IND vs SA : सामन्यांच्या वेळा बदलल्या! भारत-दक्षिण आफ्रिका पहिली कसोटी यावेळी सुरू होईल, वाचा सविस्तर माहिती

आता, तुमच्यासाठी सर्वात महत्त्वाची बातमी म्हणजे भारत आणि दक्षिण आफ्रिका यांच्यातील पहिल्या कसोटी सामन्यासाठी तुम्हाला थोडी झोप सोडावी लागेल. मालिकेचे थेट प्रक्षेपण तुम्ही दुपारी पाहू शकत होता.

• आता भारताचा संघ हा दक्षिण आफ्रिका संघाविरुद्ध मालिका खेळण्यासाठी सज्ज
• भारत आणि दक्षिण आफ्रिका यांच्यातील दोन सामन्यांची कसोटी मालिका १४ नोव्हेंबरपासून सुरू होणार
• भारत आणि दक्षिण आफ्रिका यांच्यातील पहिल्या कसोटी सामन्याच्या वेळेत बदल

भारत विरुद्ध दक्षिण आफ्रिका यांच्यामध्ये कसोटी मालिका सुरु व्हायला दोन दिवस शिल्लक राहिले आहेत. ऑस्ट्रेलियाविरुद्ध झालेल्या मालिकांनंतर आता भारताचा संघ हा दक्षिण आफ्रिका संघाविरुद्ध मालिका खेळण्यासाठी सज्ज झाला आहे. दक्षिण आफ्रिकेचा संघ सध्या भारत दौऱ्यावर आहे. भारत आणि दक्षिण आफ्रिका यांच्यातील दोन सामन्यांची कसोटी मालिका १४ नोव्हेंबरपासून सुरू होत आहे. शुभमन गिल दक्षिण आफ्रिकेविरुद्ध कर्णधार म्हणून आपला प्रभावी कसोटी विक्रम कायम ठेवण्याचा प्रयत्न करेल. 

तथापि, टीम इंडियाने शेवटची २०१९ मध्ये दक्षिण आफ्रिकेविरुद्ध कसोटी मालिका जिंकली होती आणि ती मालिका देखील भारतीय भूमीवर खेळली गेली होती. ऑस्ट्रेलियाला रवाना होण्यापूर्वी, टीम इंडियाने घरच्या मैदानावर दोन सामन्यांच्या कसोटी मालिकेत वेस्ट इंडिजचा २-० असा पराभव केला. आता, तुमच्यासाठी सर्वात महत्त्वाची बातमी म्हणजे भारत आणि दक्षिण आफ्रिका यांच्यातील पहिल्या कसोटी सामन्यासाठी तुम्हाला थोडी झोप सोडावी लागेल. ऑस्ट्रेलियाविरुद्धच्या पाच सामन्यांच्या टी-२० मालिकेचे थेट प्रक्षेपण तुम्ही दुपारी पाहू शकत होता, परंतु आता वेळेत थोडा बदल झाला आहे.

NZ vs WI 4th T20 : 39 चेंडूंत सामना संपला, पावसामुळे धुऊन गेला खेळ! न्यूझीलंडची मालिकेत आघाडी कायम

भारत-दक्षिण आफ्रिका कसोटी सामन्यांचे वेळापत्रक

१४ नोव्हेंबर रोजी सुरू होणारा भारत आणि दक्षिण आफ्रिका यांच्यातील पहिला कसोटी सामना भारतीय वेळेनुसार सकाळी ९:३० वाजता सुरू होईल. सामन्याच्या अर्धा तास आधी, सकाळी ९ वाजता टॉस होईल. हे लक्षात घेण्यासारखे आहे की भारत आणि ऑस्ट्रेलिया यांच्यातील टी२० सामने दुपारी १:४५ वाजता सुरू होत असत. तथापि, ही कसोटी मालिका भारतात खेळली जात असल्याने, दोन्ही कसोटी सामने सकाळी सुरू होतील. तीन सामन्यांच्या एकदिवसीय मालिकेतील सर्व सामने भारतीय वेळेनुसार दुपारी १:३० वाजता सुरू होतील.

See more

Shubman & Co will take on the WTC Champions South Africa with fire in their eyes and a series win in their sights!#INDvSA, 1st Test starts 14th November 8:30 AM on Star Sports and JioHotstar! pic.twitter.com/9TgLziU9Qj — Star Sports (@StarSportsIndia) November 10, 2025

भारत विरुद्ध दक्षिण आफ्रिका सामना

भारत आणि दक्षिण आफ्रिका यांच्यातील कसोटी क्रिकेटमधील समोरासमोरील सामन्यांच्या रेकॉर्डचा विचार केला तर, दक्षिण आफ्रिकेचा संघ वरचष्मा घेतो. दोन्ही संघांमध्ये एकूण ४४ कसोटी सामने खेळले गेले आहेत, त्यापैकी दक्षिण आफ्रिकेने १८ जिंकले आहेत, तर भारताने १६ जिंकले आहेत.

भारतीय संघाने २०१९-२० मध्ये दक्षिण आफ्रिकेविरुद्ध घरच्या मैदानावर शेवटची कसोटी मालिका जिंकली होती. त्यानंतर, २०२१ मध्ये दक्षिण आफ्रिकेने घरच्या मैदानावर भारताचा पराभव केला, तर २०२३-२४ मध्ये मालिका १-१ अशी बरोबरीत सुटली. एकूणच गोष्ट अशी आहे की कसोटी क्रिकेटमध्ये दक्षिण आफ्रिकेवर मात करणे टीम इंडियासाठी सोपे राहिलेले नाही.