IND vs AFG 1st T20 Weather Report
भारत आणि अफगाणिस्तान यांच्यातील पहिला टी२० सामना आज, १३ सप्टेंबर रोजी खेळला जाणार आहे. हा सामना नवी दिल्लीतील अरुण जेटली स्टेडियमवर खेळला जाईल. संध्याकाळी ७:३० वाजता सामन्याला सुरूवात होईल. अफगाणिस्तान या मालिकेचे यजमानपद भूषवत आहे. बीसीसीआयने या मालिकेसाठी अरुण जेटली स्टेडियम अफगाणिस्तानला घरचे मैदान म्हणून दिले आहे. परंतु, पावसामुळे या सामन्यात व्यत्यय येऊ शकतो. पहिल्या टी-२० सामन्यादरम्यान कसे असेल दिल्लीतील हवामानाचा अंदाज, जाणून घेऊयात.
नेपाळचा दणदणीत विजय! यूएईवर मात करत पटकावले आशिया कप २०२७चे तिकीट; आसिफ शेखची शतकी खेळी
भारत आणि अफगाणिस्तान यांच्यातील सामना भारताची राजधानी नवी दिल्लीत खेळला जाईल. AccuWeather नुसार, संध्याकाळी ७ वाजल्यानंतर नवी दिल्लीत पाऊस पडण्याची २०% शक्यता आहे. त्यापूर्वी काही तास आधीही पावसाची दाट शक्यता आहे, ज्यामुळे मैदानाची स्थिती आणखी बिघडू शकते. नवी दिल्लीत ४४% ढगाळ वातावरण असेल आणि तापमान ३३ ते ३६ अंश सेल्सिअसच्या दरम्यान राहण्याचा अंदाज आहे.
अरुण जेटली स्टेडियमची खेळपट्टी फलंदाजांसाठी फायदेशीर मानली आहे. स्टेडियम लहान असून त्याच्या सीमा मोठ्या आहेत, त्यामुळे धावा करणे सोपे जाते. खेळपट्टीवर चांगला बाउन्स मिळतो. त्यामुळे वेगवान गोलंदाजांना सुरुवातीच्या षटकांमध्ये काही प्रमाणात मदत मिळते.
भारत आणि अफगाणिस्तान यांच्यातील पहिला टी२० आंतरराष्ट्रीय सामन्याचे थेट प्रक्षेपण सोनी स्पोर्ट्स नेटवर्कच्या चॅनल्सवर विविध भाषांमध्ये केले जाईल. फॅन्स हा सामना फॅनकोड ॲपवर ऑनलाइन पाहू शकतात.
२०१० पासून भारत आणि अफगाणिस्तान यांच्यात एकूण नऊ टी२० सामने खेळले गेले आहेत. या सामन्यांमध्ये भारताने सातत्याने वर्चस्व गाजवत सात सामने जिंकले आहेत. उर्वरित दोन सामन्यांपैकी एक सामना अनिर्णित राहिला, तर दुसरा सामना ड्रॉ राहिला. भारताने नंतर सुपर ओव्हरमध्ये जिंकला. आकडेवारी पाहता, अफगाणिस्तानने टी२० सामन्यात भारताला कधीही पराभूत केलेले नाही.
श्रेयस अय्यर (कर्णधार), तिलक वर्मा (उपकर्णधार), अभिषेक शर्मा, अर्शदीप सिंह, जसप्रीत बुमराह, शिवम दुबे, ईशान किशन (विकेटकीपर), नीतीश कुमार रेड्डी, अक्षर पटेल, रवि बिश्नोई, संजू सॅमसन (विकेटकीपर), वैभव सूर्यवंशी, वरुण चक्रवर्ती, वाशिंगटन सुंदर, यश ठाकुर.
.png "Videos"){kind=small}
