कामांच्या अंमलबजावणीतील अधिकार याबाबत स्पष्टता असणे आवश्यक आहे. बाकड्यांच्या प्रकरणामुळे हा मुद्दा पुन्हा चर्चेत आला आहे. भाजपची सत्ता असलेल्या सातारा पालिकेत दोन्ही राजांच्या मनोमिलनानंतरही स्थानिक पातळीवर नगरसेवकांमध्ये समन्वयाची गरज असल्याचे या निमित्ताने अधोरेखित झाले आहे. प्रशासन या प्रकरणाची वस्तुस्थिती स्पष्ट करणार का, याकडे आता लक्ष लागले आहे.
Ans: प्रभाग क्रमांक ८ साठी मंजूर करण्यात आलेली विकासकामांची बाकडी प्रभाग क्रमांक ९ मध्ये मद्यविक्री दुकानासमोर बसवल्याने नगरसेवकांमध्ये मतभेद निर्माण झाले आहेत.
Ans: एका प्रभागाचा निधी दुसऱ्या प्रभागात वापरण्यासाठी प्रशासकीय मान्यता होती का, आणि दारूच्या दुकानासमोर बाकडी बसवताना महिलांच्या सुरक्षेचा विचार केला होता का, असे सवाल पठाण यांनी उपस्थित केले आहेत.
Ans: या प्रकरणाबाबत नगराध्यक्ष अमोल मोहिते, उपनगराध्यक्ष ॲड. दत्तात्रय बनकर आणि मुख्याधिकारी विनोद जळक यांच्याकडे सविस्तर माहिती मागण्यात येणार आहे.
