IPL 2025 : आयपीएल म्हणजे सर्व काही शक्य..! केवळ ५ सामन्यांत चौकार, षटकार अन् २०० प्लसचे मोडले रेकॉर्ड…  

इंडियन प्रीमियर लीग २०२५ च्या १८ व्या हंगामची सुरुवात इतर कोणत्याही हंगामापेक्षा जबरदस्त झाली आहे. ज्यामध्ये केवळ ५ सामन्यांत अनेक विक्रम मोडले गेले आहेत. ज्यामध्ये चौकार यानी षटकार यांच्या विक्रमांचा समावेश आहे.

IPL 2025  : आयपीएल २०२५ चा १८ वा मोसम सुरुवातीच्या टप्प्यात असून आतापर्यंत 7 सामने खेळवण्यात आले आहेत. इंडियन प्रीमियर लीग (आयपीएल) २०२५ च्या १८ व्या हंगामची सुरुवात इतर कोणत्याही हंगामापेक्षा  शानदार आणि आक्रमक पद्धतीने झाली आहे. ज्यामध्ये केवळ  ५ सामन्यांत अनेक विक्रम मोडले गेले आहेत. या हंगामात, आतापर्यंत फक्त ५ सामन्यांनंतर, १३७ षटकार, २१५ चौकार आणि सहा वेळा २००+ धावा  करण्यात आल्या आहेत. यामुळे २०२३ मध्ये ८८ षटकार, २०२१ मध्ये १६४ चौकार आणि २०२२ आणि २००८ च्या आयपीएल हंगामातील पहिल्या पाच सामन्यांमध्ये २०० पेक्षा जास्त धावा करण्याचे विक्रम मोडीत निघाले आहेत.

षटकारांमध्ये ३७% वाढ आणि चौकारांमध्ये ३४% वाढ

पहिल्या पाच सामन्यांमध्ये धावगतीचा विचार केला तर ती १७ टक्क्यांनी वाढल्याचे दिसून येत आहे. तर  षटकारांमध्ये ३७ टक्के वाढ झाली आहे, तसेच चौकारांमध्ये ३४ टक्के वाढ झालेली पाहायला मिळत आहे. गेल्या हंगामाच्या तुलनेत, या हंगामात आतापर्यंत ३२ जास्त षटकार मारले गेलेअ आहेत. पहिल्या पाच सामन्यांनंतर, आयपीएल २०२४ मध्ये ८७ षटकार मारण्यात आले. गेल्या हंगामातील ५ सामन्यांमध्ये, धावसंख्या फक्त दोन वेळा २०० पेक्षा जास्त होती.  आणि एकदाही धावसंख्या २१० च्या पुढे गेली नाही.

हेही वाचा : Shardul Thakur : ‘झहीर खानचा एक कॉल अन् मी..’; आयपीएलमधील संघर्षमय एंट्रीबाबत शार्दुल ठाकूर झाला व्यक्त..

याउलट मात्र, या हंगामात १० पैकी सहा डावांमध्ये २०० पेक्षा जास्त धावसंख्या उभारण्यात आली आहे.  त्यापैकी पाच डावांनी २१० धावसंख्या  ओलांडली आहे आणि तीन डाव २४० पेक्षा जास्त धावा करण्यात आल्या आहेत. गेल्या हंगामात, २४० किंवा त्याहून अधिक धावसंख्या ११ वेळा करण्यात आली होती, परंतु या हंगामातील ८ व्या सामन्यात जेव्हा सनरायझर्स हैदराबाद आणि मुंबई इंडियन्स यांच्यात सामना झाला तेव्हा पहिल्यांदाच २४० पेक्षा जास्त धावसंख्या झाली.

हेही वाचा : CSK vs RCB : आरसीबी 17 वर्षांपासून चेपॉकवर विजयापासून वंचित; आजच्या सामन्यात दुष्काळ संपेल? वाचा सविस्तर..

पॉवरप्लेमध्ये पॉवर-हिटिंग

या हंगामात, १० डावांमध्ये आठ वेळा पॉवरप्लेमध्ये ६० किंवा त्याहून अधिक धावा करण्यात आल्या आहेत, ज्यामध्ये सर्वाधिक ९४ धावा सनरायझर्स हैदराबादने राजस्थान रॉयल्सविरुद्ध केल्या आहेत. या हंगामात पॉवरप्लेमध्ये किमान ५२ धावा केल्या आहेत, ज्या मुंबई इंडियन्सने चेन्नई सुपर किंग्ज विरुद्ध केल्या आहेत. गेल्या हंगामात, पाच सामन्यांनंतर सर्वाधिक पॉवर प्ले स्कोअर ६५ होता, तर या हंगामात आतापर्यंत त्यापेक्षा पाच जास्त स्कोअर करण्यात आले आहेत.  १३  या हंगामात टाईम्सच्या फलंदाजांनी १५ किंवा त्याहून अधिक चेडू खेळले आहेत आणि २०० पेक्षा जास्त स्ट्राईक रेटने धावा करण्यात आल्या आहेत.

निहार रंजन सक्सेना