फोटो सौजन्य - सोशल मिडिया
19 ऑक्टोबर पासून भारत विरुद्ध ऑस्ट्रेलिया यांच्यामध्ये एकदिवसीय मालिकेला सुरुवात होणार आहे, भारत आणि ऑस्ट्रेलिया या दोन संघांमध्ये तीन सामन्यांची एकदिवसीय मालिका खेळवली जाणार आहे. शुभमन गिल याच्याकडे या मालिकेमध्ये भारतीय संघाची कमान असणार आहे. टीम इंडिया या महिन्यात ऑस्ट्रेलिया दौऱ्यावर जाणार आहे. या दौऱ्यात दोन्ही संघ एकदिवसीय आणि टी-२० मालिका खेळतील. दोन्ही मालिकांसाठी ऑस्ट्रेलियाचा संघ जाहीर करण्यात आला आहे. पॅट कमिन्सचा एकदिवसीय किंवा टी-२० संघात समावेश नाही.
वेगवान गोलंदाज मिचेल स्टार्कने काही दिवसांपूर्वी टी-२० आंतरराष्ट्रीय क्रिकेटमधून निवृत्ती घेतली होती, परंतु आता तो एकदिवसीय संघात परतला आहे. आरोन हार्डी, मॅथ्यू कुहनेमन आणि मार्नस लाबुशेन यांना एकदिवसीय संघातून वगळण्यात आले आहे, तर लाबुशेन वर्षाच्या अखेरीस इंग्लंडविरुद्धच्या कसोटी मालिकेपूर्वी स्थानिक शेफील्ड शिल्ड स्पर्धेत क्वीन्सलँडसाठी चार दिवसांचे क्रिकेट खेळत राहील. ऑस्ट्रेलियाने भारताविरुद्धच्या पहिल्या दोन टी-२० सामन्यांसाठी १४ जणांचा संघ जाहीर केला, ज्यामध्ये दक्षिण आफ्रिकेविरुद्धच्या अलिकडच्या टी-२० मालिकेत खेळू न शकलेल्या नॅथन एलिस आणि जोश इंगलिस यांचा समावेश आहे.
संघाची घोषणा करताना निवड समिती सदस्य जॉर्ज बेली म्हणाले, “आम्ही एकदिवसीय मालिका आणि टी-२० मालिकेतील पहिल्या दोन सामन्यांसाठी संघांची घोषणा केली आहे, कारण मालिकेच्या शेवटी काही बदल करावे लागतील. पुढील वर्षी होणाऱ्या विश्वचषकाच्या तयारीसाठी हा महत्त्वाचा काळ असल्याने बहुतेक टी-२० खेळाडू एकत्र राहतील. आगामी कसोटी मालिकेसाठी काही खेळाडूंना तयार करता यावे यासाठी आम्ही संतुलन साधण्याचा प्रयत्न करत आहोत.”
Matthew Renshaw surges into Australia’s ODI squad as Mitch Starc headlines big names returning for blockbuster #AUSvIND series READ: https://t.co/qbE38ZFrfQ pic.twitter.com/QGqwtYl81Q — cricket.com.au (@cricketcomau) October 7, 2025
मिचेल मार्श (कर्णधार), झेवियर बार्टलेट, अ‍ॅलेक्स कॅरी, कूपर कॉनोली, बेन द्वारशीस, नॅथन एलिस, कॅमेरॉन ग्रीन, जोश हेझलवूड, ट्रॅव्हिस हेड, जोश इंग्लिस, मिचेल ओवेन, मॅथ्यू रेनशॉ, मॅथ्यू शॉर्ट, मिचेल स्टार्क, अ‍ॅडम झांपा
मिचेल मार्श (कर्णधार), शॉन अ‍ॅबॉट, झेवियर बार्टलेट, टिम डेव्हिड, बेन द्वारशिस, नॅथन एलिस, जोश हेझलवूड, ट्रॅव्हिस हेड, जोश इंग्लिस, मॅथ्यू कुह्नेमन, मिचेल ओवेन, मॅथ्यू शॉर्ट, मार्कस स्टोइनिस, अ‍ॅडम झांपा
.png "Videos"){kind=small}
