रविवार, 15 नोव्हेंबर 2026
Beetroot Cream Blush: महागडे केमिकल ब्लश वापरणे कायमचे जा विसरून! बीटरूटचा वापर करून घरीच बनवा नॅचरल ब्लश, चेहरा दिसेल गुलाबी
Beetroot Cream Blush: चेहरा फ्रेश आणि ताजा टवटवीत दिसण्यासाठी सर्वच तरुणी मेकअप करून सुंदर तयार होतात. मेकअप केल्यामुळे चेहऱ्यावर ग्लो येतो आणि त्वचा सुंदर दिसते. सर्वच मुलींना ब्लश लावायला खूप जास्त आवडते. गुलाबी ब्लश गालांवर लावल्यानंतर लुक हटके आणि नॅचरल दिसतो. पण बाजारात विकत मिळणाऱ्या ब्लश आणि इतर मेकअप प्रॉडक्टमध्ये मोठ्या प्रमाणावर हानिकारक केमिकलचा वापर केला जातो. केमिकल्स आणि प्रिजर्व्हेटिव्ह प्रत्येक त्वचेसाठी फायदेशीर नसतात. त्यामुळे कोणत्याही ब्रँडचे स्किन केअर किंवा मेकअप प्रॉडक्ट खरेदी करताना ते आपल्या त्वचेला सूट होतील की नाही याची खात्री करून घ्यावी अन्यथा त्वचेच्या समस्या वाढू शकतात.(फोटो सौजन्य – AI)
संवेदनशील किंवा कोरड्या त्वचेवर केमिकल युक्त ब्लश लावल्यास त्वचेच्या समस्या कमी होण्याऐवजी आणखीनच वाढू लागतात. मेकअप केल्यानंतर बऱ्याचदा तो रात्रीच्या वेळी काढला जात नाही. रात्रभर मेकअप चेहऱ्यावर तसाच राहिल्यामुळे त्वचेच्या छिद्रांमध्ये हानिकारक घटक तसेच राहतात. ज्याच्या परिणामामुळे चेहऱ्यावर पिंपल्स आणि सुरकुत्या दिसू लागतात. आज आम्ही तुम्हाला केमिकलयुक्त ब्लशचा वापर करण्याऐवजी बीटपासून नॅचरल ब्लश बनवण्याची सोपी रेसिपी सांगणार आहोत. या पद्धतीने बनवलेले ब्लश चेहऱ्यावर गुलाबी ग्लो आणेल. बीटमध्ये अँटीऑक्सिडंट्स असतात, ज्यामुळे त्वचेवरील रक्तभिसरण सुधारण्यास मदत होते. चला तर जाणून घेऊया ब्लश बनवण्याची कृती.
ब्लश बनवण्यासाठी सर्वप्रथम, बीटचे छोटे छोटे तुकडे करून घ्या. त्यानंतर मिक्सरच्या भांड्यात बीट टाकून बारीक वाटा आणि गाळणीच्या मदतीने रस काढून घ्या. बीटचा रस हवाबंद काचेच्या बाटलीमध्ये भरून ठेवा. घट्टसर मिश्रण तयार होईपर्यंत बीटचा रस फ्रिजमध्ये ठेवून द्यावा. मेकअप करताना तयार केलेला ब्लश गालांवर लावून हलक्या हाताने सगळीकडे पसरवून घ्या. यामुळे नॅचरल लुक दिसेल आणि त्वचेला सुद्धा कोणतीही हानी पोहचणार नाही. गालांना सुंदर आणि नॅचरल गुलाबी रंग देण्यासाठी बीटचा ब्लश उत्तम आहे.
कोरड्या त्वचेसाठी क्रीम ब्लश सर्वोत्तम मानला जातो. तयार केलेला बीटचा रस वाटीमध्ये काढून घ्या. त्यानंतर त्यात कोरफड जेल मिक्स करा. तयार केलेले मिश्रण क्रिमी झाल्यानंतर काचेच्या डबीमध्ये भरून ठेवा. फ्रिजमध्ये ४ ते ५ तास ठेवल्यानंतर क्रीम ब्लश तयार होईल. तयार केलेला ब्लश बोटांच्या मदतीने गालांवर लावून घ्या. यामुळे तुमची त्वचा खूप जास्त नॅचरल आणि ग्लोइंग दिसेल. तसेच ब्लश तयार करण्यासाठी जास्त वेळ नसेल तर बीटचा तुकडा घेऊन गालांवर लावल्यास नॅचरल गुलाबी रंग दिसेल.
Ans: बीटरूट किसून त्याचा रस काढा. हा रस मंद आचेवर थोडा घट्ट होईपर्यंत गरम करा. थंड झाल्यानंतर त्यात थोडे अॅलोवेरा जेल मिसळून स्वच्छ डब्यात ठेवा. अशा प्रकारे घरच्या घरी नैसर्गिक ब्लश तयार करता येतो.
Ans: बीटरूट ब्लश वापरण्यापूर्वी पॅच टेस्ट करणे आवश्यक आहे. त्वचेवर कोणतीही जळजळ, खाज किंवा लालसरपणा जाणवल्यास त्याचा वापर टाळावा.
Ans: बीटरूट ब्लश सामान्यतः विविध प्रकारच्या त्वचेवर वापरून पाहता येतो. मात्र संवेदनशील किंवा ॲलर्जीप्रवण त्वचा असल्यास विशेष काळजी घ्यावी.
