IND vs SL: कुलदीपचा ‘गेम ओव्हर’ अन् सारांश जैनचा डेब्यू? टीम इंडियाच्या Playing 11 मध्ये होणार मोठा बदल

IND vs SL 2nd Test Playing 11: भारतीय संघ कोलंबोमध्ये श्रीलंकेविरुद्ध दुसरा कसोटी सामना खेळणार आहे. या सामन्यासाठी कशी असेल भारताची संभाव्य प्लेइंग ११, जाणून घेऊयात.

• कुलदीप यादवला मिळणार डच्चू?
• टीम इंडियाच्या Playing 11 मध्ये मोठा बदल?
• भारताची संभाव्य प्लेइंग ११

भारत आणि श्रीलंका यांच्यातील दुसरा कसोटी सामना कोलंबो येथे खेळला जाणार आहे. हा सामना रविवारी २३ ऑगस्ट रोजी खेळला जाईल. भारतीय प्रमाणवेळेनुसार सकाळी १० वाजता सामन्याला सुरुवात होईल. भारतीय संघाने गॉल कसोटीत दणदणीत विजय मिळवला. यासह मालिकेत १-० ने आघाडी घेतली. हे. जागतिक कसोटी चॅम्पियनशिपच्या दृष्टीने हा सामना भारतासाठी खूप महत्त्वाचा आहे. त्यामुळे टीम इंडिया श्रीलंकेला व्हाईटवॉश देऊन मालिका आपल्या नावावर करण्याचा प्रयत्न करेल. या सामन्यात भारतीय संघात मोठा बदल होण्याची शक्यता आहे. कशी असेल भारताची संभाव्य प्लेइंग ११, जाणून घेऊयात.

Cricket News: इंग्लंडच्या ‘या’ स्टार खेळाडूचा निवृत्तीचा निर्णय; १५ वर्षांच्या आंतरराष्ट्रीय कारकिर्दीला पूर्णविराम

कुलदीप यादवला मिळणार डच्चू? सारांशला संधी

पहिल्या कसोटीत आपल्या उत्कृष्ट फिरकी गोलंदाजीने या दोघांनी टीम इंडियाच्या विजयात महत्त्वाची भूमिका बजावली होती. परंतु, गॉल कसोटीत खेळपट्टीकडून चांगली साथ मिळूनही कुलदीप यादवने दोन डावांतील २५ षटकांत केवळ एकच विकेट घेतला. या सामन्यात कुलदीप सर्वात महागडा गोलंदाज ठरला, त्याने प्रति षटक चारपेक्षा जास्त धावा दिल्या. त्यामुळए कोलंबो कसोटीत कुलदीप यादवला अंतिम ११ खेळाडूंमध्ये स्थान मिळणार का हे पाहणे महत्वाचे ठरेल. श्रीलंकेच्या संघात डावखुऱ्या फलंदाजांची संख्या जास्त असल्याने, मध्य प्रदेशच्या ऑफ-स्पिनर सारांश जैनला कसोटी पदार्पणाची संधी दिली जाऊ शकते. कुलदीप शुक्रवारी सराव सत्रात सहभागी झाला नाही, त्यामुळे त्याला अंतिम ११ खेळाडूंमधून वगळले जाऊ शकते.

फलंदाजी विभागाची बदलाची शक्यता कमी

देवदत्त पडिक्कलने तिसऱ्या क्रमांकावर फलंदाजी करताना शानदार कामगिरी केली असून, तो दुसऱ्या कसोटीतही आपला फॉर्म कायम ठेवण्याचा प्रयत्न करेल. शुभमन गिल चौथ्या, ऋषभ पंत पाचव्या आणि ध्रुव जुरेल सहाव्या क्रमांकावर फलंदाजीला येतील. मागील सामन्यात अर्धशतक झळकावल्यानंतर यष्टीरक्षक-फलंदाज ध्रुव जुरेलने संघात आपले अंतिम ११ खेळाडूंमधील आपले स्थान पक्के केले आहे. यामुळे सरफराज खानला सध्या आपल्या संधीची वाट पाहावी लागेल. दरम्यान, डावाच्या सुरुवातीला यशस्वी जैस्वाल, केएल राहुल, देवदत्त पडिक्कल आणि कर्णधार शुभमन गिल यांच्या उपस्थितीमुळे संघाला मजबूत टॉप ऑर्डर मिळाला आहे.

प्रसिद्ध कृष्णा- मोहम्मद सिराज यांची जागा निश्चित

वेगवान गोलंदाजीच्या आक्रमणात प्रसिद्ध कृष्णा आणि मोहम्मद सिराज ही जोडी कायम राहण्याची शक्यता आहे. पहिल्या कसोटीमध्ये या दोघांचीही कामगिरी चांगली होती. त्यामुळे त्यांना दुसऱ्या सामन्यातही संधी मिळू शकते. फिरकी गोलंदाजी विभागात मानव सुथार, रवींद्र जडेजा आणि संभाव्य पदार्पण करणारा सारांश जैन हे श्रीलंकेच्या फलंदाजांसमोर आव्हान उभे करेल.

भारताची संभाव्य प्लेइंग ११:

यशस्वी जैस्वाल, केएल राहुल, देवदत्त पडिक्कल, शुभमन गिल (क), ऋषभ पंत, ध्रुव जुरेल, रवींद्र जडेजा, मानव सुथार, सारांश जैन, प्रसिद्ध कृष्णा आणि मोहम्मद सिराज.

Mitchell Starc चा भेदक मारा! बांग्लादेशची ‘हवा टाईट’; ६ विकेटसह WTC मध्ये केला ‘हा’ महारिकॉर्ड