IND vs SA T20 मालिकेच्या वेळेत बदल! आता सर्व सामने ‘या’ वेळेपासून खेळले जाणार

IND vs SA T20 Series: सूर्यकुमार यादवच्या नेतृत्वाखाली, टीम इंडिया दक्षिण आफ्रिकेविरुद्ध पाच सामन्यांच्या टी-२० मालिकेत सहभागी होणार आहे. तथापि, टी-२० सामन्यांच्या वेळेत थोडा बदल करण्यात आला आहे.

IND vs SA T20 मालिकेच्या वेळेत बदल! (Photo Credit - X)

Follow Us:

Follow Us:

• एकदिवसीय मालिकेनंतर टी-२० चा धमाका!
• टी-२० सामन्याच्या वेळेत बदल
• भारत-दक्षिण आफ्रिका मालिकेचे पाहा वेळापत्रक

सामन्यांच्या वेळेत बदल

भारतात होणारे टी-२० सामने सामान्यतः संध्याकाळी ७:३० वाजता सुरू होतात. मात्र, दक्षिण आफ्रिकेविरुद्धच्या या मालिकेच्या सामन्यांच्या वेळेत बदल करण्यात आला आहे. या मालिकेतील सर्व सामने अर्धा तास लवकर म्हणजेच संध्याकाळी ७ वाजता सुरू होतील. टॉसचा शिक्का संध्याकाळी ६ वाजून ३० मिनिटांनी उडेल. एकदिवसीय मालिकेप्रमाणेच टी-२० मध्येही धावांचा पाऊस पडण्याची अपेक्षा आहे. ओस या मालिकेतही महत्त्वाची भूमिका बजावेल.

भारत विरुद्ध दक्षिण आफ्रिका टी२० मालिकेचे संपूर्ण वेळापत्रक

हे देखील वाचा: IND vs SA 1st T20 : अर्शदीप पुन्हा संघाबाहेर? हार्दिकचे पुनरागमन निश्चित! कशी असेल भारतीय संघाची पहिल्या सामन्यात Playing 11

सूर्यकुमारच्या नेतृत्वाखालील संघ सज्ज

सूर्यकुमार यादवच्या नेतृत्वाखालील टीम इंडियाने या वर्षात टी-२० क्रिकेटमध्ये दमदार कामगिरी केली आहे. ऑस्ट्रेलिया दौऱ्यावरही संघाने उत्कृष्ट खेळ दाखवला होता. सूर्या अँड कंपनी याच लयीत प्रोटियाज (दक्षिण आफ्रिका) संघाविरुद्ध मैदानात उतरण्यास तयार आहे.

पांड्या आणि गिल कमबॅकसाठी सज्ज

या मालिकेत काही मोठे खेळाडू कमबॅक करत आहेत. दुखापतीतून सावरलेला हार्दिक पांड्या टी-२० मालिकेत आपली आक्रमक फलंदाजी दाखवण्यासाठी सज्ज आहे. त्याने नुकत्याच झालेल्या सय्यद मुश्ताक अली ट्रॉफीमध्ये (Syed Mushtaq Ali Trophy) बडोद्याला एकहाती विजय मिळवून दिला होता. दुखापतीतून तंदुरुस्त झालेला शुभमन गिल अभिषेक शर्मासोबत डावाची सुरुवात करताना दिसेल. एकदिवसीय मालिकेत विश्रांती घेतल्यानंतर जसप्रीत बुमराह टी-२० मालिकेत आपल्या भेदक गोलंदाजीने कहर करताना दिसेल.

टी-२० मालिकेसाठी दोन्ही संघांसाठी संघ

भारत: सूर्यकुमार यादव (कर्णधार), शुभमन गिल, अभिषेक शर्मा, तिळक वर्मा, हार्दिक पांड्या, शिवम दुबे, अक्षर पटेल, जितेश शर्मा, संजू सॅमसन (विकेटकीपर), जसप्रीत बुमराह, वरुण चक्रवर्ती, अर्शदीप सिंग, कुलदीप यादव, हर्षित राणा आणि वॉशिंग्टन सनदर

दक्षिण आफ्रिका: एडन मार्कराम (कर्णधार), ओटनील बार्टमन, कॉर्बिन बॉश, डेवाल्ड ब्रेव्हिस, क्विंटन डी कॉक (विकेटकीपर), डोनोव्हन फरेरा, रीझा हेंड्रिक्स, मार्को जॅन्सन, केशव महाराज, डेव्हिड मिलर, जॉर्ज लिंडे, लुंगी एनगिडी, ॲनरिक नॉर्टजे, सेंट ट्रिब्स, लुथॉब्स आणि सेंट ट्रिब्स.

हे देखील वाचा: IND vs SA : मालिका जिंकल्यानंतर गौतम गंभीरने साधला मिडियावर निशाणा, प्रेस कॉन्फरन्समध्ये काढला राग

Web Title: Ind vs sa t20 series timings changed now all matches will be played from this time

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com