गीता, नाट्यशास्त्र युनेस्कोच्या यादीत; मेमरी ऑफ द वर्ल्ड रजिस्टरमध्ये समावेश भारतीय वारशाच्या 14 नोंदी

UNESCO Memory of the World India : युनेस्कोच्या मेमरी ऑफ द वर्ल्ड रजिस्टरमध्ये श्रीमद्भगवद्गीता आणि भरतमुनींच्या नाट्यशास्त्राचा समावेश करण्यात आला आहे.

UNESCO Memory of the World India : युनेस्कोच्या मेमरी ऑफ द वर्ल्ड रजिस्टरमध्ये श्रीमद्भगवद्गीता आणि भरतमुनींच्या नाट्यशास्त्राचा समावेश करण्यात आला आहे. केंद्रीय सांस्कृतिक आणि पर्यटन मंत्री गजेंद्र सिंह शेखावत यांनी याबाबतची घोषणा केली आहे. हा भारतीय संस्कृतीच्या वारशासाठी ऐतिहासिक क्षण असल्याचे त्यांनी म्हटले आहे. याचे महत्त्व अधोरेखित करताना शेखावत म्हणाले की, या कालातीत कलाकृती केवळ साहित्यिक खजिन्यापेक्षा मोठ्या आहेत. त्या तात्तत्वक आणि सौंदर्यात्मक आधार आहेत ज्यांनी भारताच्या जागतिक दृष्टिकोनाला आणि आपण ज्या पद्धतीने विचार करतो, अनुभवतो, जगतो आणि व्यक्त होतो त्याला आकार दिला. यासह, आता आपल्या देशातील १४ नोंदी युनेस्कोच्या या रजिस्टरमध्ये समाविष्ट करण्यात आल्या आहेत.

2024 मध्ये रामचरितमानसचा समावेश 

2024 मध्ये, रामचरितमानस, पंचतंत्र आणि साहित्य-लोक या तीन भारतीय साहित्यकृतींचा ‘मेमरी ऑफ द वर्ल्ड कमिटी फॉर एशिया अँड द पॅसिफिक रीजन (एमओडब्ल्यूसीएपी)’ रजिस्टरमध्ये समावेश करण्यात आला. एकाच वेळी तीन भारतीय कलाकृतींचा समावेश करण्याची ही पहिलीच वेळ आहे. 1992 मध्ये सुरू झाले मेमरी ऑफ द वर्ल्ड रजिस्टर युनेस्कोचा मेमरी ऑफ द वर्ल्ड रजिस्टर हा 1992 मध्ये युनेस्कोने सुरू केलेला एक आंतरराष्ट्रीय उपक्रम आहे. जगातील महत्त्वाच्या माहितीपट वारशाची ओळख पटवणे, त्यांचे जतन करणे आणि त्यांना उपलब्ध करून देणे हे त्याचे उद्दिष्ट आहे. ही एक आंतरराष्ट्रीय नोंदवही आहे ज्यामध्ये जगभरातील ऐतिहासिक, सांस्कृतिक किंवा सामाजिक महत्त्व असलेले ऐतिहासिक दस्तऐवज, हस्तलिखिते, दुर्मीळ पुस्तके, छायाचित्रे, चित्रपट, ऑडिओ रेकॉर्डिंग इत्यादींचा समावेश आहे. या नोंदवहीत अनेक देशांची नावे समाविष्ट आहे.

See more

A historic moment for Bharat’s civilisational heritage!

The Shrimad Bhagavad Gita & Bharat Muni’s Natyashastra are now inscribed in UNESCO’s Memory of the World Register.

This global honour celebrates India’s eternal wisdom & artistic genius.

These timeless works are more than… pic.twitter.com/Zeaio8OXEB

— Gajendra Singh Shekhawat (@gssjodhpur) April 18, 2025

credit : social media

जागतिक घडामोडी संबंधित बातम्या वाचण्यासाठी येथे क्लिक करा : ‘सर्वांचे रडगाणे ऐकणार नाही…’ टॉप 15 अर्थव्यवस्थांशीच चर्चा करणार: डोनाल्ड ट्रम्प

धर्मग्रंथात प्राचीन ज्ञान

धर्मग्रंथ भारताच्या प्राचीन ज्ञान प्रतिबिंबित करतात, ज्याने अनादी काळापासून मानवतेला जगाला एक चांगले स्थान आणि जीवन अधिक सुंदर बनवण्याचा प्रकाश दाखवला आहे. – अमित शहा, गृहमंत्री

संस्कृती आणि चेतनेचे पोषण श्रीमद्भगवद्गीता आणि नाट्यशास्त्र हजारो वर्षांपासून मानवी संस्कृती आणि चेतनेचे पोषण करत आहेत. हा अभूतपूर्व सन्मान म्हणजे भारताच्या अद्वितीय आध्यात्मिक चेतनेची, अतुलनीय बुद्धिमत्तेची, शाश्वत ज्ञानाची परंपरा, कालातीत कलात्मक प्रतिभा आणि समृद्ध सांस्कृतिक वारशाची जागतिक मान्यता आहे. – योगी आदित्यनाथ, उत्तर प्रदेशचे मुख्यमंत्री

जागतिक घडामोडी संबंधित बातम्या वाचण्यासाठी येथे क्लिक करा : व्हिसा रद्दप्रकरणात भारतीय विद्यार्थ्यांना मोठा फटका; ट्रम्प प्रशासनाच्या भूमिकेवर प्रश्नचिन्ह

प्रत्येक भारतीयांसाठी अभिमानाचा क्षण

यावर प्रतिक्रिया देताना पंतप्रधान नरेंद्र मोदी यांनी, जगभरातील प्रत्येक भारतीयांसाठी हा अभिमानाचा क्षण असल्याचे म्हटले आहे. युनेस्कोच्या मेमरी ऑफ द वर्ल्ड रजिस्टरमध्ये गीता आणि नाट्यशास्त्राचा समावेश होणे ही आपल्या कालातीत ज्ञानाला आणि समृद्ध संस्कृतीला मिळालेली जागतिक मान्यता आहे. गीता आणि नाट्यशास्त्राने शतकानुशतके संस्कृती आणि चेतनेची जपणूक केली आहे. त्यांची अंतर्दृष्टी जगाला प्रेरणा देत राहते, असे पंतप्रधान मोदी यांनी एक्सवरील पोस्टमध्ये म्हटले आहे.