IND vs WI : हे आपल्यासोबतच असं का होतंय यार? नाणेफेक जिंकलो, पण सामना गमावला; वेस्ट इंडिजचा दणदणीत विजय

IND vs WI : मालिकेतील चौथ्या टी-20 सामन्यात वेस्ट इंडिजने अष्टपैलू कामगिरीच्या जोरावर मालिका 2-2 अशी बरोबरीत आणली आहे. आता शनिवारी मालिकेतील पाचव्या व अखेरच्या सामन्यात ट्रॉफी कोण जिंकणार हे निश्चित होणार आहे.

IND vs WI : हैदराबादच्या राजीव गांधी इंटरनॅशन स्टेडियममध्ये पार पडलेल्या मालिकेतील चौथ्या सामन्यात वेस्ट इंडिजने भारतावर 24 धावांनी विजय मिळवला. अशाप्रकारे ही मालिका 2-2 अशी बरोबरीत आली असून मालिकेचा निकाल शेवटच्या सामन्याने लागणार हे निश्चित झाले आहे. कर्णधार शाई होप (नाबाद 102) च्या खणखणीत शतकाच्या जोरावर वेस्ट इंडिजने भारतासमोर 3 बाद 248 धावांचे आव्हान दिले होते.
दुसरीकडे, टी-20 मधील सर्वोत्कृष्ट फलंदाज संघात असतानाही भारतीय संघाला हे धावांचे विशाल डोंगर पोखरता आले नाही. परिणामी भारताला 9 बाद 223 धावांचा पल्ला गाठता आला. मालिकेतील तीन सामन्यात भारताने नाणेफेक गमावले होते, चौथ्या सामन्यात मात्र नाणेफेक भारताने जिंकला व त्यांनी प्रथम क्षेत्ररक्षणाचा निर्णय घेतला, पण तो काही योग्य ठरला नाही.

वेस्ट इंडिजचा धावांचा पाऊस

ज्वेल अॅण्ड्रयू आणि कर्णधार शाई होपने वेस्ट इंडिजच्या डावाची सुरुवात केली. मात्र ज्वेल हा केवळ 21 रन्सची खेळी करून आउट झाला. त्यानंतर शिमरन हेटमायर आणि शाई होपने वेस्ट इंडिजची बाजू सांभाळून धरली. पॉवर प्लेमध्ये अधिक विकेट न गमावता धावसंख्या वाढवण्यावर त्यांनी भर दिल्याचे दिसून आले. शिमरन हेटमायर 33 रन्स करून आउट झाला. तर रोमवेन पॉवेल देखील 24 रन्स करून माघारी परतला.

शेरफेन रदरफोर्ड आणि कर्णधार शाई होपने वेस्ट इंडिजला 200 च्या पार नेऊन ठेवले. दोघांनी अत्यंत आक्रमक खेळी केली. दरम्यान, होपने 50 चेंडूंत 9 षटकार व 4 चौकारच्या मदतीने नाबाद 102 धावांची खेळी केली. तर रदरफोर्डही 26 चेंडूंत 4 चौकार व 3 षटकारांच्या जोरावर 49 धावांवर नाबाद राहिला.

याही सामन्यात भारताचे गोलंदाज चमकले नाहीत. अर्शदीप सिंग, अक्षर पटेल व प्रिन्स यादवला जरी प्रत्येकी 1 विकेट मिळाला असला, तरी त्यांची वेस्ट इंडिजच्या फलंदाजांनी चांगलीच धुलाई केली.

न्यूझीलंड मालिकेआधी रवींद्र जडेजाची गर्जना! रणजीत शतक ठोकत गोलंदाजीतही दाखवला दम, टीम इंडियाची चिंता मिटणार?

भारताची चांगली सुरुवात पण…

एक वेळ चौथ्या षटकात म्हणजे पॉवर प्लेमध्ये भारताची स्थिती नाबाद 60 धावा अशी होती. यात सलामीला आलेल्या संजू सॅमसनच्या 56 धावांचा समावेश होता. तर दुसरा सलामीवीर अभिषेक शर्मा मात्र सावरून खेळताना दिसला. शाई होपने पाचवे षटक टाकण्यास किमो पॉलला बोलावले. पॉलने कर्णधाराच्या विश्वासाला सार्थकी लावत या षटकात सुरुवातीला संजू, तर त्याच्या तीन चेंडूनंतर ईशान किशन (6)ला बाद करत भारताला दोन धक्के दिले.

संजूने 20 चेंडूंतच आपले अर्धशतक झळकावले. परंतु अतिआक्रमकतेच्या नादात तो शिमरेन हेटमायरला सिमारेषेजवळ झेल देऊन बसला. त्याने 23 चेंडूंत 6 चौकार व 4 षटकारांच्या मदतीने 56 धावा केल्या. चौथ्या क्रमांकावर फलंदाजीस आलेल्या कर्णधार श्रेयस अय्यर (16)ने काही काळ अभिषेकला साथ दिली, मात्र तोही फार काळ खेळपट्टीवर टिकू शकला नाही.

गुडाकेश मोतीने डावातील 11 व्या षटकात अभिषेक शर्मा (29) व नमन धीर असे एकामागोमाग एक धक्के दिले. अखेरच्या क्षणी तिलक वर्मा (43) व नितिश रेड्डी (41)ने धुवाधांर फलंदाजीस सुरुवात केली, पण ते संघाला विजय मिळवून देऊ शकले नाहीत. वेस्ट इंडिजकडून किमो पॉलने 5 विकेट घेतले.

एका निर्णयाने बदललं आयुष्य! Gautam Gambhir यांच्या मनात आजही एक खंत! पहिलं प्रेम अधुरं राहिलं? जाणून घ्या खास किस्सा