अनुभवी भारतीय फलंदाज अजिंक्य रहाणे गेल्या दोन हंगामांपासून कोलकाता नाईट रायडर्सचे कर्णधारपद भूषवत होता . मात्र, रहाणेने अलीकडेच क्रिकेटच्या सर्व प्रकारातून निवृत्ती जाहीर केली. तेव्हापासून, केकेआर फ्रँचायझी एका मजबूत आणि अनुभवी भारतीय कर्णधाराच्या शोधात आहे. सोशल मीडियावर व्हायरल होत असलेल्या वृत्तांनुसार, केकेआर व्यवस्थापन हार्दिक पांड्याला ट्रेड करून त्याच्याकडे कर्णधारपद सोपवण्याची योजना आखत आहे
वृत्तानुसार, कोलकाता नाईट रायडर्सने हार्दिक पांड्यासाठी संघाच दरवाजे उघडले आहेत. तसेच, केकेआर हार्दिककडे कर्णधारपदही सोपवू शकते. गेल्या दोन वर्षांपासून अजिंक्य रहाणेच्या कर्णधारपदाखाली कोलकाताची कामगिरी निराशाजनक राहिली आहे. त्यामुळे, हार्दिक केकेआरसाठी एक अष्टपैलू खेळाडू ठरेल, जो कर्णधारपद, गोलंदाजी आणि मधल्या फळीतील फलंदाजी या तिन्ही जबाबदाऱ्या सांभाळण्यास सक्षम आहे.कोलकाता नाईट रायडर्स हार्दिक पांड्यासाठी एखाद्या खेळाडूची ट्रेड करणार हे अद्याप स्पष्ट झालेले नाही.
कोलकाता नाईट रायडर्सला कर्णधाराची गरज आहे. मात्र, हार्दिक पांड्यामुळे वेगवान गोलंदाजी करणाऱ्या अष्टपैलू खेळाडू कॅमेरॉन ग्रीनला संघ सोडावा लागेल. एकाच संघात दोन वेगवान गोलंदाजी करणारे अष्टपैलू खेळाडू असल्यामुळे संपूर्ण प्लेइंग इलेव्हनचे संयोजन विस्कळीत होऊ शकते. वृत्तानुसार, ग्रीन आणि हार्दिक यांची ट्रे़ड केली जाईल. आयपीएल २०२६ च्या लिलावात कॅमेरॉन ग्रीनला मिळालेल्या २५.२ कोटी रुपयात खरेदी केले होते.
काही दिवसांपूर्वी हार्दिक पांड्या चेन्नई सुपर किंग्स संघात सामील होऊ शकतो अशी चर्चा होती. परंतु, आता कोलकाता नाइट रायडर्ससोबतच्या ट्रेडच्या चर्चेने जोर धरला आहे. २०२२ आणि २०२३ मध्ये गुजरात टायटन्सचे कर्णधारपद भूषवलेला हार्दिक, २०२४ मध्ये एका संपूर्ण रोख रकमेच्या ट्रेड डीलद्वारे त्याच्या पूर्वीच्या फ्रँचायझी, मुंबई इंडियन्समध्ये परतला होता. परंतु, हार्दिक केकेआरमध्ये सामील होणार की मुंबई इंडियन्स सोडणार, याबाबत दोन्ही फ्रँचायझींकडून अद्याप कोणतीही अधिकृत पुष्टी करण्यात आलेली नाही.
.png "Videos"){kind=small}
