फुटबॉल हा जगातील सर्वात लोकप्रिय खेळांपैकी एक आहे. मात्र भारतासारख्या क्रिकेट वेड्या देशात फुटबॉलपटूंची लोकप्रियता तशी कमी आहे. असे असले तरी देखील भारतीय फूटबॉलपटू सुनील छेत्री यांचं नाव सर्वांच्याच परिचयाचं आहे. सुनील छेत्री (Sunil Chhetri) एक महान फूटबॉलपटू आहे. भारतीय कर्णधाराने आपल्या देशासाठी अनेक गोलची नोंद केली आहे. त्यामुळे सुनील छेत्री हा क्रिस्टियानो रोनाल्डो (Cristiano Ronaldo) आणि लिओनेल मेस्सीनंतर आंतरराष्ट्रीय फुटबॉलमध्ये तिसरा सर्वात सक्रिय गोल करणारा खेळाडू आहे. त्यांच्या फ़ुटबाँल मधील सर्वोत्तम कामगिरीमुळे त्यांचा फिफाकडून (FIFA) सन्मान करण्यात आला आहे.
फ़ुटबाँलच्या जागतिक क्रमवारीत रोनाल्डो ११७ गोलांसह अव्वल स्थानावर, मेस्सी ९० गोलसह दुसऱ्या स्थानावर, तर सुनील छेत्री ८४ गोलसह तिसऱ्या स्थानावर आहे. छेत्रीने भारतीय संघासाठी १३१ सामने खेळले आहेत आणि ८४ गोल केले आहेत.
फीफाने खेळाडूच्या कामगिरीचे स्मरण करण्यासाठी ‘कॅप्टन फॅन्टास्टिक’ नावाची एक छोटी सीरिज जारी केली आहे. ‘कॅप्टन फॅन्टास्टिक’ नावाची मालिका FIFA+ वर उपलब्ध आहे आणि तीन भाग आहेत. गोल-स्कोअरिंगमुळे छेत्री फुटबॉलमधील महान खेळाडू, ख्रिस्तियानो रोनाल्डो आणि लिओनेल मेस्सी यांच्या पंगतीत स्थान मिळाले आहे. सक्रिय खेळाडूंमध्ये ३७ वर्षीय सुनील छेत्री आंतरराष्ट्रीय फुटबॉलमध्ये सर्वाधिक गोल करणारा तिसरा खेळाडू आहे.
You know all about Ronaldo and Messi, now get the definitive story of the third highest scoring active men’s international. Sunil Chhetri | Captain Fantastic is available on FIFA+ now ?? — FIFA World Cup (@FIFAWorldCup) September 27, 2022
