फोटो सौजन्य - जिओहाॅटस्टार सोशल मिडिया
भारत विरुद्ध ऑस्ट्रेलिया यांच्यामध्ये पाच सामन्यांची मालिका पार पडली. या मालिकेमध्ये भारताच्या संघाने बाजी मारली आणि मालिका नावावर केली आहे. पाचव्या सामन्यामध्ये सामना रद्द करण्यात आला होता, पण भारताच्या संघाने आधीच मालिकेमध्ये आघाडी घेतली होती. पाचव्या टी-२० मध्ये ऑस्ट्रेलियाविरुद्ध भारताने पुन्हा एकदा नाणेफेक गमावल्यानंतर, कर्णधार सूर्यकुमार यादवने स्टार वेगवान गोलंदाज जसप्रीत बुमराहशी मजेदार संवाद साधला. या संभाषणाचा व्हिडिओ सोशल मीडियावर व्हायरल झाला.
चालू दौऱ्यात ऑस्ट्रेलियामध्ये भारताने आठपैकी सात वेळा टॉस गमावला. शुभमन गिलने तिन्ही एकदिवसीय सामन्यांमध्ये टॉस गमावला, तर सूर्यकुमार यादवने पाच सामन्यांच्या टी-२० मालिकेत फक्त एकदाच विजय मिळवला. शनिवारी, ऑस्ट्रेलियन कर्णधार मिशेल मार्शच्या बाजूने नाणे पडले. त्यानंतर सूर्यकुमार त्याच्या सहकाऱ्यांकडे वळला आणि बुमराह विचारताना दिसला, “पुन्हा हरला?” या प्रश्नाने दोन्ही खेळाडूंना आनंद झाला आणि सूर्यकुमार यादवने भारत प्रथम फलंदाजी करेल असे संकेत देऊन उत्तर दिले.
pic.twitter.com/gxzay5BZ7n — Drizzyat12Kennyat8 (@45kennyat7PM) November 8, 2025
सोशल मीडियावर हा मजेदार व्हिडिओ मोठ्या प्रमाणात पसंत केला जात आहे. भारताने ऑस्ट्रेलियाविरुद्धची पाच सामन्यांची टी-२० आंतरराष्ट्रीय मालिका २-१ अशी जिंकली. पाचवा आणि शेवटचा सामना पावसामुळे रद्द झाला. फलंदाजीचा निर्णय घेतल्यानंतर भारताने दमदार सुरुवात केली, सलामीवीर अभिषेक शर्मा (१३ चेंडूत नाबाद २३) आणि शुभमन गिल (१६ चेंडूत नाबाद २९) यांनी आक्रमक सलामी भागीदारी केली. तथापि, विजेच्या कडकडाटामुळे खेळ थांबवण्यात आला. पाऊस आला तेव्हा सामना फक्त ४.५ षटकांचा होता.
खराब हवामानामुळे सामना पुन्हा सुरू होऊ शकला नाही. ऑस्ट्रेलियाच्या भूमीवर पाच टी२० मालिकेतील भारताचा हा तिसरा विजय होता. भारताचा संघ आता ऑस्ट्रेलियाविरुद्ध झालेल्या मालिकेनंतर आता कसोटी मालिकेसाठी सज्ज होईल. आता भारताचा संघ आता पुढील मालिका दक्षिण आफ्रिकेविरुद्ध खेळणार आहे. भारत विरुद्ध दक्षिण आफ्रिका यांच्यामध्ये दोन कसोटी सामन्यांची मालिका खेळवली जाणार आहे. सध्या दक्षिण आफ्रिकेविरुद्ध भारताचा अ संघ मालिका खेळत आहे.
.png "Videos"){kind=small}
