फोटो सौजन्य - X
Bob Cowpwer passes away : ऑस्ट्रेलियाच्या क्रिकेटमध्ये अनेक दिग्गज खेळाडूंचा जन्म झाला आहे यामध्ये अनेक मोठ्या खेळाडूंचा समावेश आहे. ऑस्ट्रेलियन भूमीवर कसोटी क्रिकेटमध्ये त्रिशतक झळकावणारे पहिले फलंदाज बॉब काउपर यांचे रविवारी वयाच्या ८४ व्या वर्षी दीर्घ आजाराने निधन झाले. तो त्याच्या सुंदर स्ट्रोक प्लेसाठी, क्रीजवरचा संयम आणि ऑस्ट्रेलियासाठी मोठी धावसंख्या उभारण्याच्या क्षमतेसाठी ओळखला जात होता. त्याच्या २७ कसोटी कारकिर्दीतील सर्वात महत्त्वाचा क्षण म्हणजे १९६६ मध्ये एमसीजी येथे इंग्लंडविरुद्धची त्याची ३०७ धावांची दमदार खेळी.
ऑस्ट्रेलियातील कसोटीतील हे पहिले त्रिशतक होते. बॉब काउपर यांच्या कुटूंबामध्ये पत्नी डेल आणि मुली ऑलिव्हिया आणि सारा असा परिवार आहे. काउपर हा डावखुरा फलंदाज होता.
१९६४ ते १९६८ पर्यंत खेळल्या गेलेल्या २७ कसोटी सामन्यांमध्ये, काउपरने ४८.१६ च्या सरासरीने २०६१ धावा केल्या आहेत. या त्यांनी त्यांच्या कारकिर्दीमध्ये पाच शतके झळकावली आहेत. त्याने वयाच्या २८ व्या वर्षी आंतरराष्ट्रीय क्रिकेटमधून निवृत्ती घेण्याचा आणि स्वतःचा व्यवसाय सुरू करण्याचा निर्णय घेतला. काउपरने व्हिक्टोरियासाठी ८३ प्रथम श्रेणी सामने खेळले. काउपर यांनी नंतर आयसीसी मॅच रेफरी म्हणून काम पाहिले. २०२३ मध्ये त्यांना ऑर्डर ऑफ ऑस्ट्रेलियाचा पदक देण्यात आला.
Today, Australian Cricket is mourning the loss of Bob Cowper OAM. Bob was an elegant left-handed batter who scored five Test centuries for Australia, including a superb Ashes triple-century at the MCG in 1966. Our thoughts are with Bob’s family, friends and teammates. pic.twitter.com/Zod0pDRH9T — Cricket Australia (@CricketAus) May 11, 2025
क्रिकेट ऑस्ट्रेलियाचे अध्यक्ष माइक बेयर्ड यांनी एका निवेदनात म्हटले आहे की, “बॉब काउपर यांच्या निधनाचे वृत्त ऐकून आम्हाला खूप दुःख झाले आहे. ते ऑस्ट्रेलियन क्रिकेटमधील एक अत्यंत आदरणीय व्यक्तिमत्व होते. बॉब हा एक हुशार फलंदाज होता जो एमसीजीवरील त्याच्या प्रसिद्ध त्रिशतकासाठी तसेच १९६० च्या दशकातील ऑस्ट्रेलियन आणि व्हिक्टोरियन संघांवर त्याच्या मजबूत प्रभावासाठी नेहमीच लक्षात ठेवला जाईल.”
IND VS SL : स्मृती मानधनाची शतकीय खेळी! श्रीलंकेसमोर ट्रॉफीसाठी 343 धावांचे लक्ष्य
माइक बेयर्ड म्हणाले: “त्यांनी आयसीसी मॅच रेफरी म्हणून इतर भूमिकांमध्येही क्रिकेटमध्ये महत्त्वपूर्ण योगदान दिले. क्रिकेट ऑस्ट्रेलियाच्या वतीने, या दुःखद वेळी बॉबच्या कुटुंबा, मित्रांसोबत आणि माजी सहकाऱ्यांसोबत आमच्या मनापासून संवेदना आहेत.” १४७ प्रथम श्रेणी क्रिकेट सामने खेळणाऱ्या बॉब काउपरने २२८ डावांमध्ये ५३.७८ च्या सरासरीने १०५९५ धावा केल्या. या फॉरमॅटमध्ये त्याने ५८ अर्धशतके आणि २६ शतके झळकावली. काउपरने त्याच्या कारकिर्दीत ४ लिस्ट ए सामनेही खेळले. या फॉरमॅटच्या ४ डावांमध्ये त्याच्या बॅटने ७७ धावा काढल्या.
