Thackeray Brothers Garjana Morcha, Uddhav Thackeray Raj Thackeray
मेट्रो सिनेमा ते मुंबई महापालिका मुख्यालय असा निघालेल्या या मोर्चात महाविकास आघाडीसह विविध विरोधी पक्षांचे नेते आणि कार्यकर्ते मोठ्या संख्येने सहभागी झाले होते. उद्धव ठाकरे यांनी निवडणूक आयोगाच्या आयुक्तांच्या निवड प्रक्रियेवरच प्रश्नचिन्ह उपस्थित केले. राष्ट्रपतिपदासाठी निवडणूक होते, मग निवडणूक आयुक्तांची का नाही? असा सवाल त्यांनी केला. भारत देश ज्ञानेश कुमारांच्या बापाचा नाही, असा घणाघात करत त्यांनी केंद्र सरकारवरही निशाणा साधला. हा लढा कोणत्याही जाती-पातीचा किंवा धर्माचा नसून स्वातंत्र्य व लोकशाही वाचवण्याचा असल्याचे ठाकरे म्हणाले.
मनसे अध्यक्ष राज ठाकरे यांनी मोर्चातून दोन प्रमुख मागण्या स्पष्ट केल्या. महाराष्ट्रात आतापर्यंत झालेली सपूर्ण एसआयआर प्रक्रिया रद्द करा आणि आगामी निवडणुका बैलेट पेपरवर घ्या, अशी मागणी त्यांनी केली. एसआयआर बेकायदेशीर असल्याचा दावा करताना त्यांनी माजी केंद्रीय गृहसचिव आर. के. सिंह यांच्या भूमिकेचाही संदर्भ दिला. विधानसभा निवडणुकीपूर्वी राज्यातील मतदारसंख्येत ४० ते ६० लाखांची वाढ झाली आणि आता एसआयआरच्या माध्यमातून सुमारे दोन कोटी मतदार वगळण्यात आल्याचा दावा राज यांनी केला. हे दोन कोटी लोक कोण होते? हे आमचे मतदार होते का? असा सवाल त्यानी उपस्थित केला. २०१७-१८ पासून आपण निवडणूक प्रक्रिया आणि मतदार याद्यांमधील घोळाबाबत बोलत असल्याचे सांगत राज यांनी भाजपच्या मतवाढीवरही प्रश्न उपस्थित केला. कोणत्याही परिस्थितीत मतदान यंत्रे बंद झाली पाहिजेत.
देशभरातील मतदार याद्यांमधून कोट्यवधी मतदार वगळल्याचा आरोप करत उद्धव ठाकरेंनी निवडणूक आयोगाच्या रचनेत करण्यात आलेल्या बदलांवरही आक्षेप घेतला. सरन्यायाधीशांना निवड समितीतून वगळून केंद्रीय गृहमंत्री अमित शहा यांचा समावेश करण्यात आला आणि त्यानंतर ज्ञानेश कुमार यांची नियुक्ती झाली, असा आरोप त्यांनी केला. मेक इन इंडियाच्या माध्यमातून हुकूमशहा तयार होत असेल, तर त्यांना गाडून टाकल्याशिवाय राहणार नाही, असा इशाराही उद्धव ठाकरेंनी दिला.
‘यांच्यामध्ये कोणतीही भिती नाही, एकाच उद्योगपतीला सर्व देऊन टाकायचं’; राज ठाकरेंचा सरकारवर घणाघात
काँग्रेसचे ज्येष्ठ नेते बाळासाहेब थोरात यांनी देशात मतांची चोरी होत असल्याचा आरोप केला. निवडणूक आयोगाच्या नियुक्ती प्रक्रियेतून सरन्यायाधीशांना दूर केल्यानंतर आयोगावर सत्तेचे नियंत्रण वाढल्याचे ते म्हणाले, लोकशाही वाचवावी लागेल, असे आवाहन करत त्यानी ज्ञानेश कुमार यांच्या राजीनाम्याची आणि निवडणूक प्रक्रियेची चौकशी करण्याची मागणी केली.
ठाकरे गटाचे आमदार भास्कर जाधव यांनी भाजपवर घंट निशाणा साधत भाजप चौरीत सामील आहे, असा आरोप केला, निवडणूक आयोगाच्या कवित गैरप्रकाराचा फायदा सत्ताधाऱ्यांना होत असल्याने भाजप आयोगाच्या बाजूने उभा राहत असल्याचे ते म्हणाले, चोराचे भागीदार बाजूने उभे राहणारच, असा टोला त्यांनी लगावला.
MPSC Protest : आंदोलनात संजय राऊतांची एन्ट्री; ‘जंतर-मंतर जिल्ह्या-जिल्ह्यात उभं राहिलं तर मंत्रालयाबाहेर पडता येणार नाही’
ठाकरे बंधूच्या आदोलनात राजकीय पक्षांचे झेंडे वापरण्यास परवानगी नव्हती. कार्यकर्ते आणि समर्थकाना फक्त राष्ट्रध्वज तिरंगा, सोबता बाळगण्यास सांगण्यात आले होते. शिवाजी पार्कमध्ये मुख्य निवडणूक आयुक्तांविरोधात झालेल्या ‘जेल भरो आंदोलना ‘च्या दोन दिवसांनंतर हे प्रदर्शन पार घडले.
राष्ट्रवादी काँग्रेस शरदचंद्र पवार पक्षाचे अनिल देशमुख यांनी मतदार याद्यांमध्ये मोठ्या प्रमाणात घोळ होत असल्याचा आरोप केला. जो डाले वोट पे डाका, उसका नाम ग्यानू काका, अशी घोषणा देत त्यांनी ज्ञानेश कुमार यांच्यावर निशाणा साधला. ज्ञानेश कुमार यांनी राजीनामा द्यावा, त्यांच्यावर एफआयआर दाखल करून कारवाई करावी आणि आगामी निवडणुका बैलेट पेपरवर घ्याव्यात, अशी मागणी त्यांनी केली.
.png "Videos"){kind=small}
