Asian Games: ‘जे मिळालंय त्यातचं काम चालवा…’, आशियाई खेळांमध्ये VIP व्यवस्थात नाहीच, काय आहे प्रकरण

Asian Games: जपानमध्ये आशियाई खेळाच्या सुरूवातीला आता काही दिवसच बाकी आहेत. पण भारतीय क्रिकेट टीमच्या राहण्याच्या व्यवस्थेवर अजूनही योग्य पर्याय उपलब्ध झालेला नाही. ऑलिम्पिक संघाने दिले उत्तर

• ऑलिम्पिक संघाने बीसीसीआयला अत्यंत कठोर उत्तर दिलं आहे

• भारतीय क्रिकेट टीमच्या संघातील खेळाडूंना कोणतीही VIP ट्रिटमेंट मिळणार नाही 

• बीसीसीआयने त्यांच्या राहण्याची व्यवस्था स्वतः उचलावी असंही सांगितलं आहे

Asian Games: भारतीय ऑलिम्पिक संघटनेने (IOA) जपान आशियाई खेळांसाठी भारतीय क्रिकेट संघाच्या निवास व्यवस्थेसंदर्भात बीसीसीआयला (BCCI) प्रतिसाद दिला आहे. आयओएने स्पष्टपणे सांगितले आहे की, बीसीसीआयला हवे असल्यास ते क्रिकेटपटूंसाठी स्वतंत्र निवास व्यवस्था करू शकतात. आशियाई खेळांमध्ये क्रिकेटसाठी आयओए स्वतंत्र निवास व्यवस्थेची विनंती करणार नाही. टाइम्स ऑफ इंडियाशी बोलताना, आयओएचे मुख्य कार्यकारी अधिकारी (CEO) रघुराम अय्यर यांनी ही माहिती दिली.

रघुराम अय्यर यांनी स्पष्टपणे सांगितले की, जर बीसीसीआयने ठरवले की त्यांच्या क्रिकेटपटूंनी ऐची-नागोया येथील अधिकृत आशियाई खेळांच्या हॉटेल्सच्या बाहेर राहावे, तर हॉटेल, भोजन, वाहतूक आणि खेळाडू वेळेवर मैदानावर पोहोचतील याची खात्री करण्याची संपूर्ण जबाबदारी बीसीसीआयची असेल. बीसीसीआय स्वतःची व्यवस्था करण्यास स्वतंत्र आहे, परंतु लॉजिस्टिक्सची संपूर्ण जबाबदारी त्यांचीच असेल.

दुग्धशर्करा योग! टीम India जपानविरुद्ध T20 सामना खेळणार; BCCI ची मोठी घोषणा, वाचा सविस्तर…

सर्व खेळाडूंना समान वागणूक दिली जाईल – IOA

रघुराम अय्यर यांनी या गोष्टीवर जोर दिला की, ३६ खेळांमध्ये सहभागी होणाऱ्या संपूर्ण भारतीय पथकाला समान वागणूक मिळेल याची खात्री करणे ही आयओएची जबाबदारी आहे. अय्यर म्हणाले, ‘बीसीसीआयचे सीईओ हेमांग अमीन यांनी आमच्याशी संपर्क साधला आणि आमची फलदायी चर्चा झाली. सुविधांचे मूल्यांकन करण्यासाठी ते जपानला एक अग्रिम पथक पाठवण्याचा विचार करत आहेत. याला आयओएचा कोणताही आक्षेप नाही. त्यांच्या मूल्यांकनाच्या आधारे, त्यांना आयोजकांच्या सुविधा वापरायच्या आहेत की स्वतःची व्यवस्था करायची आहे, हे ते ठरवू शकतात. आयओएतर्फे सर्व खेळ, खेळाडू, प्रशिक्षक आणि संपूर्ण प्रतिनिधी मंडळाला समान वागणूक दिली जाते. कोणालाही व्हीआयपी वागणूक दिली जात नाही.’

Asian Games 2026: टीम इंडियाच्या कोचिंगमध्ये मोठा बदल; गौतम गंभीर नाही, VVS Laxman सांभाळणार टीम इंडियाची धुरा?

नक्की मुद्दा काय आहे?

वृत्तानुसार, भारतीय पुरुष संघाला थ्री-स्टार एपीए हॉटेल नागोया अकामाए, तर महिला संघाला फोर-स्टार मेइतेत्सु ग्रँड हॉटेल देण्यात आले आहे. तथापि, ही दोन्ही हॉटेल्स भारतीय खेळाडूंना सामान्यतः सवय असलेल्या फाईव्ह-स्टार श्रेणीपेक्षा एक पायरी खाली आहेत. शिवाय, ट्विन-शेअरिंग रूम्स, ज्यात दोन खेळाडू एकत्र राहणार आहेत, हा देखील वादाचा एक मोठा मुद्दा बनला आहे. कारण यावर BCCI ने आक्षेप घेतला होता. यावर आता IOA ने स्पष्ट मत मांडले आहे आणि भारतीय संघाची व्यवस्था इतर खेळाडूंप्रमाणेच करण्यात आली असून अन्य व्यवस्था हवी असल्यास बीसीसीआयने स्वतः खर्च करावा असंही सांगितलं आहे. त्यामुळे आता पुन्हा नव्या वादाला तोंड फुटण्याची शक्यता निर्माण झाली आहे.