इंग्लंडने पहिल्या डावाची धमाकेदार सुरुवात केली. सलामीवीर बेन डकेट आणि जेकब बेथेल यांनी भारतीय गोलंदाजांना बॅकफूटवर ढकलले. डकेतने तुफानी शतक झळकावत १३५ चेंडूवर १४१ धावांची शतकी खेळी केली. यामध्ये १८ चौकार आणि एका षटकाराचा समावेश होता. दुसरीकडे, जेकब बेथेलचे शतक हुकले पण बेथेलने देखील ताबडतोब फलंदाजी करत ११ चौकार आणि दोन षटकारांच्या मदतीने ९३ चेंडूंमध्ये ९१ धावा केल्या. दोघांनी पहिल्या विकेटसाठी शानदार १९२ धावांची भागीदारी केली. प्रसिद्ध कृष्णाने जेकब बेथेलला बाद करून भारताला पहिले यश मिळवून दिले. प्रिन्स यादवने डकेटला १४१ धावांवर बाद करुन महत्वाची विकेट घेतली. त्यानंतर रूट आणि बटलर देखील चमकले.
हॅरी ब्रुक १४ धावांवर बाद झाला, पण त्यानंतर जो रूट आणि जोस बटलर यांनी भारतीय गोलंदाजांचा टप्पा आणि दिशा बिघडवली. या दोघांनी शेवटच्या षटकांमध्ये धुमाकूळ घातला आणि अवघ्या २१ चेंडूंमध्ये ६३ धावांची नाबाद भागीदारी केली. लॉर्ड्सच्या खेळपट्टीवर भारतीय गोलंदाज पूर्णपणे अपयशी ठरले. प्रसिद्ध कृष्णा भारतासाठी सर्वात यशस्वी गोलंदाज ठरला, त्याने दोन विकेट्स घेतले. तर, प्रिन्स यादवला एक विकेट घेतला.
Ben Duckett… That was extraordinary 👏 pic.twitter.com/nwsoSxpZFc — England Cricket (@englandcricket) July 19, 2026
बेन डकेत आणि जेकब बेथल यांनी एकदिवसीय सामन्यांमध्ये भारताविरुद्ध इंग्लंडच्या सर्वोच्च सलामी भागीदारीचा नवा विक्रम प्रस्थापित केला. त्यांनी जेसन रॉय आणि जॉनी बेअरस्टो यांचा २०१९ मधील १६० धावांचा विक्रम मागे टाकला
भारत: रोहित शर्मा, शुभमन गिल (कर्णधार), विराट कोहली, श्रेयस अय्यर, केएल राहुल (विकेटकीपर), अक्षर पटेल, शिवम दुबे, गुरनूर ब्रार, प्रसिद्ध कृष्णा.
इंग्लंड: बेन डकेट, जेकब बेथेल, जो रूट, हॅरी ब्रुक (कर्णधार), जोस बटलर (विकेटकीपर), सॅम करन, विल जॅक्स, गस ऍटकिन्सन, जोफ्रा आर्चर, आदिल रशीद, जोश टंग.
.png "Videos"){kind=small}
