चाहत्यांनो जरा सांभाळून…! कसोटी क्रिकेटमध्ये क्रांती होणार? ICC थेट WTC च्या फॉर्मटमध्ये ‘हा’…

WTC: मात्र आता नवीन बदल झाल्यास सिरिजमध्ये एकाच सामन्याचा समावेश असेल तर त्याचा देखील पॉईंट्स टेबलमध्ये देखील समावेश होऊ शकतो.

• वर्ल्ड टेस्ट चॅम्पियनशिपमध्ये केले जाणार मोठे बदल
• 9 ऐवजी 12 संघ खेळण्याची शक्यता 
• 2027 च्या जून महिन्यात होणार अंतिम सामना 

World Test Champion 2027: वर्ल्ड टेस्ट चॅम्पियनशिप ही क्रिकेट विश्वातील एक सर्वोत्तम आणि प्रतिष्ठेची लीग समजली जाते. पुढील वर्षी म्हणजेच 2027 मध्ये 9 ते 13 जून महिन्यात वर्ल्ड टेस्ट चॅम्पियनशिपची फायनल खेळवली जाणार आहे. मात्र आता यामध्ये आयसीसी काही मोठे बदल करण्याची शक्यता आहे. ते बदल काय असू शकतात याबाबत अधिक माहिती जाणून घेऊयात.

आयसीसी वर्ल्ड टेस्ट चॅम्पियनशिपमध्ये एक मोठे ऐतिहासिक पाऊल उचलण्याच्या तयारीत आहे. WTC चे आगामी स्वरूप आता सध्याच्या ९ संघांऐवजी १२ संघांचे असू शकते. क्रिकेट ऑस्ट्रेलियाचे (CA) मुख्य कार्यकारी अधिकारी (CEO) टॉड ग्रीनबर्ग यांनी संकेत दिले आहेत की, २०२९-३१ च्या WTC चक्रात झिम्बाब्वे, आयर्लंड आणि अफगाणिस्तान या तीन पूर्ण सदस्य देशांना समाविष्ट करण्याची पूर्ण तयारी सुरू आहे.

सध्याच्या नियमांनुसार, WTC  पॉईंट्स टेबलमध्ये सहभागी होण्यासाठी कोणत्याही सिरिजमध्ये कमीत कमी 2 कसोटी सामने अनिवार्य आहे. मात्र आता नवीन बदल झाल्यास सिरिजमध्ये एकाच सामन्याचा समावेश असेल तर त्याचा देखील पॉईंट्स टेबलमध्ये देखील समावेश होऊ शकतो.

WTC Point Table: श्रीलंकेचा खात्मा निश्चित! मैदान गाजवल्यावर WTC पॉईंट्सचे समीकरण कसे ठरणार

या महत्त्वाच्या निर्णयावर पुढील महिन्यात होणाऱ्या ICC च्या बैठकीत अंतिम निर्णय होण्याची शक्यता आहे. WTC ची सुरुवात २०१९ मध्ये झाली होती आणि तेव्हापासून ९ संघांमध्येच ही स्पर्धा खेळवली जात आहे. सध्याच्या नियमांनुसार प्रत्येक संघाला दोन वर्षांच्या चक्रात ६ कसोटी सिरिज खेळाव्या लागतात; ज्यामध्ये ३ सिरिज घरच्या मैदानावर आणि ३ सिरिज परदेशी मैदानावर आयोजित केल्या जातात.

WTC 2025-27: बांग्लादेशच्या विजयाने समीकरणं बदलली; ऑस्ट्रेलियाची बादशाही धोक्यात! भारतालाही टाकलं मागे