भारतात होणाऱ्या T20 World Cup 2026 चे बिगुल वाजले! IND vs PAK लढत ‘या’ दिवशी, तर फायनलची तारीखही निश्चित

T20 World Cup 2026: भारत आणि श्रीलंका यांच्या संयुक्त यजमानपदात होणाऱ्या या विश्वचषकाची सुरुवात पुढील वर्षी ७ फेब्रुवारी रोजी होणार असून, ८ मार्च रोजी अंतिम सामना खेळला जाईल.

• थरार सुरु! T20 वर्ल्ड कप २०२६ च्या संपूर्ण वेळापत्रकाची घोषणा
• भारत-पाक लढत १५ फेब्रुवारीला कोलंबोत
• ८ मार्चला फायनल!

T20 World Cup 2026 Schedule: ज्या क्षणाची क्रिकेट चाहते आतुरतेने वाट पाहत होते, तो क्षण अखेर आला आहे! T20 वर्ल्ड कप २०२६ च्या संपूर्ण वेळापत्रकाची घोषणा (T20 World Cup 2026 Schedule) करण्यात आली आहे. भारत आणि श्रीलंका यांच्या संयुक्त यजमानपदात होणाऱ्या या विश्वचषकाची सुरुवात पुढील वर्षी ७ फेब्रुवारी रोजी होणार असून, ८ मार्च रोजी अंतिम सामना खेळला जाईल. २०२४ मध्ये वेस्ट इंडिजमध्ये खेळला गेलेला T20 वर्ल्ड कप जिंकून भारतीय संघ गतविजेता आहे.

‘हाय-व्होल्टेज’ भारत विरुद्ध पाकिस्तान सामना

भारत आणि पाकिस्तानला एकाच ग्रुप (ग्रुप A) मध्ये ठेवण्यात आले आहे. या दोन कट्टर प्रतिस्पर्धकांमध्ये १५ फेब्रुवारी रोजी कोलंबोतील आर. प्रेमदासा स्टेडियमवर मुकाबला रंगणार आहे. आशिया कप २०२५ च्या तीन ‘हाय-व्होल्टेज’ सामन्यानंतर हे दोन्ही संघ पुन्हा एकदा आमनेसामने येणार असल्याने चाहत्यांची उत्सुकता शिगेला पोहोचली आहे.

See more

The schedule for ICC Men’s @T20WorldCup 2026 is here! 📅 The matches and groups were unveiled at a gala event in Mumbai led by ICC Chairman @JayShah, and with new tournament ambassador @ImRo45 and Indian team captains @surya_14kumar and Harmanpreet Kaur in attendance. ✍️:… pic.twitter.com/fsjESpJPlE — ICC (@ICC) November 25, 2025

टीम इंडियाचे ग्रुप स्टेजचे सामने

भारतीय संघ आपल्या मोहिमेची सुरुवात ७ फेब्रुवारीला मुंबईत USA विरुद्ध करेल.

पाकिस्तानचे सर्व सामने श्रीलंकेत

BCCI आणि PCB मधील करारानुसार, पाकिस्तान आपले सर्व साखळी सामने (Group Matches) श्रीलंकेत खेळेल. जर पाकिस्तान संघ अंतिम सामन्यात पोहोचला, तर फायनल सामनाही श्रीलंकेतच खेळला जाईल. ICC, BCCI आणि PCB यांच्यातील करारानुसार, २०२७ पर्यंत भारत आणि पाकिस्तानचे सर्व सामने तटस्थ ठिकाणी खेळले जातील.

हे देखील वाचा: ICC T20 World Cup 2026 :आगामी टी२० विश्वचषकात रोहित शर्माची एंट्री! जय शहाने ‘हिटमॅन’ वर सोपवली मोठी जबाबदारी

८ ठिकाणी होणार सामन्यांचे आयोजन

हा विश्वचषक एकूण ८ ठिकाणी खेळला जाईल. भारताच्या ५ शहरांतील स्टेडियम्स आणि श्रीलंकेच्या ३ स्टेडियम्सची निवड करण्यात आली आहे:

स्पर्धेचे स्वरूप (फॉर्मेट)

टूर्नामेंटचे स्वरूप २०२४ च्या विश्वचषकाप्रमाणेच असेल. २० संघांना प्रत्येकी पाच संघांच्या चार ग्रुपमध्ये विभागले आहे. प्रत्येक ग्रुपमधील पहिले दोन संघ सुपर-८ मध्ये जातील, जिथे दोन ग्रुप बनवले जातील. दोन्ही सुपर-८ ग्रुपमधील पहिले दोन संघ सेमीफायनलमध्ये पोहोचतील, त्यानंतर खिताबी लढत होईल.

T20 वर्ल्ड कप २०२६ मधील सर्व संघ

यजमान भारत आणि श्रीलंकेव्यतिरिक्त अफगाणिस्तान, ऑस्ट्रेलिया, बांगलादेश, इंग्लंड, दक्षिण आफ्रिका, यूएसए, वेस्ट इंडीज, न्यूझीलंड, पाकिस्तान, आयर्लंड, कॅनडा, इटली, नेदरलँड्स, नामिबिया, झिम्बाब्वे, नेपाळ, ओमान आणि यूएई हे संघ स्पर्धेत भाग घेतील.

T20 वर्ल्ड कप २०२६ मधील सर्व ग्रुप्स

T20 वर्ल्ड कप २०२६: ग्रुप स्टेजचे संपूर्ण वेळापत्रक

T20 वर्ल्ड कप २०२६ चे ग्रुप स्टेजचे सामने ७ फेब्रुवारी २०२६ पासून सुरू होणार आहेत. (सर्व वेळा भारतीय प्रमाणवेळेनुसार (IST) आहेत).

ग्रुप A

ग्रुप B

हे देखील वाचा:  भारतीय संघाची आनंदाची बातमी! या दिनी टीम इंडियामध्ये हार्दिक पंड्या करणार कमबॅक, वाचा सविस्तर

ग्रुप C

ग्रुप D