सनरायझर्स हैदराबादसाठी आनंदाची बातमी, कर्णधार पॅट कमिन्स संघात सामील होणार; पहिल्या सामन्यात संघाचे नेतृत्व करेल का?

सनरायझर्स हैदराबादचा माजी कर्णधार मागील काही दिवसांपासून सातत्याने चर्चेत आहे. संघाचा नियमित कर्णधार पॅट कमिन्स आयपीएल २०२६ सुरू होण्यापूर्वी संघात सामील होणार आहे. 

आयपीएल २०२६ सुरू व्हायला सहा दिवस शिल्लक असताना अनेक दुखापतीच्या बातम्या समोर येत आहेत. सोशल मिडियावर अनेक संघानी त्याच्या दुखापतीमुळे बाहेर झालेल्या खेळाडूंची नावे समोर आली आहेत. आयपीएल २०२६ सुरू होण्यापूर्वी सनरायझर्स हैदराबादसाठी मोठी बातमी. सनरायझर्स हैदराबादचा माजी कर्णधार मागील काही दिवसांपासून सातत्याने चर्चेत आहे. संघाचा नियमित कर्णधार पॅट कमिन्स आयपीएल २०२६ सुरू होण्यापूर्वी संघात सामील होणार आहे. 

यापूर्वी, दुखापतीमुळे तो संपूर्ण हंगाम मुकणार असल्याच्या बातम्या आल्या होत्या, पण आता तो संघात सामील होणार असल्याची पुष्टी झाली आहे. आयपीएल २०२६ च्या आधी संघांसाठी खेळाडूंच्या दुखापती ही चिंतेची बाब आहे. ऑस्ट्रेलियन खेळाडूंना याचा सर्वाधिक फटका बसला आहे. कमिन्स व्यतिरिक्त, मिचेल स्टार्क आणि जोश हेझलवूड हे देखील जखमी आहेत. दुखापतीमुळे नॅथन एलिस आधीच संपूर्ण स्पर्धेतून बाहेर झाला आहे. कमिन्सचे पुनरागमन हे चाहत्यांसाठी आणि हैदराबादसाठी एक आनंदाची बातमी आहे. मात्र, तो सुरुवातीच्या सामन्यांमध्ये खेळताना दिसणार नाही.

BCCI ने खेळाडूंच्या “मनमानीला” आळा घालण्यासाठी नवीन आयपीएल मार्गदर्शक तत्त्वे केली जारी; लादले निर्बंध

वृत्तानुसार, पॅट कमिन्स मंगळवारी बंगळूरुमध्ये दाखल होईल. कमिन्स आयपीएल २०२६ च्या सुरुवातीच्या सामन्यांमध्ये खेळताना दिसणार नाही. तो पूर्णपणे तंदुरुस्त होईपर्यंत सामन्यांमध्ये खेळणार नाही. हे लक्षात घेण्यासारखे आहे की, ऑस्ट्रेलियन कर्णधार दीर्घकाळापासून दुखापतीने त्रस्त आहे. याच कारणामुळे तो २०२६ चा टी-२० विश्वचषकही खेळू शकला नव्हता.

कमिन्सच्या अनुपस्थितीत, यष्टीरक्षक-फलंदाज इशान किशन संघाचे कर्णधारपद भूषवेल. हैदराबादने सुरुवातीच्या सामन्यांसाठी किशनच्या नावाची घोषणा केली होती. २५ मार्च रोजी होणाऱ्या सर्वकर्णधारांच्या बैठकीत किशन हैदराबादचे प्रतिनिधित्व करेल. इशानने २०२६ च्या टी-२० विश्वचषकात उत्कृष्ट कामगिरी केली होती. विश्वचषकापूर्वी, त्याने झारखंडला सय्यद मुश्ताक अली ट्रॉफीमध्ये विजय मिळवून दिला होता. त्याचा उत्कृष्ट फॉर्म आणि कर्णधारपदाचा अनुभव लक्षात घेऊन हैदराबादने कर्णधारपद त्याच्याकडे सोपवण्याचा निर्णय घेतला आहे.

IPL 2026 च्या आधी रिंकू सिंगला एक मोठी भेट मिळणार, उत्तर प्रदेशमध्ये मिळणार मोठे पद! वाचा सविस्तर

हैदराबाद आपला पहिला सामना गतविजेत्या रॉयल चॅलेंजर्स बंगळूरविरुद्ध खेळणार आहे. हा सामना आगामी हंगामातील पहिला सामना असून तो २८ मार्च रोजी एम. चिन्नीस्वामी स्टेडियमवर खेळला जाईल. या सामन्यात कमिन्स खेळणार नाही आणि किशन आयपीएलमध्ये पहिल्यांदाच संघाचे कर्णधारपद भूषवेल.