IND vs NZ : ऑकलंडमध्ये चौकार-षटकारांचा पाऊस की गोलंदाजांचा हल्लाबोल? ईडन पार्कवर कोण मारणार बाजी? पाहा Pitch Report

IND vs NZ 4th T20 Auckland Eden Park PItch report: भारत आणि न्यूझीलंड यांच्यात मालिकेतील चौथा सामना ऑकलंडमधील ईडन पार्कवर खेळला जाईल. या सामन्यात खेळपट्टी कोणाला साथ देणार, जाणून घेऊयात.

• चौथ्या टी२० आधी मोठी उत्सुकता
• ईडन पार्कवर फलंदाज की गोलंदाज ठरणार वरचढ?
• जाणून घ्या पिच रिपोर्ट

IND vs NZ : भारत आणि न्यूझीलंड यांच्यातील पाच सामन्यांच्या टी२० आंतरराष्ट्रीय मालिकेत आतापर्यंत तीम सामने खेळले गेले. भारतीय संघाने पहिले तीन सामने जिंकून मालिका आपल्या नावावर केली आहे. आता हे दोन्ही संघ शुक्रवारी चौथ्या टी२० आंतरराष्ट्रीय सामन्यात एकमेकांसमोर उभे ठाकतील. हा सामना ऑकलंडमधील ईडन पार्कवर रंगणार आहे.

सुरुवातीच्या तीन पराभवांनंतर, न्यूझीलंड मायदेशात विजय मिळवून आपली प्रतिष्ठा पुन्हा मिळवण्याचा प्रयत्न करेल. तर दुसरीकडे, मालिकेत अभेद्य आघाडी मिळवलेला भारत कोणत्याही दबावाशिवाय मैदानात उतरेल. या सामन्यात, ईडन पार्कची खेळपट्टी फलंदाजांसाठी फायदेशीर ठरेल असेल की गोलंदाज आपले वर्चस्व गाजवतील, जाणून घेऊयात.

IND vs NZ : कीवींचा सुपडा साफ करण्यासाठी भारताचा मास्टरप्लॅन! वैभव सूर्यवंशीला डच्चू अन् ईशान किशनचे कमबॅक? कशी असेल Playing 11

ईडन पार्कची खेळपट्टी कोणाला देणार साथ?

ऑकलंडचे ईडन पार्क त्याच्या वैशिष्ट्यपूर्ण रचनेसाठी आणि ‘ड्रॉप-इन’ खेळपट्टीसाठी ओळखले जाते. या मैदानाचे सर्वात खास वैशिष्ट्य म्हणजे लहान बाउंड्रीलाइन. चौरस सीमा अंदाजे ६५ मीटर, तर उजवीकडील सीमा अंदाजे ५५ मीटर आहे. या कमी अंतरामुळे फलंदाजांना मोठे फटके खेळणे सोपे जाते. जर फलंदाज खेळपट्टीवर टिकून राहिले, तर चौकार आणि षटकारांचा वर्षाव होऊ शकतो.

मात्र, हे मैदान वेगवान गोलंदाजांना सुरुवातीला काही प्रमाणात मदत करण्याची शक्यता आहे. नवीन चेंडूला स्विंग आणि सीम मूव्हमेंट मिळण्याची शक्यता आहे. विशेषतः ढगाळ वातावरणात. वेगवान गोलंदाजांना आणखी फायदा होऊ शकतो. यामुळे फलंदाजांना सुरुवातीच्या षटकांमध्ये सावधपणे खेळावे लागेल.एकदा चेंडू जुना झाला आणि फलंदाज स्थिरावले की, धावा करणे सोपे होईल. खेळपट्टीवर चांगला बाउन्स मिळतो. एकूणच, ईडन पार्कवर एक हाय-स्कोअरिंग सामना अपेक्षित आहे.

चौथा टी२० सामना किती वाजता सुरू होईल?

भारत आणि न्यूझीलंड यांच्यातील चौथा टी२० सामना भारतीय प्रमाणवेळेनुसार दुपारी १२:३० वाजता सुरू होईल. सामन्याच्या अर्धा तास आधी, म्हणजेच दुपारी १२:०० वाजता, दोन्ही संघांचे कर्णधार नाणेफेकीसाठी मैदानात उतरतील. हा सामना सोनी स्पोर्ट्स नेटवर्कवर थेट प्रक्षेपित (Live Streaming) केला जाईल. भारतीय फॅन्स सोनी स्पोर्ट्स चॅनेलद्वारे हा सामना टीव्हीवर थेट पाहू शकतात. याव्यतिरिक्त, तुम्ही भारत-न्यूझीलंड चौथा टी२० सामना डीडी स्पोर्ट्सवर विनामूल्य पाहू शकता.

कोण आहे उमा काशवी? WPL Auction मध्ये रचला इतिहास; 15 वर्षांच्या खेळाडूवर दिल्ली कॅपिटल्सचा विश्वास