IND vs NZ: पहिल्यादांच असं घडलं! T20I मध्ये ‘सिक्सर किंग’ ठरली टीम इंडिया; भारताच्या नावावर अनोखा विश्वविक्रम

India become first team to smash 400 T20I sixes in a year: भारत आणि न्यूझीलंड यांच्यातील पाच सामन्यांच्या टी-२० मालिकेतील अंतिम सामना हॅमिल्टन येथे खेळला गेला. या सामन्यात, भारतीय संघाने इतिहास रचला आहे.

• टीम इंडियाची तोडफोड बॅटिंग
• भारताने गाठला ४०० षटकारांचा टप्पा
• अशी कामगिरी करणारा पहिलाच संघ

IND vs NZ: भारत आणि न्यूझीलंड यांच्यातील पाचवा आणि अंतिम टी२० आंतरराष्ट्रीय सामना हॅमिल्टन येथील सेडन पार्कवर खेळला गेला. न्यूझीलंडने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना भारताने ८ विकेट्स गमावून १९१ धावा केल्या. भारतीय संघाच्या काही खेळाडूंनी चांगली खेळी केली, परंतु मधल्या फळीतील फलंदाज अपयशी ठरले. मात्र, या सामन्यात अनेक चौकार आणि षटकारांचा वर्षाव झाला. सामान गमावला असला तरी, भारतीय संघाने या सामन्यात इतिहास रचला आहे. संघाने २०२६ मध्ये आतापर्यंत ४०० षटकार मारले आहेत. एका कॅलेंडर वर्षात ४०० टी२० आंतरराष्ट्रीय षटकार मारणारा भारत आता पहिला संघ ठरला आहे.

IND vs NZ: भारताविरुद्ध खेळला अन् इतिहास घडवून गेला! Glenn Phillips ने गोलंदाजांना धू-धू धुतलं; फिल सॉल्टचा विश्वविक्रम धुळीस

टीम इंडियाची ऐतिहासिक कामगिरी

भारतीय संघाने एक महत्त्वपूर्ण टप्पा गाठला आहे. टीम इंडियाने एका कॅलेंडर वर्षात ४०० षटकार मारले आहेत. भारताने यावर्षी आतापर्यंत ४० सामने खेळले आहेत. आतापर्यंत कोणत्याही संघाने एका कॅलेंडर वर्षात कोणीही ४०० षटकार मारलेले नाहीत. विशेष म्हणजे, भारताने न्यूझीलंडविरुद्ध १४२ षटकार मारले होते. टीम इंडियामध्ये अभिषेक शर्मा, ईशान किशन, संजू सॅमसन आणि वैभव सूर्यवंशी यांच्यासारखे आक्रमक फलंदाज आहेत. हे सर्व पॉवर हिटर आहेत. विशेषतः अभिषेक आपल्या खेळीत षटकार मारण्यावर अवलंबून असतो. त्याने आतापर्यंत ८० पेक्षा जास्त षटकार मारले आहेत. संजू आणि ईशान यांनीही षटकारांच्या बाबतीत अनेक विक्रम प्रस्थापित केले आहेत.

भारताने एका वर्षात न्यूझीलंडविरुद्ध १४२ षटकार मारले

भारतीय फलंदाजांचा आक्रमक फॉर्म यावर्षी न्यूझीलंडविरुद्धही कायम राहिला. २०२६ मध्ये दोन्ही संघांमध्ये झालेल्या टी-२० सामन्यांमध्ये भारताने एकूण १४२ षटकार ठोकले. एका कॅलेंडर वर्षात एकाच संघाविरुद्ध ठोकलेल्या षटकारांच्या बाबतीत ही एक महत्त्वपूर्ण कामगिरी आहे.

एका मालिकेत ११६ षटकारांचा रेकॉर्ड

भारत आणि न्यूझीलंड यांच्यातील या मालिकेत फलंदाजांनी वारंवार चेंडू जबरदस्त षटकार ठोकले . या पाच सामन्यांच्या मालिकेत एकूण ११६ षटकार मारण्यात आले. एकाच टी२० आंतरराष्ट्रीय मालिकेत मारलेल्या षटकारांची ही चौथी सर्वाधिक संख्या आहे.

जर्मनी आणि ऑस्ट्रिया यांच्यातील २०२६ ची मालिका एकूण १३२ षटकारांसह यादीत अव्वल स्थानी आहे. इंग्लंड आणि वेस्ट इंडिज यांच्यातील २०२३ ची मालिका १२० षटकारांसह दुसऱ्या क्रमांकावर आहे. तर, ऑस्ट्रेलिया आणि वेस्ट इंडिज यांच्यातील २०२५ च्या मालिकेत ११७ षटकार ठोकले गेले.

IND vs NZ 5th T20: शेवटच्या सामन्यात किवींचा पलटवार! न्यूझीलंडने भारताला लोळवलं; पण टीम इंडियाने ३-२ ने जिंकली मालिका