Kanya Pujan: कन्या पूजनाच्या वेळी देऊ नका या भेटवस्तू, कोणत्या गोष्टी देणे शुभ अशुभ जाणून घ्या

नवरात्रीच्या अष्टमी आणि नवमीच्या दिवशी कन्यापूजन केले जाते. या दिवशी कुमारिकांना घरी बोलावून त्यांची पूजा करुन त्यांना जेवण देऊन भेटवस्तू दिल्या जातात. कन्या पूजन कधी आहे, जाणून घ्या

नवरात्रीचे 9 दिवस हिंदू धर्मामध्ये खूप पवित्र मानले जातात. नवरात्रीच्या या काळामध्ये देवीच्या 9 रुपांची पूजा केली जाते. एका वर्षात चार नवरात्र असतात. त्यापैकी आश्विन महिन्यात शारदीय नवरात्र मोठ्या उत्साहात साजरी केली जाते. यावेळी देवीच्या 9 रुपांच्या पूजेसोबत 9 दिवस उपवास देखील केला जातो. या नऊ दिवसांपैकी आठव्या आणि नवव्या दिवशी कन्या पूजन केले जाते. कन्या पूजनाच्या वेळी लोक अनेकदा मुलींना खास भेटवस्तू देतात. कन्या पूजनाच्या वेळी मुलींना कोणत्या वस्तू भेट देणे शुभ मानले जाते आणि कोणत्या अशुभ ते जाणून घ्या

कन्या पूजनाचा मुहूर्त

अष्टमी तिथीच्या दिवशी म्हणजेच 30 सप्टेंबर रोजी सकाळी 5.14 ते 6.13 पर्यंत असेल. तर दुसरा शुभ मुहूर्त सकाळी 10.41 ते दुपारी 12.11 पर्यंत असेल. तसेच नवमीला कन्या पूजनाचा पहिला शुभ मुहूर्त सकाळी 5.1 ते 6.14 पर्यंत असेल. दुसरा शुभ मुहूर्त दुपारी 2.9 ते 2.57 पर्यंत असेल.

कसे केले जाते कन्या पूजन

कन्या पूजनाच्या दिवशी घरी आलेल्या मुलींचे प्रथम पाय धुतले जातात. त्यानंतर, त्यांना स्वच्छ आसनावर बसवले जाते. त्यानंतर त्यांच्या कपाळावर तिलक लावला जातो. ते त्यांच्या हातावर एक पवित्र धागा बांधतात. नंतर त्यांना जेवण दिले जाते. या दिवशी मुलींना हलवा, पुरी आणि चणे द्यावेत. त्यानंतर, त्यांना भेटवस्तू किंवा दक्षिणा देऊन त्यांचे आशीर्वाद घ्या.

Dussehra 2025: दसऱ्याला शमीच्या पानांची पूजा करणे का आहे खास, यामागील कारणे जाणून घ्या

कन्या पूजनाचे काय आहे धार्मिक महत्त्व

नवरात्रीमध्ये कन्या पूजनाला विशेष महत्त्व आहे. हे नवरात्रीच्या आठव्या आणि नवव्या दिवशी केले जाते. यावेळी लहान मुलींना जेवण देऊन भेटवस्तू दिल्या जातात. मान्यतेनुसार यावेळी देवीच्या 9 रुपांची पूजा केली जाते. मुलीची धार्मिक विधीनुसार देवी म्हणून पूजा केली जाते.

कन्यापूजेदरम्यान ही भटवस्तू देऊ नका

नवरात्रीच्या काळात कन्या पूजनाच्या वेळी मुलीला आईसारखे वागवले जाते आणि तिला जेवू घातले जाते, परंतु तिला कधीही रिकाम्या हाताने पाठवले जात नाही. तिला नेहमीच काही ना काही भेटवस्तू दिली जाते. जर तुम्हीही मुलीला भेटवस्तू देण्याचा विचार करत असाल तर तुम्ही प्लास्टिकच्या वस्तू किंवा स्टीलची भांडी, काचेच्या वस्तू किंवा चाकू, कात्री किंवा कोणत्याही धारदार वस्तू इत्यादी गोष्टी मुलींना देऊ नयेत.

Ashwin Purnima 2025: अश्विन पौर्णिमा कधी आहे? जाणून घ्या मुहूर्त, महत्त्व आणि मंत्र

कन्या पूजेदरम्यान या गोष्टी भेटवस्तू म्हणून द्या

नवरात्रीतमध्ये कन्या पूजनाच्या वेळी भेटवस्तू द्यायची झाल्यास या वस्तू भेट म्हणून देवू शकतात. तरुणींना सौंदर्यप्रसाधने आवडत असल्याने, त्यांना सौंदर्यप्रसाधने देणे खूप शुभ मानले जाते. तसेच, कन्या पूजनानंतर मुलीला फळे, पुस्तके आणि खेळणी देणे खूप शुभ मानले जाते.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)