फोटो सौजन्य - AsianCricketCouncil
Asia Cup 2025 prize money : आशिया कप 2025 चा आज शुभारंभ सुरु होणार आहे, आजचा सामना अफगाणिस्तान आणि हाँगकाँग यांच्यामध्ये खेळवला जाणार आहे. या सामन्याचे आयोजन अबुधाबीमध्ये करण्यात आले आहे. तर टीम इंडिया उद्या म्हणजेच १० सप्टेंबरपासून आपल्या मोहिमेला सुरुवात करेल. या स्पर्धेतील बहुप्रतिक्षित भारत विरुद्ध पाकिस्तान सामना रविवार १४ सप्टेंबर रोजी खेळला जाईल.
आशिया कप २०२५ मध्ये एकूण ८ संघ सहभागी होत आहेत, ज्यांना प्रत्येकी ४-४ अशा दोन गटात विभागले गेले आहे. गट अ मध्ये ओमान आणि यूएईसह भारत-पाकिस्तान सारखे संघ आहेत. गट ब मध्ये अफगाणिस्तान, बांगलादेश आणि हाँगकाँगसह गतविजेता श्रीलंका आहे. स्पर्धा सुरू होण्यापूर्वी सर्व संघांसाठी एक मोठी बातमी समोर येत आहे. आशिया कप २०२५ च्या बक्षीस रकमेत पूर्ण १ कोटी रुपयांची वाढ झाली आहे.
गेल्या वेळी, जेव्हा श्रीलंकेने २०२२ मध्ये टी-२० स्वरूपात आशिया कप जिंकला होता, तेव्हा त्यांना सुमारे १.६ कोटी रुपयांची बक्षीस रक्कम मिळाली होती. त्याच वेळी, स्पर्धेत उपविजेतेपदासाठी पाकिस्तानला ७९.६६ लाख रुपयांची बक्षीस रक्कम देण्यात आली होती. तिसऱ्या आणि चौथ्या क्रमांकाच्या संघांना अनुक्रमे सुमारे ५३ लाख आणि ३९ लाख रुपये मिळाले. तथापि, पीटीआयच्या वृत्तानुसार, आशियाई क्रिकेट परिषदेने २०२६ च्या टी-२० विश्वचषकाला लक्षात घेऊन यावेळी बक्षीस रकमेत वाढ केली आहे.
२०२२ च्या टी-२० आशिया कपच्या तुलनेत, या वर्षी विजेत्या संघाची बक्षीस रक्कम २.६ कोटी आहे, जी पीटीआयनुसार सुमारे ३००,००० अमेरिकन डॉलर्स असण्याचा अंदाज आहे. जी गेल्या आशिया कपच्या बक्षीस रकमेपेक्षा सुमारे एक कोटी भारतीय रुपये जास्त आहे. त्याच वेळी, उपविजेत्या संघाला १.३ कोटी मिळण्याची अपेक्षा आहे. याशिवाय, वृत्तसंस्थेनुसार, स्पर्धेच्या शेवटी प्लेअर ऑफ द सिरीजला १२.५ लाखांची बक्षीस रक्कम मिळेल.
आशिया कप 2025 मध्ये 8 संघ सहभागी झाले आहेत, यामध्ये पहिल्या गटामध्ये पाकिस्तान, भारत, यूएई आणि ओमान हे संघ असणार आहेत. तर दुसऱ्या गटामध्ये अफगाणिस्तान, बांग्लादेश, श्रीलंका आणि हाॅंगकाॅंग हे संघ आहेत. या स्पर्धेत 19 सामने खेळवले जाणार आहेत. यामधील 12 सामने हे साखळी सामने होणार आहेत त्यानंतर एलिमिनेटर सामने खेळवले जाणार आहेत.
