Hardik-Bumrah च्या फिटनेसवर मोठी अपडेट! अफगाणिस्तान मालिकेत मैदानावर दिसणार? प्रिन्स यादव पूर्णपणे फिट

Hardik Pandya Jasprit Bumrah Fitness Update: अफगाणिस्तानविरुद्धच्या टी-२० मालिकेआधी, टीम इंडियाचे स्टार खेळाडू हार्दिक पांड्या आणि जसप्रीत बुमराह यांच्या फिटनेसबाबत मोठी अपडेट समोर आली आहे.

• बुमराह-हार्दिक कमबॅकसाठी तयार?
• फिटनेसवर मोठी अपडेट
• प्रिन्स यादवही फिट

टीम इंडियाचा श्रीलंका दौरा संपला आहे. आता भारतीय क्रिकेट संघाने अफगाणिस्तानविरुद्धच्या आगामी टी-२० मालिकेची तयारी सुरू केली आहे. या मालिकेनंतर आशियाई क्रीडी २०२६ स्पर्धा होणार आहेत. परंतु, त्याआधी भारतीय संघाचे सुपरस्टार हार्दिक पांड्या आणि जसप्रीत बुमराह काही काळापासून दुखापतीनेग्रस्त होते. आता त्यांच्या फिटनेसबाबत एक मोठी अपडेट सोमर आली आहे. याशिवाय, युवा वेगवान गोलंदाज प्रिन्स यादवबाबतही एक महत्त्वपूर्ण बातमी समोर आली आहे. स्टार अष्टपैलू पांड्या आणि सुपरस्टार वेगवान गोलंदाज बुमराह हे बीसीसीआयच्या सेंटर ऑफ एक्सलन्समध्ये बऱ्याच काळापासून आपल्या फिटनेसवर काम करत आहेत.

भारताला मोठा झटका! ‘गोल्डन बॉय’ Neeraj Chopra अचानक Asian Games 2026 मधून बाहेर; समोर आलं धक्कादायक कारण

हार्दिक पांड्या – बुमराहच्या फिटनेसवर अपडेट

टीम इंडियाचा सुपरस्टार हार्दिक पांड्या आयपीएल २०२६ पासून मैदानावर दिसलेला नाही. तो बऱ्याच काळापासून बीसीसीआयच्या सेंटर ऑफ एक्सलन्समध्ये आपल्या फिटनेसवर काम करत आहे. मात्र, सध्याच्या वृत्तांनुसार पांड्याचे कमबॅक होण्याची शक्यता कमी आहे. बीसीसीआय त्याच्या निवृत्तीची घाई करण्यास तयार नाही. त्यामुळे, अफगाणिस्तानविरुद्धच्या टी-२० मालिकेत पांड्याचा सहभाग होण्याची शक्यता कमी आहे.

संघाचा अनुभवी खेळाडू जसप्रीत बुमराह सध्या दुखापतीमुळे भारतीय संघाबाहेर आहे. श्रीलंकेविरुद्धच्या कसोटी मालिकेसाठी त्याची निवड झाली होती, पण दुखापतीमुळे त्याला बाहेर पडावे लागले. तेव्हापासून, बुमराह ‘सेंटर ऑफ एक्सलन्स’मध्ये आपली फिटनेसवर मेहनत घेत आहे. वृत्तानुसार, अफगाणिस्तानविरुद्धच्या टी-२० मालिकेत त्याचे पुनरागमन होण्याची शक्यता फारच कमी आहे. परंतु, तो वेस्ट इंडिजविरुद्धच्या मालिकेत खेळताना दिसू शकतो.

🚨 SUSPENSE ON HARDIK & BUMRAH 🚨 – There is suspense over Jasprit Bumrah and Hardik Pandya, and no confirmation yet on whether they will be available for the Afghanistan series or Asian Games. (Sports Tak). pic.twitter.com/h2wq3hag3p — Tanuj (@ImTanujSingh) August 29, 2026

प्रिन्स यादव पूर्णपणे फिट

युवा वेगवान गोलंदाज प्रिन्स यादव झिम्बाब्वेविरुद्धच्या टी-२० मालिकेदरम्यान जखमी झाला होता. वृत्तांनुसार, तो आता पूर्णपणे फिट आहे. त्यामुळे, अफगाणिस्तानविरुद्धच्या टी-२० मालिकेसाठी भारतीय संघात त्याचा समावेश होऊ शकतो. प्रिन्स यादवने झिम्बाब्वेविरुद्धच्या मालिकेत उत्कृष्ट कामगिरी केली होती.

आशियाई क्रीडा स्पर्धेसाठी बीसीसीआय B टीम पाठवणार?

बीसीसीआय आता आशियाई क्रीडा २०२६ च्या स्पर्धेसाठी भारतीय पुरुष क्रिकेट संघाचा ‘B’ संघ पाठवण्याचा निर्णय घेऊ शकते. अशा परिस्थितीत, प्रिन्स यादव संघाचा गोलंदाज म्हणून महत्त्वाची भूमिका बजावू शकतो. मात्र, भारतीय संघाचे स्टार खेळाडू न्यूझीलंडविरुद्धच्या टी-२० मालिकेत थेट सहभागी होतील. भारत न्यूझीलंडविरुद्ध पाच सामन्यांची टी-२० मालिका खेळणार आहे. ही मालिका ऑक्टोबरमध्ये खेळवली जाणार आहे.

Auqib Nabi साठी BCCI चा ‘स्पेशल प्लॅन’! न्यूझीलंड दौऱ्याआधी इंग्लंडला पाठवणार; काय आहे खास कारण?