IND vs SL Semi Final : श्रीलंकेचा खेळ खल्लास! आता भारत-पाकिस्तान आमनेसामने, टीम इंडियाची फायनलमध्ये एन्ट्री

IND vs SL Semi Final : आशियाई क्रीडा स्पर्धा 2026 मधील पुरुष क्रिकेटच्या उपांत्य सामन्यात श्रीलंकेवर मात करत भारतीय संघाने अंतिम फेरीत धडक मारली आहे. ईशान किशनच्या नाबाद 80 धावांच्या जोरावर भारताने 169 धावा उभारल्या होत्या. आता सुवर्णपदकासाठी भारत आणि पाकिस्तान यांच्यात हायव्होल्टेज फायनल रंगणार आहे.

• श्रीलंकेला नमवत भारत फायनलमध्ये!
• आता सुवर्णपदकासाठी भारत-पाकिस्तान महामुकाबला
• आशियाई क्रीडा स्पर्धेत रंगणार भारत-पाकिस्तान फायनल

IND vs SL Semi Final : जपानमध्ये सुरू असलेल्या 20व्या आशियाई क्रीडा स्पर्धेत भारतीय पुरुष क्रिकेट संघाने अंतिम फेरीत प्रवेश केला आहे. श्रीलंकेविरुद्धच्या दुसऱ्या उपांत्य सामन्यात दमदार कामगिरी करत भारताने सुवर्णपदकाच्या लढतीचे तिकीट निश्चित केले. आता अंतिम सामन्यात भारताचा सामना पारंपरिक प्रतिस्पर्धी पाकिस्तानशी होणार असल्याने क्रिकेट चाहत्यांची उत्सुकता शिगेला पोहोचली आहे. (IND vs SL Semi Final)

श्रेयस अय्यरच्या नेतृत्वाखालील भारतीय संघाने प्रथम फलंदाजी करताना 20 षटकांत 7 बाद 169 धावा केल्या. प्रत्युत्तरात मैदानात उतरलेला श्रीलंकेचा संघ अवघ्या 9.5 षटकांत 45 धावांवर गारद झाला. ईशान किशनने 46 चेंडूंत नाबाद 80 धावांची शानदार खेळी करत डाव सावरला. त्याने 4 चौकार आणि 5 षटकार लगावले. वैभव सूर्यवंशीनेही 21 चेंडूंत 38 धावांचे महत्त्वपूर्ण योगदान दिले.

अंतिम फेरीत धडक

भारताने गुरुवारी झालेला हा सामना तब्बल 124 धावांनी जिंकत अंतिम फेरीत धडक मारली. आता आशियाई क्रीडा स्पर्धेतील पुरुष क्रिकेटच्या सुवर्णपदकासाठी भारत आणि पाकिस्तान यांच्यात महामुकाबला रंगणार आहे. हा सामना 3 सप्टेंबर रोजी खेळला जाणार आहे. पाकिस्तानने गुरुवारीच झालेल्या उपांत्य सामन्यात बांगलादेशचा 6 विकेट्सने पराभव करत अंतिम फेरीत प्रवेश केला.

World Cup 2027: आज कधी आणि कुठे करणार ICC वर्ल्ड कप 2027 च्या वेळापत्रकाची घोषणा, भारतीय टीम सज्ज

170 धावांच्या लक्ष्याचा पाठलाग करताना श्रीलंकेची सुरुवात खराब झाली. भारताच्या गोलंदाजांनी सुरुवातीपासूनच आक्रमक मारा होता. मात्रजसप्रीत बुमराहने पहिल्याच षटकात दोन विकेट घेत श्रीलंकेला दुहेरी धक्का दिला. त्यानंतरही भारतीय गोलंदाजांनी दबाव कायम ठेवला.

आता पाकिस्तानशी हायव्होल्टेज सामना

दुसरीकडे, पहिल्या उपांत्य सामन्यात पाकिस्तानने बांगलादेशवर मात करत फायनलमध्ये प्रवेश केला. त्यामुळे आता आशियाई क्रीडा स्पर्धेच्या पुरुष क्रिकेटमध्ये भारत विरुद्ध पाकिस्तान असा सुवर्णपदकाचा महामुकाबला पाहायला मिळणार आहे. भारत हा पुरुष क्रिकेटमधील गतविजेता आहे. 2023 च्या हांगझोऊ आशियाई क्रीडा स्पर्धेत भारताने सुवर्णपदक पटकावले होते. त्यामुळे यंदाही जेतेपद कायम राखण्याच्या उद्देशाने टीम इंडिया अंतिम सामन्यात मैदानात उतरणार आहे.

भारताचा संघ: संजू सॅमसन (यष्टीरक्षक), अभिषेक शर्मा, ईशान किशन, श्रेयस अय्यर (कर्णधार), तिलक वर्मा, शिवम दुबे, अक्षर पटेल, अर्शदीप सिंग, रवी बिश्नोई, यश ठाकूर, जसप्रीत बुमराह, वॉशिंग्टन सुंदर, वैभव सूर्यवंशी, विप्रज निगम.

श्रीलंकेचा संघ: एशेन बंडारा, लसिथ क्रूसपुल, सिनेथ जयवर्धने, निरोशन डिकवेला (यष्टीरक्षक), नुवानिडू फर्नांडो, सहान अराचिगे (कर्णधार), चमिका करुणारत्ने, दुशान हेमंथा, बिनुरा फर्नांडो, विजयकांथ व्यासकांथ, नुवान तुषारा, थारिंडू रत्नायके, वानुजा सहान, सोहन डी लिवेरा, गरुका संकेथ.

Asian Games 2026: श्रीलंकेच्या संघाला नेस्तनाबूत करायला सज्ज भारतीय टीम, वैभव-अभिषेक-संजू सॅमसन; कसे वाचणार श्रीलंकन