Money Vastu Tips: पगार भरघोस, पण सेव्हिंग शून्य? घरातील ‘या’ 5 गोष्टी ठरू शकतात कारणीभूत

Money Vastu Tips: महिन्याच्या सुरुवातीला पगार हातात आल्यानंतर बचत करण्याचा विचार केला जातो; मात्र अचानक येणाऱ्या विविध खर्चांमुळे महिनाअखेरीस पैसा कमी पडतो. या पार्श्वभूमीवर वास्तुशास्त्रात घराची रचना, स्वच्छता आणि वस्तूंची मांडणी याबाबत काही मान्यता सांगितल्या जातात.

 

Vastu Tips for Money: बऱ्याच जणांचं असंच होतं. महिन्याची सुरुवात होते, पगार हातात येतो. तेव्हा वाटतं या महिन्यात थोडी बचत करु. पण 10-15 दिवस झाले की एक ना एक खर्च निघतोय. कधी लाईटचं बिल जास्त, कधी पाहुणे आले, कधी काही तरी बिघडलं. माहिना संपायच्या आत खिसा रिकामा होतो. फक्त खर्चाचा हिशोब ठेवून उपयोग नाही, कधी कधी आपल्या घरातल्या काही सवयीपण पैसा टिकू देत नाही.

वास्तुशास्त्रात असं सांगितलं आहे की घर कसं ठेवलंय, कोणती वस्तू कुठे ठेवलीये याचा पण आपल्या पैशावर परिणाम होतो. घरात सतत पसारा असेल, घाण असेल तर नकारात्मकता वाढते आणि त्याचा परिणाम आपल्या आर्थिक गोष्टींवर पण होतो. म्हणून काही छोट्या गोष्टी लक्षात घेतल्या तर घरात लक्ष्मी टिकून राहते. Money Vastu Tips:

१. घराचा ईशान्य कोपरा नेहमी मोकळा ठेवा.

घराची उत्तर-पूर्व दिशा म्हणजेच ईशान्य कोपरा हा सगळ्यात महत्त्वाचा मानला जातो. या कोपऱ्याला देवाचा कोपरा पण म्हणतात. हा कोपरा नेहमी स्वच्छ आणि मोकळा असायला हवा. तिथे जुनं सामान, तुटक्या वस्तू, कचरा असं काहीही टाकू नका. बऱ्याच लोकांची सवय असते की नको असलेल्या वस्तू एका कोपऱ्यात टाकून देतात. पण वास्तूनुसार असं केल्याने घरात पैसा येण्यात अडथळा येतो. आठवड्यातून एकदा तरी हा कोपरा नीट झाडून पुसून घ्या. तिथे जास्त सामान भरू नका.

२. तिजोरी कुठे ठेवता याला खूप महत्त्व आहे.

आपण पैसे, दागिने, महत्त्वाची कागदपत्रं जिथे ठेवतो ती जागा पण महत्त्वाची आहे. तिजोरी किंवा कपाट जिथे पैसे ठेवता ते दक्षिण-पश्चिम दिशेला असू नये. त्याचं तोंड नेहमी उत्तरेकडे किंवा पूर्वेकडे उघडेल असं असावं. असं केल्याने घरात पैसा टिकतो. तिजोरीच्या आजूबाजूला पण कचरा किंवा घाण ठेवू नका. जिथे पैसा ठेवतो तिथे आदराने आणि स्वच्छतेने ठेवावा.

३. तुटकं फुटकं सामान घरात साठवून ठेवू नका.

प्रत्येक घरात एक तरी कप्पा असतो जिथे तुटकी भांडी, बंद पडलेला मिक्सर, खराब झालेलं घड्याळ, फाटके कपडे पडलेले असतात. ‘कधी तरी कामाला येईल’ म्हणून आपण ते ठेवून देतो. पण वर्षानुवर्षे ते तसंच पडून राहतं. वास्तुशास्त्रानुसार अशा खराब वस्तू घरात ठेवल्याने घरातली चांगली ऊर्जा निघून जाते. त्यामुळे जे वापरण्यात नाही ते लगेच घराबाहेर काढा. घर मोकळं दिसेल आणि मन पण हलकं होईल.

४. स्वयंपाकघर स्वच्छ ठेवा

स्वयंपाकघर हे घराचं पोट आहे. तिथेच आपलं अन्न शिजतं. जर तिथेच घाण असेल तर घरात आजार आणि पैशांची कमतरता येते. रात्री खरकटी भांडी तशीच ठेवू नका. फ्रीजमध्ये खराब झालेलं अन्न जास्त दिवस ठेवू नका. धान्याचे डबे उघडे ठेवू नका. स्वयंपाकघर नेहमी आवरलेलं आणि लख्ख असलं की घरात अन्न आणि पैसा दोन्ही टिकून राहतं.

५. मुख्य दरवाजा हा सगळ्यात महत्त्वाचा

आपल्या घराचा मुख्य दरवाजा हाच पैशाचा आणि चांगल्या ऊर्जेचा येण्याचा रस्ता आहे. तिथे अंधार असेल, चपलांचा ढीग असेल, कचरा असेल तर चांगली ऊर्जा घरात येणार कशी? मुख्य दरवाजाजवळ नेहमी स्वच्छता ठेवा. तिथे चांगला उजेड असू द्या. तुटकी चप्पल, फाटकी सतरंजी दारासमोर ठेवू नका.

दार स्वच्छ आणि सुंदर असेल तर बघणाऱ्याला पण बरं वाटतं आणि घरात पण सकारात्मक वातावरण राहतं.या गोष्टी खूप छोट्या वाटतात पण याचा परिणाम मोठा होतो. फक्त वास्तूने पैसा येत नाही, काम तर करावंच लागतं. पण घर नीटनेटकं आणि स्वच्छ असेल तर मन शांत राहतं, कामात लक्ष लागतं आणि मग पैसा पण आपोआप टिकू लागतो.

(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)