क्रिकेटविश्वात मोठी खळबळ! ‘प्रत्येक संघर्ष, प्रत्येक दुखापत…’; Mohammed Shami ने जाहीर केला मोठा निर्णय

मोहम्मद शामीने आपले शेवटचा कसोटी सामना तब्बल तीन वर्षे आधी म्हणजेच 2023 मध्ये ऑस्ट्रेलियाविरुद्ध खेळला होता. त्यानंतर त्याला झालेली दुखापत आणि अन्य कारणांमुळे तो भारताकडून कसोटी क्रिकेट खेळू शकला नव्हता. तसेच 2025 च्या चॅम्पियन्स ट्रॉफी नंतर त्याला भारतीय संघाकडून रेड बॉल क्रिकेटमध्ये खेळण्याची संधी मिळाली नाही. त्यामुळे अखेर त्याने आता कसोटी क्रिकेटमधून आपली निवृत्ती जाहीर केली आहे.

Safed jersey se vida le raha hoon, lekin usse judi yaadon se kabhi nahi… 🇮🇳❤️ Jab pehli baar Bharat ki Test jersey pehni thi, tab sirf ek sapna tha — apne desh ke liye kuch kar dikhane ka.. Uske baad har wicket, har sangharsh, har chot aur har comeback ne mujhe kuch na kuch sikhaya. Test cricket mere liye sirf ek format nahi, meri zindagi ka ek behad khaas hissa raha hai. Aaj bhaari dil aur anginat khoobsurat yaadon ke saath main Test cricket se retirement lene ka faisla kar raha hoon. Is safar mein mera saath dene wale har teammate, coach, family aur un karodon Bharatiyon ka dil se shukriya, jinhone achhe aur mushkil dono waqt mein mujh par bharosa banaye rakha.. BCCI aur Cricket Association of Bengal (CAB) ka bhi dil se shukriya, jinhone mere talent par bharosa kiya, mujhe aage badhne ke mauke diye aur mere cricket ke safar mein ek aham bhoomika nibhayi. Aapka saath aur vishwas mere liye hamesha khaas rahega. Maidan par meri aakhri Test ball bhale hi fenki ja chuki ho, lekin Bharat ke liye khelne ka garv hamesha mere dil mein zinda rahega. Shukriya, Test Cricket. ❤️ Aapka Shami 🇮🇳 #Mdshami11 #Mdshami #TestCricket #Retirement — 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 6, 2026

2023 मध्ये मोहम्मद शामी  भारताकडून आयसीसी वर्ल्डकप स्पर्धा खेळला होता. भारताचा फायनलमध्ये ऑस्ट्रेलियाकडून पराभव झाला होता. मात्र या स्पर्धेत मोहम्मद शामीने आपल्या गोलंदाजीने सर्वांना प्रभावित केले होते. कसोटी क्रिकेटमधून निवृत्ती घेतली असली, व्हाईट बॉल क्रिकेट म्हणजेच वनडे आणि टी 20 तसेच देशांतर्गत क्रिकेट तो खेळत राहणार असल्याचे शामीने स्पष्ट केले आहे. मागील काही काळामध्ये शामीला संघात स्थान मिळाले नाही किंवा दिले गेले नाही. त्यामागे त्याची दुखापत किंवा अन्य कारणे असल्याचे म्हटले जाते.

मोहम्मद शामीने सोशल मिडियावर पोस्ट करत हा निर्णय जाहीर केला आहे. ‘मी अत्यंत कठोर मनाने आणि अनेक सुंदर आठवणींसह कसोटी क्रिकेटमधून निवृत्ती घेत आहे, जेव्हा प्रथम पांढरी जर्सी परिधान केली होती तेव्हा, देशासाठी काहीतरी करून दाखवण्याचे माझे स्वप्न होते. या प्रवासात  प्रत्येक विकेट, प्रत्येक संघर्ष, प्रत्येक दुखापत आणि पुनरागमन या सर्व गोष्टींनी आयुष्यात काही ना काही शिकायला मिळाले आहे.’ कठीण आणि चांगल्या दोन्ही काळात साथ दिल्याबद्दल त्याने आपले सर्व सहकारी खेळाडू, प्रशिक्षक, कुटुंब आणि करोडो देशवासीयांचे मनापासून आभार मानले आहेत. ‘मैदानावर जरी माझ्या कसोटी कारकिर्दीतील शेवटचा बॉल टाकला गेला असला तरी देखील, देशासाठी खेळण्याचा अभिमान माझ्या मनात नेहमीच जिवंत राहील,’ असे शामीने आपल्या पोस्टमध्ये म्हटले आहे.