IND vs AFG: भारत-अफगाणिस्तान मालिकेआधी मोठी अपडेट! T20 च्या वेळापत्रकात बदल? कधी अन् कुठे पाहता येणार सामने?

IND vs AFG T20I series Schedule and live streaming: भारत आणि अफगाणिस्तान सप्टेंबरमध्ये तीन टी-२० आंतरराष्ट्रीय सामन्यांची मालिका खेळणार आहेत. कुठे आणि कधी पाहता येणार हे सामने, जाणून घेऊयात.

• भारत-अफगाणिस्तान T20 मालिका
• कुठे पाहता येणार लाईव्ह स्ट्रीमिंग?
• जाणून घ्या संपूर्ण माहिती

भारत आणि अफगाणिस्तान यांच्यात सप्टेंबरमध्ये टी-२० मालिका खेळवली जाईल. याचे वेळापत्रक १२ ऑगस्ट रोजी जाहीर करण्यात आले आहे . दरम्यान, मालिकेच्या मीडिया हक्कांच्या विक्रीबाबत माहिती समोर येत असून, मालिकेच्या वेळापत्रकात बदल होण्याची शक्यताही वर्तवण्यात आली आहे. गणेश चतुर्थीला एक टी-२० सामना खेळवण्याचे प्रयत्न सुरू आहेत. मात्र, सध्या याबाबत कोणतीही माहिती उपलब्ध नाही.

Cricket News: आकाशदीप-मुकेश कुमार यांची DSPची खुर्ची धोक्यात? बिहार सरकारने ठेवली ‘ही’ मोठी अट

कुठे पाहता येणार सामने?

भारतीय क्रिकेट संघ सप्टेंबरमध्ये अफगाणिस्तानविरुद्ध तीन सामन्यांची टी-२० मालिका खेळणार आहे. काही दिवसांपूर्वीच या मालिकेचे वेळापत्रक जाहीर करण्यात आले होते. हे सामने सोनी स्पोर्ट्स नेटवर्कवर टीव्हीवर थेट प्रक्षेपित केले जातील. वृत्तानुसार, या मालिकेचे जागतिक हक्क आयटीडब्ल्यूकडे (ITW) आहेत. थेट प्रक्षेपणाच्या हक्कांसाठी जिओ हॉटस्टार आणि युनायटेड यांच्याशीही चर्चा झाली होती. परंतु अखेरीस हे सामने केवळ सोनी स्पोर्ट्स नेटवर्कवरच दाखवण्याचा निर्णय घेण्यात आला. दरम्यान, या मालिकेचे डिजिटल हक्क फॅन कोडला देण्यात आले आहेत. याचा अर्थ, मोबाईलवर सामने पाहण्यासाठी तुम्हाला फॅन कोडला अॅप डाउनलोड करावा लागेल.

पहिला सामना कधी?

मालिकेतील पहिला सामना १३ सप्टेंबर रोजी होणार आहे. दुसरा सामना १५ सप्टेंबर रोजी आणि तिसरा १७ सप्टेंबर रोजी होणार आहे. सर्व सामने दिल्लीतील अरुण जेटली स्टेडियमवर होणार आहेत. अहवालात असेही म्हटले आहे की, किमान एका सामन्याचे वेळापत्रक बदलण्याबाबत अफगाणिस्तान क्रिकेट बोर्डासोबत चर्चा झाली आहे. १४ सप्टेंबर रोजी गणेश चतुर्थीचा सण साजरा होणार आहे. बीसीसीआयला त्या दिवशी सामना आयोजित करायचा आहे. यासाठी अफगाणिस्तान क्रिकेट बोर्डाला पर्याय देण्यात आले आहेत. आता निर्णय त्यांच्या हातात आहे. जर सामन्याची तारीख बदलली, तर वेळापत्रकही बदलेल.

अफगाणिस्ताने होकार दिल्यास वेळापत्रकात बदल

अफगाणिस्तान बोर्ड या प्रस्तावाला सहमती दिल्यास वेळापत्रकात बदल करण्यात येईल. परंतु, या मालिकेसाठी अजून एक महिना शिल्लक आहे. त्यामुळे बदल होण्याची शक्यता आहे. बीसीसीआयला प्रतिसाद मिळताच नवीन वेळापत्रक जाहीर केले जाईल.

AFG vs IRE: अटल-जादरानने गाजवलं मैदान! अफगाणिस्तानचा आयर्लंडवर दणदणीत विजय; मालिकाही घातली खिशात