IND vs ZIM 3rd T20 Live: टीम इंडियाची क्लीन स्वीपची तयारी! भारताने जिंकून घेतला ‘हा’ निर्णय, संघात दोन मोठे बदल

IND vs ZIM 3rd T20 Live Toss Updates: भारत आणि झिम्बाब्वे यांच्यात आज तिसरा टी- २० सामन्याला थोड्या वेळात सुरुवात होणार आहे. त्याआधी दोन्ही संघाचे कर्णधार नाणेफेकीसाठी मैदानात उतरले आहेत.

• टीम इंडियाची क्लीन स्वीपची तयारी
• भारताने जिंकून घेतला ‘हा’ निर्णय
• प्रिन्स यादव-शिवम दुबे संघाबाहेर

भारत आणि झिम्बाब्वे यांच्यातील ३ सामन्याच्या टी -२० मालिकेतील तिसऱ्या आणि अंतिम सामन्याला थोड्याच वेळात सुरुवात होणार आहे. हा सामना हरारे स्पोर्ट्स ग्राउंडवर खेळला जाणार आहे. त्याआधी दोन्ही संघाचे कर्णधार श्रेयस अय्यर आणि सिकंदर रझा नाणेफेकीसाठी मैदानात उतरले आहेत. भारताने नाणेफेक जिंकून प्रथम फंलदाजी करण्याचा निर्णय घेतला आहे. टीम इंडियामध्ये दोन मोठे बदल करण्यात आले आहे. दुसऱ्या सामन्यात प्रिन्स यादव दुखापतग्रस्त झासा त्याच्या जागी अशोक शर्माला संधी देण्यात आली आहे तर शिवम दुबेच्या जागी सूर्यांश शेडगे संघात स्थान देण्यात आले आहे. दरम्यान, झिम्बाब्वेच्या कर्णधाराने एक बदल केला आहे. नगारवाच्या जागी वेलिंग्टन मसाकाद्झाला संघात स्थान दिले आहे.

ICC T20 Ranking: 15 दिवसांत पलटला संपूर्ण खेळ! भारतीय संघ पुन्हा ठरला T20 क्रिकेटचा बादशाह

भारताने जिंकली मालिका

भारताने पहिल्या सामन्यात झिम्बाब्वेला ७ विकेट्सने पराभूत केले. तर, दुसऱ्या सामन्यात ९० धावांनी पराभव केला. या विजयासह टीम इंडियाने मालिकेत २-० ने आघाडी घेतली आहे. शनिवारी खेळलेल्या सामन्यात फलंदाज ईशान किशनने स्फोटक फलंदाजी करत अवघ्या ४४ चेंडूंमध्ये ८१ धावा केल्या. यामध्ये ९ चौकार आणि २ षटकारांचा समावेश होता. यासह उपकर्णधार, तिलक वर्माने देखील ,शानदार फलंदाजी करत ६० धावा ठोकल्या. सलग २ टी- २० सामन्यात विजय मिळवल्यामुळे टीम इंडियाने पुन्हा एकदा आयसीसी टी- २० रँकिंगम मधील अव्वल स्थान पटकावले आहे. आजचा हा सामना जिंकल्यास संघाला आयसीसी क्रमवारीत आणखी फायदा होऊ शकतो.

दोन्ही संघांचे प्लेइंग ११

भारत : वैभव सूर्यवंशी, अभिषेक शर्मा, इशान किशन (विकेटकीपर), श्रेयस अय्यर (कर्णधार), तिलक वर्मा, सूर्यांश शेडगे, रिंकू सिंग, रवी बिश्नोई, अशोक शर्मा, यश ठाकूर, मयंक यादव.

झिम्बाब्वे : ब्रायन बेनेट, बेन कुरन, डायन मायर्स, सिकंदर रझा (कर्णधार), रायन बर्ल, वेस्ली मधवेरे (विकेटकीपर), तडवनाशे मारुमणी, ब्रॅड इव्हान्स, न्यूमन न्याम्हुरी, वेलिंग्टन मसाकादझा, ब्लेसिंग मुझाराबानी.