कर्णधार हरमनप्रीत कौरचा फॉर्म ठरला चिंतेचा विषय (Photo Credit- X)
IND W vs AUS W: महिला वर्ल्ड कप २०२५ ची सुरुवात ३० सप्टेंबरपासून भारत आणि श्रीलंकेत होणार आहे. या मोठ्या स्पर्धेसाठी भारतीय महिला संघाची घोषणा झाली असून, कर्णधारपदाची जबाबदारी हरमनप्रीत कौरकडे सोपवण्यात आली आहे. मात्र, वर्ल्ड कपच्या काही दिवस आधीच भारतीय कर्णधार हरमनप्रीत कौरच्या बॅटमधून धावा निघत नाहीत, ही संघासाठी चिंतेची बाब आहे. ऑस्ट्रेलियाविरुद्धच्या वनडे मालिकेत ती पूर्णपणे अपयशी ठरली आहे.
ऑस्ट्रेलियाविरुद्धच्या दुसऱ्या वनडे सामन्यात हरमनप्रीत कौरने २६ चेंडूंमध्ये फक्त १७ धावा केल्या, ज्यात दोन चौकारांचा समावेश होता. धावा करण्यासाठी ती झगडताना दिसली. याच पिचवर स्मृती मानधनाने शानदार ११७ धावांची खेळी केली होती, तर दीप्ती शर्मानेही ४० धावा काढून आपली छाप पाडली.
Indian skipper Harmanpreet Kaur departs for 17(26). 🙆♂️👀 Ashleigh Gardner picks up her second wicket! 🇦🇺☝️ 🇮🇳 – 152/3 (25.2)#HarmanpreetKaur #ODIs #INDWvAUSW #Sportskeeda pic.twitter.com/c7UrM3UCns — Sportskeeda (@Sportskeeda) September 17, 2025
याआधी, पहिल्या वनडेमध्येही हरमनप्रीतने ९ चेंडूंमध्ये फक्त ११ धावा केल्या होत्या, ज्यामुळे संघाला ८ विकेट्सने पराभव पत्करावा लागला होता. इंग्लंडविरुद्धच्या मागील वनडे मालिकेत तिने एक शतक झळकावले असले तरी, तिच्या फॉर्ममध्ये सातत्य दिसून येत नाही.
आता वर्ल्ड कप २०२५ अगदी तोंडावर आला असताना तिच्या खराब फॉर्ममुळे संघाच्या तयारीवर प्रश्नचिन्ह उभे राहिले आहे. एका बाजूला हरमनप्रीत कौर ‘वर्ल्ड कप’ जिंकण्याचा निर्धार व्यक्त करत आहे, तर दुसऱ्या बाजूला तिचा स्वतःचाच फॉर्म खराब सुरू आहे. तिने याआधी म्हटले होते की, ती आणि तिचा संघ वर्ल्ड कपमधील विजयाचा दुष्काळ संपवण्यासाठी पूर्णपणे तयार आहेत. भारतीय महिला क्रिकेट संघाने आतापर्यंत एकदाही वर्ल्ड कपचे विजेतेपद पटकावलेले नाही. अशा परिस्थितीत कर्णधाराची खराब कामगिरी संघासाठी एक मोठी डोकेदुखी ठरत आहे.
INDW vs AUSW : स्मृती मानधनाचा आणखी एक भीम पराक्रम! ‘या’ एकदिवसीय विक्रमाने जगाला केले चकित
दुसऱ्या रोमांचक सामन्यात ऑस्ट्रेलियाची कर्णधार एलिसा हिलीने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर, टीम इंडियाने दमदार सुरुवात करत ऑस्ट्रेलियासमोर विजयासाठी २९३ धावांचे लक्ष्य ठेवले आहे. प्रथम फलंदाजी करताना, भारत ४९.५ षटकांत २९२ धावांवर सर्वबाद झाला. सलामीवीर स्मृती मानधनाने टीम इंडियाकडून सर्वाधिक ११७ धावा केल्या. या शानदार खेळीदरम्यान स्मृती मानधनाने ९१ चेंडूत १४ चौकार आणि चार षटकार ठोकले. स्मृती मानधनासह दीप्ती शर्मानेही ४० धावा केल्या.
दुसरीकडे, ऑस्ट्रेलियाला पहिला मोठा विजय अ‍ॅशले गार्डनरकडून मिळाला. ऑस्ट्रेलियाकडून डार्सी ब्राउनने तीन विकेट घेतल्या. डार्सी ब्राउन व्यतिरिक्त, अ‍ॅशले गार्डनर आणि मेगन शट यांनी प्रत्येकी दोन विकेट घेतल्या. दोन्ही संघांना हा सामना जिंकून मालिकेत आघाडी घ्यायची आहे.
.png "Videos"){kind=small}
