DSP Trophy: क्रिकेटचा थरार! DSP ट्रॉफीत ढोले पाटील अकादमी अन् पुणे क्रिकेट क्लबचा बोलबाला

Cricket News: दुसऱ्या सामन्यात चैतन्य बाजारीच्या शिस्तबद्ध गोलंदाजीच्या जोरावर पुणे क्रिकेट क्लबने पुणे फ्युचर स्टार्स संघावर ५ गडी राखून मात केली.

• डीएसपी करंडक स्पर्धेत पुणे क्रिकेट क्लबचा दणदणीत विजय
• साखळी सामन्यांत प्रतिस्पर्ध्यांवर मात
  
• सोहम कांबळे, चैतन्य बाजारी यांची प्रभावी कामगिरी

पुणे/Cricket News: डीएसपी स्पोर्ट्स अँड इव्हेंट्स यांच्या वतीने आयोजित पहिल्या डीएसपी करंडक १४ वर्षांखालील क्रिकेट स्पर्धेत साखळी फेरीत ढोले पाटील क्रिकेट अकादमी आणि पुणे क्रिकेट क्लब संघांनी आपापल्या प्रतिस्पर्ध्यांचा पराभव करून विजयी आगेकूच केली.वाघोली येथील पुणे क्रिकेट क्लबच्या मैदानावर झालेल्या पहिल्या सामन्यात सोहम कांबळे याने अष्टपैलू कामगिरी करत ढोले पाटील क्रिकेट अकादमीला विजय मिळवून दिला. त्याने फलंदाजीत ११ धावा केल्यानंतर गोलंदाजीत ३ बळी घेतले.

त्याच्या प्रभावी कामगिरीच्या जोरावर ढोले पाटील क्रिकेट अकादमीने द क्रिकेट क्लब ऑफ रोहित संघाचा ५६ धावांनी पराभव केला. दुसऱ्या सामन्यात चैतन्य बाजारीच्या शिस्तबद्ध गोलंदाजीच्या जोरावर पुणे क्रिकेट क्लबने पुणे फ्युचर स्टार्स संघावर ५ गडी राखून मात केली. चैतन्यने ३ गडी बाद करत प्रतिस्पर्धी संघाच्या फलंदाजीला आळा घातला.

DSP Trophy Cricket: ‘डीएसपी करंडक’ स्पर्धेत रंगला थरार! पुणे क्रिकेट क्लब अन् सार्क अकादमीची आगेकूच

सामन्यांचे सविस्तर निकाल

ढोले पाटील क्रिकेट अकादमी : ३३ षटकांत सर्वबाद १६६ धावा (ईशान आर्नेजा ५२, ४३ चेंडू, १० चौकार; समर चांदेरे २२, कृष्णा चेमटे १७, सोहम कांबळे ११; सागर पाबळे ३-३१, शिवचरण अरण्ये २-२७, अभिनव पवार १-९) वि.वि. द क्रिकेट क्लब ऑफ रोहित : ३२ षटकांत सर्वबाद ११० धावा (सागर पाबळे २९, रौनक यादव २०, यश पाटील १४; प्रयाण पाठक ४-१५, सोहम कांबळे ३-३२). सामनावीर : सोहम कांबळे.

पुणे फ्युचर स्टार्स : १९.२ षटकांत सर्वबाद ८७ धावा (काव्या भंडारी ९, हनीषा गोयल ६; चैतन्य बाजारी ३-१०, प्रवल रुक्मि २-१०, सार्थक जोशी २-१५, अर्णव बायस २-४) पराभूत वि. पुणे क्रिकेट क्लब : १२.२ षटकांत ५ बाद ९१ धावा (आरव भरद्वाज २३, स्नेहहर्ष अरभट २०, शौर्य पांडे नाबाद १४; सर्वज्ञ ३-१८, आरव सिंग १-५). सामनावीर : चैतन्य बाजारी.

DSP Trophy U-12 Cricket: इकोल स्पोर्ट्स फाऊंडेशन आणि फँटम क्रिकेट अकादमीची विजयी आगेकूच

‘डीएसपी करंडक’ स्पर्धेत रंगला थरार

डीएसपी स्पोर्ट्स अँड इव्हेंट्सच्या वतीने आयोजितपहिल्या डीएसपी करंडक १४ वर्षांखालील स्पर्धेत साखळी फेरीत सार्क क्रिकेट अकादमी आणि पुणे क्रिकेट क्लब या संघांनी दमदार कामगिरी करत आपापल्या प्रतिस्पर्ध्यांचा पराभव करून विजयी आगेकूच केली.वाघोली येथील पुणे क्रिकेट क्लबच्या मैदानावर झालेल्या पहिल्या सामन्यात शिवराज नागवडे याच्या अचूक गोलंदाजीच्या जोरावर सार्क क्रिकेट अकादमीने मिडास क्रिकेट अकादमीचाचार गडी राखूनपराभव केला.