AFG vs HK: आशिया कपच्या पहिल्या सामन्यात अफगाणिस्तान-हाँगकाँगची टक्कर, जाणून घ्या हेड-टू-हेड रेकॉर्ड आणि संभाव्य Playing 11

आशिया कप 2025 ला आजपासून सुरुवात! उद्घाटन सामन्यात अफगाणिस्तान आणि हाँगकाँग आमनेसामने. दोन्ही संघांचा हेड-टू-हेड रेकॉर्ड, पिच रिपोर्ट आणि प्रमुख खेळाडूंची माहिती जाणून घेण्यासाठी सविस्तर वाचा.

AFG vs HK Head to Head And Playing 11: आशिया कप 2025 चा थरार (Asia Cup 2025) आजपासून (मंगळवार, 9 सप्टेंबर) सुरू होत आहे. या स्पर्धेचा पहिला आणि उद्घाटन सामना अबू धाबी येथील शेख जायद क्रिकेट स्टेडियममध्ये भारतीय वेळेनुसार संध्याकाळी 8.00 वाजता अफगाणिस्तान आणि हाँगकाँग (AFG vs HK) यांच्यात खेळला जाईल. दोन्ही संघ टी-20 फॉरमॅटमध्ये त्यांच्या आक्रमक खेळासाठी ओळखले जातात, त्यामुळे हा सामना रोमांचक होण्याची शक्यता आहे.

हेड-टू-हेड रेकॉर्ड (AFG vs HK Head to Head)

अफगाणिस्तान आणि हाँगकाँग यांच्यात 2014 पासून आतापर्यंत एकूण 6 टी-20 आंतरराष्ट्रीय सामने खेळले गेले आहेत. यापैकी अफगाणिस्तानने 4 सामन्यांमध्ये विजय मिळवला आहे, तर हाँगकाँगने 2 सामने जिंकले आहेत. आकडेवारीवरून हे स्पष्ट दिसते की, अफगाणिस्तानचे पारडे जड आहे, पण हाँगकाँगनेही आपल्या दमदार खेळाने प्रतिस्पर्धकांना धक्का देण्याचे काम केले आहे.

See more

While Hong Kong holds two T20I wins over Afghanistan, can they really challenge the modern might of an Afghan side that has tested even the best teams? pic.twitter.com/whzXjbVJPB — CricTracker (@Cricketracker) September 9, 2025

पिच रिपोर्ट

अबू धाबीची खेळपट्टी फलंदाजांसाठी अनुकूल मानली जाते. येथे धावा सहज काढता येतात, पण गोलंदाजांनाही त्यांची भूमिका बजावण्याची संधी मिळेल. वेगवान गोलंदाजांना नव्या चेंडूने मदत मिळू शकते, तर मधल्या षटकांमध्ये फिरकी गोलंदाज प्रभावी ठरू शकतात.

Asia Cup 2025 चे जेतपद जिंकणारा संघ होणार मालामाल! बक्षीस रकमेत झाली मोठी वाढ

दोन्ही संघांची ताकद आणि प्रमुख खेळाडू

• अफगाणिस्तान: अफगाणिस्तानकडून इब्राहिम जाद्रान आणि सेदिकुल्ला अटल फलंदाजीत महत्त्वाची भूमिका बजावू शकतात. तसेच, कर्णधार रशीद खान आणि वेगवान गोलंदाज नवीन-उल-हक विरोधी फलंदाजांवर दबाव आणण्यात सक्षम आहेत. मोहम्मद नबी आणि करीम जन्नत सारखे अनुभवी अष्टपैलू खेळाडू संघाला अधिक संतुलन देतील.
• हाँगकाँग: हाँगकाँगच्या संघाकडून अंशुमान रथ आणि झिशान अली यांच्यावर फलंदाजीची जबाबदारी असेल. कर्णधार यासिम मुर्तझा आणि युवा गोलंदाज आयुष शुक्ला आपल्या गोलंदाजीने अफगाण फलंदाजांना त्रास देऊ शकतात. बाबर हयात आणि निजाकत खान देखील संघाच्या फलंदाजीला मजबूत करतील.

रोमांचक सामन्याची अपेक्षा

हाँगकाँग आणि अफगाणिस्तान दोन्ही संघ त्यांच्या टी-20 मधील आक्रमक खेळासाठी ओळखले जातात. अफगाणिस्तानचा अनुभव आणि अष्टपैलू खेळाडूंची उपस्थिती त्यांना आघाडी देऊ शकते, पण हाँगकाँगच्या टॉप ऑर्डरने चांगली कामगिरी केली तर सामना अधिक रोमांचक होईल. आशिया कपमधील हा सुरुवातीचा सामना दोन्ही संघांच्या आत्मविश्वासासाठी खूप महत्त्वाचा ठरेल.

दोन्ही संघांचे संपूर्ण स्क्वॉड

हाँगकाँग संघ: झिशान अली (यष्टीरक्षक), बाबर हयात, निजाकत खान, अंशुमान रथ, मार्टिन कोएत्झी, यासिम मुर्तझा (कर्णधार), एजाज खान, नसरुल्ला राणा, एहसान खान, अली हसन, अतीक इकबाल, कल्हण चल्लू, आयुष शुक्ला, किंचित शाह, मोहम्मद वाहिद, शाहिद वासिफ आणि मोहम्मद गजनफर.

अफगाणिस्तान संघ: रहमानुल्लाह गुरबाज (यष्टीरक्षक), सेदिकुल्ला अटल, इब्राहिम जाद्रान, दरविश रसूली, अजमतुल्लाह उमरझाई, मोहम्मद नबी, करीम जन्नत, राशिद खान (कर्णधार), नूर अहमद, एएम गजनफर, फझलहक फारुकी, फरीद अहमद मलिक, नवीन-उल-हक, मुजीब उर रहमान, मोहम्मद इशाक, शराफुद्दीन अशरफ आणि गुलबदीन नायब.

AFG vs HK : आशिया कपच्या पहिल्या सामन्यात कशी असेल खेळपट्टी? अफगाणी गोलंदाजांना आज मदत मिळणार का…वाचा खेळपट्टीचा अहवाल

दोन्ही संघाची संभाव्य प्लेइंग 11 (AFG vs HK Playing 11)

अफगाणिस्तान प्लेइंग-11: राशिद खान (कर्णधार), रहमानउल्ला गुरबाज (यष्टीरक्षक), इब्राहिम झद्रान, सेदीकुल्ला अटल, दरविश रसूली, करीम जनात, अजमातुल्ला उमरझाई, मोहम्मद नबी, एएम गझनफर, नूर अहमद, फजलहक.

हाँगकाँग संभाव्य प्लेइंग-11: यासीम मोर्तझा (कर्णधार), अंशी रथ, मार्टिन कोएत्झी, किंचित शाह, शाहिद वसीफ, झीशान अली (यष्टीरक्षक), एजाझ खान, निजाकत खान, अतिक इक्बाल, अली हसन, एहसान खान.