शनिवार, 8 ऑगस्ट 2026
देवदत्त पडीकलचे शतक (फोटो- ट्विटर)
सध्या भारतीय संघ श्रीलंकेविरुद्ध कोलंबोमध्ये वॉर्म अप सामना खेळत आहे. भारतीय संघाकडून देवदत्त पडीकलने आक्रमक फलंदाजी करताना शानदार शतक लगावले आहे. त्याने 121 बॉलमध्ये आपले शतक पूर्ण केले. यामध्ये त्याने एकूण 14 फोर मारले. शतक पूर्ण करताच तो रिटायर्ड हर्ट झाला. त्याच्यानंतर ऋषभ पंत खेळण्यासाठी आला. मात्र 5 बॉलमध्ये 2 रन्स तो करून आउट झाला.
या वॉर्म अप सामन्यात दुसऱ्या दिवशी भारतीय संघ फलंदाजी करण्यासाठी मैदानात आला. सलामीचा फलंदाज यशस्वी जयस्वाल शून्यावर आउट झाला. त्यानंतर देवदत्त पडीकल तिसऱ्या नंबरवर खेळण्यासाठी आला. त्याने केएल राहुलसोबत दुसऱ्या विकेटसाठी 96 रन्सची भागीदारी केली. केएल राहुल 40 रन्स करून आउट झाला. त्यानंतर पडीकल आणि जाडेजाने महत्वाची भागीदारी रचली. देवदत्त पडीकलने श्रीलंकेची धुलाई केली.
AUS Vs BAN: नुसता लाज घालवायचा धंदा! बांग्लादेश 54 रन्समध्ये ऑल आउट; कांगारूंनी काढली हवा
💯 for Devdutt Padikkal! 🙌🙌 A superb knock from the left-handed batter in the warm-up game against SLC XI! 👏 👏 Updates ▶️ https://t.co/g7rdlUUjY2 #TeamIndia pic.twitter.com/eb0p6gnyEQ — BCCI (@BCCI) August 8, 2026
देवदत्त पडीकलबद्दल बोलायचे झाल्यास त्याने भारतासाठी आतापर्यंत दोन कसोटी सामने आणि 2 टी 20 सामने खेळले आहेत. 2024 मध्ये धर्मशाला येथील इंग्लंडविरुद्ध डेब्यू केले होते. त्यानंतर त्याला अधिक संधी मिळाली नाही. साई सुदर्शन फिट न झाल्यास श्रीलंकेविरुद्ध देवदत्त पडीकल खेळताना दिसणार आहे. पडीकलने दोन कसोटी सामना खेळून 90 पेक्षा जास्त रन्स केल्या आहेत. त्यात त्याने एक अर्धशतक लगावले आहे.
मालिकेतील पहिला कसोटी सामना १५ ते १९ ऑगस्ट दरम्यान गॉल आंतरराष्ट्रीय क्रिकेट स्टेडियमवर खेळवला जाईल. तर दुसरा कसोटी सामना २३ ते २७ ऑगस्ट दरम्यान कोलंबो येथील सिंहलीज स्पोर्ट्स क्लबच्या मैदानावर खेळवला जाईल. मालिका सुरु होण्यआधी भारत आणि श्रीलंका यांच्यात सध्या तीन दिवसीय सराव सामना खेळला जात आहे.
