भारतीय पुरुष हॉकी संघाची सलग चौथ्यांदा उपांत्य फेरीत मजल

बर्मिंगहम येथे सुरु असलेल्या राष्ट्रकुल क्रीडा स्पर्धेत (Commonwealth Games2022) भारतीय पुरुष हॉकी संघ मजल दर मजल करत भारतासाठी पदक पटकावण्याच्या प्रयत्नात आहे. भारत विरुद्ध वेल्स ( Wales Men’s Hockey Team) या उपांत्य पूर्व सामन्यात भारतीय संघाने ४-१ असा विजय नोंदवून राष्ट्रकुल स्पर्धेच्या उपांत्य फेरीत धडक दिली आहे. विशेष म्हणजे, भारतीय पुरुष हॉकी संघाने सलग चौथ्यांदा राष्ट्रकुल स्पर्धेच्या उपांत्य फेरीत स्थान मिळवले आहे.

सामान्यदरम्यान पहिल्या क्वार्टरमध्ये वेल्सविरुद्धच्या सामन्यात भारतीय पुरुष हॉकी संघानं दमदार शानदार सुरुवात केली आहे. परंतु, वेल्सच्या टीम ने चांगला बचाव करत भारताला एकही गोल करू दिला नाही. पहिल्या क्वार्टरमध्ये अमित रोहिदासच्या बोटाला दुखापत झाली. मात्र भारतीय हॉकी संघाने दुसऱ्या क्वार्टरमध्ये दोन गोल करून सामन्यात २-० अशी आघाडी घेतली.

दुसऱ्या क्वार्टरमध्ये भारतासाठी दोन्ही गोल हरमनप्रीतने केले. तसेच तिसऱ्या क्वार्टरमध्येही भारताची सामन्यावर मजबूत पकड ठेवली. भारताला दोनदा पेनल्टी कॉर्नर मिळालं, पण दोन्ही वेळा अपयश आलंय. मात्र, दुसऱ्या पेनल्टीदरम्यान भारताला पेनल्टी स्ट्रोक मिळाला. याचा फायदा घेत हरमनप्रीत सिंगनं वेल्सविरुद्ध गोल करत हॅट्ट्रिक साधलीय. तिसऱ्या क्वार्टरमध्ये भारतानं ३-० अशी आघाडी घेतलेली पाहायला मिळाली. अखेर गुरजंतने चौथ्या क्वार्टरच्या सुरुवातीला भारताला ४-०अशी आघाडी मिळवून दिली आणि यामुळे शेवटी ४-० च्या फरकाने भारतीय संघाने वेल्स संघावर मात करत उपांत्य फेरी गाठण्याचा बहुमान मिळवला.