Duleep Trophy: महाभयानक थरार! फायनलमध्ये Kishan विरुद्ध Verma आमनेसामने; ‘या’ तारखेला भिडणार

Duleep Trophy: अंतिम सामन्यात भारतीय क्रिकेटमधील दोन तडफदार युवा कर्णधार आणि फलंदाज आमनेसामने येणार आहेत. ईस्ट झोन संघात ईशान किशन कर्णधार आहे. तर वैभव सूर्यवंशी उपकर्णधार आहे.

• तिलक वर्मा आणि ईशान किशनमध्ये होणार दुलीप ट्रॉफीचा अंतिम सामना
• साऊथ झोन आणि ईस्ट झोन संघ येणार आमनेसामने 
• 6 सप्टेंबर रोजी चेन्नईत होणार अंतिम सामना 

East Zone Vs South Zone/Duleep Trophy: प्रतिष्ठित दलीप ट्रॉफी २०२६ स्पर्धेतील अंतिम सामन्याचे चित्र आता पूर्णपणे स्पष्ट झाले आहे. दुसऱ्या सेमीफायनलमध्ये साऊथ झोनने नॉर्थ झोनचा पराभव केला आहे आणि फायनलमध्ये प्रवेश केला आहे. तर त्याआधीच पहिल्या सेमीफायनलमध्ये ईस्ट झोनच्या संघाने सेंट्रल झोनला नमवले आहे. त्यामुळे आता दलीप ट्रॉफीसाठी अंतिम सामना हा ईस्ट झोन आणि साऊथ झोनमध्ये होणार आहे.

ईस्ट झोन आणि साऊथ झोन

ईस्ट झोन आणि साऊथ झोन या दोन संघाचे कर्णधार हे अनुक्रमे ईशान किशन आणि तिलक वर्मा आहेत. पहिल्या सेमीफायनलमध्ये ईस्ट झोनने शानदार कामगिरी करत सेंट्रल झोनवर विजय प्राप्त केला आहे. यामध्ये वैभव सूर्यवंशीने शानदार खेळी करत संघाला विजय प्राप्त करण्यासाठी भक्कम पाया रचणून दिला आहे. त्याने 40 रन्सची आक्रमक खेळी केली.

Duleep Trophy: अबब किती ते विचित्र! Mukesh Kumar ने एकाच सामन्यात टाकले तब्बल 14 नो बॉल; मात्र 7 विकेट्स…

तर दुसरीकडे दुसऱ्या सेमीफायनलमध्ये तिलक वर्माच्या नेतृत्वात साऊथ झोनने चांगली कामगिरी केली आहे. साऊथ झोन संघाने नॉर्थ झोनचा 7 विकेट्स राखून पराभव केला आहे. पहिल्या डावात घेतलेल्या आघाडीच्या जोरावर साऊथ झोनने सामन्यावर आपली पकड मजबूत केली होती. त्यानंतर हा सामना जिंकत थेट फायनलमध्ये धडक मारली आहे.

अंतिम सामन्यात भारतीय क्रिकेटमधील दोन तडफदार युवा कर्णधार आणि फलंदाज आमनेसामने येणार आहेत. ईस्ट झोन संघात ईशान किशन कर्णधार आहे. तर वैभव सूर्यवंशी उपकर्णधार आहे. मोहम्मद शमी, मुकेश कुमार, शहबाज अहमद यांच्यासारखे चांगले खेळाडू आहेत. तर दुसरीकडे साऊथ झोन संघाचा कर्णधार तिलक वर्मा असणार आहे. तर रिकी भुई उपकर्णधार असणार आहे. त्यासोबत करूण नायर, श्रेयस गोपाळ आणि अन्य महत्वाचे खेळाडू आहेत.

अंतिम सामन्याचे वेळापत्रक

सामना – ईस्ट झोन विरुद्ध साउथ झोन
तारीख- ६ सप्टेंबर ते १० सप्टेंबर २०२६
ठिकाण एम. ए. चिदंबरम स्टेडियम, चेन्नई

च्यायला हा तर चुंबकच आहे राव! Glenn Phillips ने पकडला अद्भुत कॅच, Viral Video पाहून व्हाल थक्क

मुकेश कुमारने टाकले नो बॉल

ईस्ट झोनचा वेगवान गोलंदाज मुकेश कुमार या सामन्यात संघाचा सर्वात यशस्वी गोलंदाज ठरला आहे. त्याने दोन्ही डावात एकूण 7 विकेट्स घेतल्या आहेत. परंतु, या चमकदार कामगिरीदरम्यान मुकेश कुमारने अनेक नो-बॉल टाकले. त्यामुळे ईस्ट झोनच्या कर्णधाराची निराशा आणि नाराजी स्पष्टपणे मैदानावर दिसून आली.