pune cricket competition
महिला क्रिकेटपटूंना व्यावसायिक तसेच स्पर्धात्मक क्रिकेटचा अनुभव मिळावा आणि त्यांना दर्जेदार सामन्यांचा सराव करता यावा, हा स्पर्धेचा मुख्य उद्देश आहे. एकदिवसीय प्रकारातील सामने खेळविण्यात येणार असल्याने महिला खेळाडूंना या माध्यमातून वेगळा अनुभव मिळेल, असा विश्वास मोडक यांनी व्यक्त केला.
Gautam Gambhir : संजूबाबतचा तो निर्णय माझ्यासाठी कठीणच… संघ निवडीबाबत गंभीर यांनी सोडले मौन
पांढऱ्या चेंडूवर खेळविण्यात येणाऱ्या या स्पर्धेत एकूण २४ सामने होणार आहेत. प्रत्येक सामना ५०-५० षटकांचा असणार आहे. त्यामुळे महिला क्रिकेटपटूंना महाराष्ट्र क्रिकेट संघटनेच्या (एमसीए) निमंत्रित सामन्यांसाठी आवश्यक असलेल्या एकदिवसीय क्रिकेटचा सराव मिळेल, या उद्देशाने स्पर्धेचे आयोजन करण्यात आले आहे. स्पर्धेला ‘हिंदवी व्हेज हॉटेल’ यांचे विशेष सहकार्य लाभले आहे. स्पर्धेदरम्यान सहभागी खेळाडूंना सकाळचा नाश्ता आणि दुपारचे जेवण हिंदवी व्हेज हॉटेलच्या वतीने देण्यात येणार आहे.
स्पर्धेत वॉरियर्स अकॅडमी, रिक्रीएशन अकॅडमी, चांगभल क्रिकेट क्लब, अजित वाडेकर क्रिकेट अकॅडमी, एलिट क्रिकेट अकॅडमी, मॅव्हरीक्स क्रिकेट अकॅडमी, ओम साई अकॅडमी, गॅरी कर्स्टन अकॅडमी, डिलिजंट अकॅडमी आणि जोश-प्रो क्रिकेट अकॅडमी या दहा संघांमध्ये विजेतेपदासाठी चुरस रंगणार आहे.
वैयक्तिक कामगिरीलाही पुरस्कार
स्पर्धेतील विजेत्या संघाला करंडक, तर उपविजेत्या संघाला करंडक आणि पदके देऊन गौरविण्यात येणार आहे. याशिवाय सर्वोत्कृष्ट फलंदाज, सर्वोत्कृष्ट गोलंदाज, सर्वोत्कृष्ट क्षेत्ररक्षक, सर्वोत्कृष्ट यष्टीरक्षक आणि उदयोन्मुख खेळाडू यांना वैयक्तिक पुरस्कार देण्यात येणार आहेत. स्पर्धेतील सर्वोत्तम कामगिरी करणाऱ्या खेळाडूला मालिकेतील सर्वोत्कृष्ट खेळाडू पुरस्काराने गौरविण्यात येणार आहे. तसेच प्रत्येक सामन्यातील सामनावीर आणि ‘फायटर ऑफ द मॅच’ या पुरस्कारांमधून खेळाडूंच्या कामगिरीचे कौतुक करण्यात येणार आहे.
.png "Videos"){kind=small}
