IND vs WI: सिरीजमध्ये पहिल्यांदाच केली बॅटिंग अन् बनवला रेकॉर्ड, KL Rahul ने 80 चेंडूत झळवले शतक, 10 हजार धावा पूर्ण

IND vs WI: KL Rahul ला या सिरीजमध्ये खेळण्याची संधी मिळाली नव्हती. आज अडचणीच्या काळात शतक झळकवत भारताला ३०० च्या पार राहुलने आणून ठेवले. राहुलने या सामन्यात रेकॉर्ड बनवला.

• लोकेश राहुलचा अप्रतिम खेळ, ठोकले नाबाद शतक 

• केएल राहुलने भारताला चांगली खेळी करून देत योग्य स्कोअर मिळवून दिला

• ९ वे शतक झळकावत राहुलने १० हजार धावांचा टप्पाही पूर्ण केलाय

IND vs WI: भारत आणि वेस्ट इंडिज सिरीजमधील तिसरा सामना आज केएल राहुलने गाजवला असून त्याने आपले ९ वे एकदिवसीय शतक पूर्ण केले आहे. केवळ ८० धावांमध्ये शतक पूर्ण करत गरजेच्या वेळी कमालीची संयमी खेळी केली आहे. अत्यंत गरजेच्या काळात फिल्डवर खंबीरपणे उभं राहत त्याने भारताला ३०० धावांचा टप्पा पार करून दिला.  शतक पूर्ण झाल्यानंतर अधिक आक्रमक फलंदाजी करत त्याने ३५१ धावांचा डोंगर उभा केला. तसंच त्याने आपल्या एकदिवसीय करिअरमधील सर्वात मोठी धावसंख्याही केली आणि आंतरराष्ट्रीय क्रिकेटमध्ये १०००० धावांचा टप्पाही पार केला.

लोकेश राहुल ८७ चेंडूमध्ये १२९ धावा करत नाबाद राहिला. यादरम्यान त्याने १० चौकार आणि ६ छक्के मारले आहेत. पाचव्या क्रमांकावर फलंदाजी करायला आलेल्या राहुलने कमालीची फलंदाजी करत चाहत्यांचे मन जिंकून घेतले आहे. राहुल जेव्हा फलंदाजीसाठी मैदानात आला तेव्हा भारताची अवस्था १४१ धावा करून ३ विकेट्स अशी होती. केवळ २५ ओव्हर्सचा खेळ बाकी होता. राहुलने अत्यंत सावधगिरीने खेळ सुरू केला. दुसऱ्या बाजूने विकेट्स गेल्या असल्या तरीही राहुल भक्कमरित्या उभा राहिला आणि शेवटच्या ५ षटकांमध्ये ३५० धावांचा टप्पा भारतीय संघाला पार करून दिला. राहुलने आठव्या विकेट्ससाठी ६१ धावांची भागीदारी केली, दरम्यान यात गुरनुर ब्रारचा वाटा केवळ ८ धावांचा होता. 

See more

IND vs WI 3rd ODI: चंदीगडच्या मैदानात धावांचा पाऊस की गोलंदाजांचा कहर? खेळपट्टी कोणाला देणार साथ; पाहा Pitch Report

पाचव्या क्रमांकावर अधिक धावा करणारे भारतीय फलंदाज 

139: युवराज सिंह विरूद्ध सिडनी ऑस्ट्रेलिया 2004 

134: एम एस धोनी विरूद्ध इंग्लंड कटक 2017

129*: केएल राहुल विरुद्ध वेस्ट इंडिज न्यू चंदीगढ 2026

124: एम एस धोनी विरूद्ध ऑस्ट्रेलिया नागपूर 2009

राहुलच्या करिअरमधील दुसरे सर्वात जलद शतक 

राहुलने हे शतक केवळ ८० धावांमध्ये पूर्ण केले आहे. एकदिवसीय करिअरमधील राहुलचे दुसरे सर्वात जलद शतक आहे. याआधी त्याने २०२३ मध्ये एकदिवसीय विश्वचषकात नेदरलँड्सविरुद्ध ६२ चेंडूमध्ये शतक केले होते. लोकेश राहुलची ही खेळी अधिक खास आहे कारण दुसऱ्या बाजूने मात्र भारतीय संघाच्या खेळाडूंच्या विकेट्स पडत असताना त्याने अत्यंत संयमी खेळी केली. दुसऱ्या बाजूला नक्की काय होत आहे याचा त्याने स्वतःच्या मनावर कोणताही परिणाम होऊ दिला नाही. ४२ चेंडूमध्ये त्याने अर्धशतक पूर्ण केले. त्यानंतर त्याने ८० चेंडूत शतक पूर्ण केले आणि धडाका चालू ठेवत केवळ ८७ चेंडूमध्ये त्याने नाबाद १२९ धावा पूर्ण केल्या.

IND vs WI Playing XI: रविंद्र जडेजा Out, सिराज In, तिसऱ्या सामन्यासाठी भारतीय संघ करणार का बदल?