फोटो सौजन्य - सोशल मिडिया
भारत विरुद्ध दक्षिण आफ्रिका यांच्यामध्ये सध्या कसोटी मालिका सुरु आहे. तर काही महिन्यामध्ये भारत आणि श्रीलंका या दोन देशांमध्ये विश्वषकाचे आयोजन करण्यात येणार आहे. या स्पर्धेमध्ये 20 संघ सहभागी होणार आहेत. भारताचा संघ या स्पर्धेचा 2024 मधील विजेता आहे. त्यामुळे आता आगामी स्पर्धेमध्ये भारताच्या संघाकडून चांगल्या कामगिरीची अपेक्षा आहे. हार्दिक पंड्या हा व्हाईट बॉल क्रिकेटमध्ये टीम इंडियाचा एक प्रमुख सामना जिंकणारा खेळाडू आहे. त्याच्या अनुपस्थितीमुळे टी-२० आणि एकदिवसीय स्वरूपात संघ कमकुवत झाला आहे.
कसोची क्रिकेटमध्ये भारताच्या संघाने खराब कामगिरी केली आहे. पण टी20 मध्ये टीम इंडियाने सातत्याने दमदार कामगिरी केली आहे. दक्षिण आफ्रिकेविरुद्धच्या अलिकडच्या एकदिवसीय मालिकेसाठी संघ जाहीर करण्यात आला होता, परंतु पंड्याचे नाव समाविष्ट करण्यात आले नव्हते. आता, भारतीय चाहत्यांसाठी एक आनंदाची बातमी आहे. वेगवान गोलंदाज अष्टपैलू पंड्याच्या पुनरागमनाची तारीख जाहीर करण्यात आली आहे, जसे की प्रशिक्षकांनी स्वतः जाहीर केले आहे.
🚨 GOOD NEWS FOR BARODA 🚨 [Bharat Sharma from PTI] – Baroda Head Coach Mukund Parmar confirms Hardik Pandya will be available for the most of the group stage matches in Syed Mushtaq Ali. 🔥 pic.twitter.com/P4Qh0pk3yy — Johns. (@CricCrazyJohns) November 25, 2025
पीटीआयच्या वृत्तानुसार, बडोद्याचे मुख्य प्रशिक्षक मुकुंद परमार यांनी सांगितले आहे की हार्दिक पंड्या बहुतेक ग्रुप स्टेज सामन्यांसाठी उपलब्ध असेल. या काळात भारतीय संघ निवडकर्तेही पंड्यावर लक्ष ठेवतील. सय्यद मुश्ताक अली ट्रॉफी २०२५ २६ नोव्हेंबर रोजी सुरू होणार आहे आणि अंतिम सामना १८ डिसेंबर रोजी होणार आहे. दक्षिण आफ्रिकेविरुद्धच्या एकदिवसीय सामन्यांनंतर, टीम इंडिया ९ डिसेंबरपासून सुरू होणाऱ्या पाच सामन्यांची टी२० मालिका देखील खेळेल. त्यामुळे, पंड्या दक्षिण आफ्रिकेविरुद्धच्या टी२० मालिकेत खेळताना दिसू शकतो.
२०२६ च्या टी-२० विश्वचषकात वेगवान गोलंदाज हार्दिक पांड्या हा टीम इंडियासाठी महत्त्वाचा खेळाडू आहे. तो घरच्या मैदानावर पुढील १० टी-२० सामन्यांमध्ये खेळू शकतो. दक्षिण आफ्रिका मालिकेनंतर, पंड्या न्यूझीलंडविरुद्धच्या पाच सामन्यांच्या टी-२० मालिकेतही खेळू शकतो. २०२६ च्या टी-२० विश्वचषकापूर्वी टीम इंडिया पंड्याचा काळजीपूर्वक वापर करू इच्छित असेल. पंड्याची चार षटकांची गोलंदाजी टीम इंडियासाठी महत्त्वाची ठरेल. दरम्यान, तो मॅच फिनिशर म्हणून दिसण्याची शक्यता आहे.
