ठरलं! पुढील वर्षी ‘या’ महिन्यात होणार महिला आयपीएल

Follow Us:

Follow Us:

मागील अनेक वर्षांपासून प्रतिक्षीत असलेल्या महिला आयपीएलबाबत (Women Indian Premier League) महत्वाची माहिती समोर आली आहे. आगामी महिला टी-२० विश्वचषकानंतर बीसीसीआय (BCCI) महिला आयपीएलचं आयोजन करण्याच्या तयारीत आहे. याकरता बीसीसीआयनं खास योजना तयार केली आहे. पुढच्या वर्षी मार्च महिन्यात बीसीसीआय महिला आयपीएल आयोजित करण्याच्या विचारात असून यात ५ संघ सहभागी होण्याची शक्यता आहे.

बीसीसीआयच्या सध्याच्या प्लॅननुसार, महिला आयपीएलचा पहिला हंगाम फक्त २ ठिकाणी पार पडणार आहे. फक्त पाच संघ या लीगमध्ये सहभाग दर्शवतील. पुरुषांच्या आयपीएलच्या तुलनेत या लीगमधील एका संघाच्या प्लेइंग इलेव्हनमध्ये ४ ऐवजी ५ परदेशी खेळाडूंचा समावेश केला जाऊ शकतो. या पाच परदेशी खेळाडूंपैकी चार खेळाडू आयसीसीचे पूर्ण सदस्य असलेल्या देशांमधील असतील. तर, ५ वा खेळाडू असोसिएट्स देशाचा असू शकतो. प्रत्येक संघात जास्तीत जास्त १८ खेळाडू सहभागी होतील,ज्यात जास्तीत जास्त ६ परदेशी खेळाडू असतील.

बीसीसीआयच्या नव्या पदाधिकाऱ्यांच्या निवडीनंतर याबाबतचा निर्णय घेतला जाईल. महिला आयपीएल लीगच्या गट सामन्यात संघ दोनदा एकमेकांसमोर येतील. या लीगमधील अव्वल संघ थेट अंतिम फेरीसाठी पात्र असेल. दुसऱ्या आणि तिसऱ्या स्थानावर असेलल्या संघाला एलिमिनेटर सामने खेळून अंतिम फेरी गाठण्याची संधी मिळेल.

Web Title: Decided women ipl will be held in this month next year

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com