फोटो सौजन्य - SunRisers Hyderabad
आयपीएल २०२६ सुरू व्हायला काही दिवस शिल्लक राहिले आहेत, सोशल मिडियावर सध्या आयपीएलची चर्चा जोरदार सुरू कोणता संघ मजबूत आणि कोणता संघ हा कमकुवत आहे. यावर मोठ्या प्रमाणात चर्चा आहे, अनेक खेळाडू हे त्याच्या युट्यूब चॅनेलवर मोठ्या प्रमाणात संघाच्या खेळाडूबद्दल चर्चा करत असतात. आयपीएल २०२६ सुरू होण्यापूर्वी, भारताचा माजी क्रिकेटपटू आणि सध्याचा तज्ज्ञ आकाश चोप्राने सनरायझर्स हैदराबादबद्दल चिंता व्यक्त केली आहे. त्याच्या मते, जर सनरायझर्स हैदराबाद संघ आयपीएल २०२६ मध्ये २५० धावा करू शकला, तर त्यांचा दारुण पराभवही होऊ शकतो.
आकाश चोप्राने सनरायझर्स हैदराबादच्या कमकुवत गोलंदाजीला त्यांच्यासाठी सर्वात मोठे आव्हान म्हटले आहे. सनरायझर्स हैदराबाद २८ मार्च रोजी रॉयल चॅलेंजर्स बंगळूरविरुद्ध आयपीएल २०२६ मधील आपल्या मोहिमेला सुरुवात करणार आहे. नियमित कर्णधार पॅट कमिन्स सुरुवातीच्या काही सामन्यांसाठी उपलब्ध नसेल, तर इतर काही खेळाडूंच्या दुखापतींमुळेही संघाची चिंता वाढली आहे. आयपीएल २०२६ मध्ये एसआरएचचे गोलंदाजी आक्रमण लक्षणीयरीत्या कमकुवत झाले आहे. पॅट कमिन्स आणि इशान मलिंगा स्पर्धेच्या सुरुवातीला अनुपलब्ध असतील, तर जॅक एडवर्ड्स या प्रतिष्ठित लीगच्या आगामी हंगामातून बाहेर झाल्याचे वृत्त आहे.
“आव्हाने असतील, कारण गोलंदाजीला मोठा धक्का बसला आहे. पॅट कमिन्स आधीच संघाबाहेर होता. त्यामुळे गोलंदाजी आधीच थोडी कमकुवत होती, आणि जर इशान मलिंगा सुद्धा खेळला नाही, तर तुम्हाला ब्रायडन कार्सला खेळवावे लागेल, नाहीतर तुम्ही भारतीय गोलंदाजीचा सामना करू शकणार नाही,” असे आकाश चोप्रा यांनी त्यांच्या यूट्यूब चॅनलवर सांगितले.
Injury Crisis Ahead of IPL 2026 – Who Suffers Most? #IPL #CSK #RR #KKR #SRH #AakashVani pic.twitter.com/ROtWbEmLyK — Aakash Chopra (@cricketaakash) March 20, 2026
ते पुढे म्हणाले, “जेव्हा मी त्यांच्या गोलंदाजीकडे पाहतो, तेव्हा त्यांच्याकडे अमित कुमार, प्रफुल्ल हिंगे, साकिब हुसेन, ओंकार तारमाले, जयदेव उनाडकट, झीशान अन्सारी, हर्षल पटेल, शिवम मावी, शिवांग कुमार आणि हर्ष दुबे यांच्यासारखे खेळाडू आहेत, पण त्यांची गोलंदाजी कमकुवत आहे. ते आपल्या गोलंदाजीचे व्यवस्थापन कसे करतात हे एक आव्हान असेल, कारण जर त्यांनी २५० धावा केल्या, तर ते २५० धावा देऊही शकतात. त्यांची गोलंदाजी तशीच वाटते. दुर्दैवाने, त्यांच्या गोलंदाजीमध्ये ती ताकद दिसत नाही.”
.png "Videos"){kind=small}
