International Girl Child Day: ‘मुलगी म्हणजे आई दुर्गेचा अंश’, त्यांच्या सुरक्षिततेच्या जागरूकतेसाठी साजरा करूया आजचा खास दिवस

मुलींना बरेच हक्क मिळाले पण मात्र त्यांच्या सुरक्षिततेचा प्रश्न आजदेखील टांगणीला लागलेला आहे. भारत महासत्ता बनण्याच्या वाटेवर असताना भारतात स्त्री आजही सुरक्षति नाही. मग हे मिळालेलं स्वातंत्र्य नक्की काय कामाचं? गर्ल्स चाइल्ड डे साजरा करण्यामागचे कारण म्हणजे जगभरातील मुलींचे हक्क, आव्हाने आणि संधी याबद्दल अधिकाधिक लोकांना जागरूक करणे हा होय.

International Girl Child Day: 'मुलगी म्हणजे आदिशक्तीचा अंश', तिच्यावर होणाऱ्या अत्याचारांना थांबवण्यासाठी एकत्र येऊया ( फोटो सौजन्य : सोशल मीडिया)

Follow Us:

Follow Us:

नवरात्रीत देवी दुर्गेची पूजा आणि आराधना केली जाते. मुलीदेखील तिचाच अंश आहेत असे समजले जाते. मग असे असताना मुली सुरक्षित का नाहीत? असा प्रश्न आजच्या दिवशी तर सर्वांना पडायला हवा. या विषयावर विचार करून जागरूकता करण्याची अत्यंत गरज आहे. दरवर्षी 11 ऑक्टोबर रोजी जगभरात आंतरराष्ट्रीय बालिका दिन साजरा केला जातो. बालिका दिन साजरा करण्यामागचे कारण म्हणजे जगभरातील मुलींचे हक्क, आव्हाने आणि संधी याबद्दल अधिकाधिक लोकांना जागरुक करणे. हे केवळ लैंगिक समानतेला प्रोत्साहन देत नाही. त्याऐवजी, ते आरोग्य, शिक्षण आणि मुलींना सुरक्षित वातावरण प्रदान करण्याचे समर्थन करते.

मुलींच्या सुरक्षेचा मुद्दा

आजच्या आधुनिक जगात मुलींच्या सुरक्षेचा मुद्दा अतिशय महत्त्वाचा झाला आहे. भारतासारख्या सांस्कृतिक आणि परंपरांनी समृद्ध असलेल्या देशात मुलीला देवीच्या रूपात पूजले जाते. तरीसुद्धा, मुलींच्या सुरक्षेचे प्रश्न उभे राहतात, विशेषतः लैंगिक अत्याचार, छळ, अपहरण आणि अन्यायाच्या घटना पाहायला मिळतात. अशा घटना मुलींच्या विकासाच्या आणि स्वातंत्र्याच्या मार्गात अडथळा ठरतात.

सरकारचे विविध उपक्रम

भारतात मुलींच्या सुरक्षेसाठी सरकार विविध उपक्रम राबवत आहे. ‘बेटी बचाओ, बेटी पढाओ’ सारखे अभियान मुलींच्या शैक्षणिक आणि सामाजिक सुरक्षेसाठी महत्त्वपूर्ण आहेत. मात्र, फक्त सरकारी उपाय योजना पुरेशा नाहीत, तर समाजातील प्रत्येक घटकाने या विषयावर लक्ष दिले पाहिजे. शाळा, महाविद्यालये आणि घरांमध्ये मुलींच्या सुरक्षिततेबद्दल जागरूकता निर्माण करणे आवश्यक आहे.

International Girl Child Day: ‘मुलगी म्हणजे आदिशक्तीचा अंश’, तिच्यावर होणाऱ्या अत्याचारांना थांबवण्यासाठी एकत्र येऊया ( फोटो सौजन्य : सोशल मीडिया)

मुलींवर होणारे अत्याचार

मुलींच्या सुरक्षिततेसाठी सर्वात मोठा धोका म्हणजे लैंगिक अत्याचार. अशा प्रकरणांमध्ये समाजाने पीडित मुलींच्या बाजूने उभे राहणे आणि दोषींना कठोर शिक्षा होण्यासाठी प्रयत्न करणे आवश्यक आहे. समाजात मुलींना सुरक्षिततेची हमी मिळवून देण्यासाठी तात्काळ पावले उचलायला हवीत. मुलींना आत्मरक्षणाचे प्रशिक्षण देणे, त्यांना त्यांच्या हक्कांबद्दल जागरूक करणे आणि आपल्या कुटुंबात खुल्या वातावरणाची निर्मिती करणे गरजेचे आहे.

हे देखील वाचा : ‘ती’चा सन्मान फक्त 9 दिवस? विचारांची अस्पृश्यता आजही कायम, शक्तीचे रूप दाखविण्याची गरज

मुलींना धैर्याने बोलण्यास शिकवले पाहिजे

पालकांनी आपल्या मुलींना धैर्याने बोलण्यास शिकवले पाहिजे. मुलींनी घडणाऱ्या चुकीच्या घटनांबद्दल लगेच पालक, शिक्षक किंवा विश्वासू व्यक्तीला सांगण्याचे धाडस करायला हवे. तसंच, पुरुषांच्या मानसिकतेत बदल घडवणेही आवश्यक आहे. मुलींना सन्मान आणि सुरक्षा देणे ही संपूर्ण समाजाची जबाबदारी आहे.

हे देखील वाचा : आठवी माळ, भक्तांची तारणहार पुण्यातील वनदेवी

त्यांना सुरक्षित ठेवणे आपले कर्तव्य

आज आंतरराष्ट्रीय बालिका दिनाच्या निमित्ताने आपण सर्वांनी ठरवले पाहिजे की, मुली म्हणजे देवीचा अंश आहेत, त्यांचे जीवन सुरक्षित ठेवणे आपले कर्तव्य आहे. त्यांच्या सुरक्षिततेसाठी सजग राहून, त्यांच्यासाठी सुरक्षित आणि आदरयुक्त समाज निर्माण करण्यासाठी आपण सर्वांनी हातभार लावायला हवा.

Web Title: International girl child day girls are a part of mother durga lets celebrate this special day for their safety awareness nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com