बुधवार, 4 नोव्हेंबर 2026
US Midterms : ट्रम्प यांच्या पराभवाचा भारताला फायदा की तोटा? व्यापार, व्हिसा अन् काश्मीरवरून नवा पेच ( फोटो सौजन्य : सोशल मीडिया )
अमेरिकेच्या राजकीय पटलावर मध्यावधी निवडणुकांच्या (US Midterms ) निकालांनी एक मोठा भूकंप घडवून आणला आहे. अध्यक्ष डोनाल्ड ट्रम्प यांच्या रिपब्लिकन पक्षाला दारुण पराभवाचा सामना करावा लागला असून, विरोधी डेमोक्रॅटिक पक्षाने अमेरिकी काँग्रेसच्या दोन्ही सभागृहांवर म्हणजेच ‘प्रतिनिधी सभा’ (House of Representatives) आणि ‘सिनेट’ (Senate) वर आपले वर्चस्व प्रस्थापित केले आहे. राजकीय विश्लेषक या युगांतकारी निकालांना ‘ब्लू वेव्ह’ (निळी लाट) असे संबोधत आहेत. ट्रम्प प्रशासनाचे दोन्ही सभागृहांवरील नियंत्रण सुटल्यामुळे त्यांच्या धोरणांवर मर्यादा येणार असून, या जागतिक घडामोडीचा भारत-अमेरिका संबंध, द्विपक्षीय व्यापार करार आणि व्हिसा धोरणांवर काय आणि कसा परिणाम होईल, याचा सविस्तर आढावा तज्ज्ञांनी घेतला आहे.
भारत आणि अमेरिका यांच्यात फेब्रुवारी महिन्यात जाहीर झालेला अंतरिम व्यापार करार सध्या प्रलंबित स्थितीत आहे. या करारांतर्गत भारतीय वस्तूंवरील अमेरिकन आयात शुल्क (टॅरिफ) ५० टक्क्यांवरून १८ टक्क्यांपर्यंत खाली आणण्याची प्रमुख मागणी करण्यात आली होती, ज्याच्या बदल्यात भारताने रशियन तेलाची खरेदी टप्प्याटप्प्याने कमी करण्याचे आश्वासन दिले होते.
जागतिक घडामोडी संबंधित बातम्या वाचण्यासाठी येथे क्लिक करा : Donald Trump : मध्यावधी निवडणुकांनंतर ट्रम्प यांची पलटी! इस्रायलची 4 अब्ज डॉलरची मदत रोखली, तर इराणबाबतही बदलली भूमिका
नवी दिल्लीस्थित इंडियन इन्स्टिट्यूट ऑफ पब्लिक ॲडमिनिस्ट्रेशनचे (IIPA) कुलसचिव अमिताभ रंजन यांच्या मते, “अमेरिकन प्रशासनाला आयात शुल्क १८ टक्क्यांच्या आसपास ठेवायचे आहे, परंतु अंतिम स्वाक्षरी टाळली जात होती. आता मध्यावधी निकालांमुळे राष्ट्राध्यक्ष ट्रम्प राजकीयदृष्ट्या कमकुवत झाल्याने, भारत सरकारला अधिक चांगल्या आणि अनुकूल अटींवर वाटाघाटी करण्याची एक सुवर्णसंधी उपलब्ध होऊ शकते.”
अमेरिकेचे परराष्ट्र धोरण मुख्यत्वे व्हाईट हाऊसद्वारे (कार्यकारी प्रशासन) चालवले जात असले तरी, संसदेचे नियंत्रण बदलल्याने राजकीय दबाव निश्चितच वाढतो. संरक्षण आणि तंत्रज्ञान क्षेत्रातील सहकार्यात अमेरिका-भारत सामरिक भागीदारीला दोन्ही पक्षांचा पाठिंबा असल्याने त्यात मोठा फरक पडणार नाही.
Donald Trump and Republicans getting crushed in the Midterms. Who will be happy in India today? 1. PM Narendra Modi
(Trade deals, H1B Visa, Geopolitics, US support for Pakistan) 2. Defence Minister Rajnath Singh (Operation Sindoor) 3. Home Minister Amit Shah
(India Internal security, CJP, Khalistani, Missionaries, FCRA and Delimitation bills) 4. Finance Minister Nirmala Sitharaman
(Trade deal) 5. Commerce Minister Piyush Goyal
(Trade deal and and snub shown by Peter Navaro and Lutnick) 6: RBI Governor Sanjay Malhotra
(FCNR, Rupee) Well played boys! 👏 Meanwhile, NSA Ajit Doval all the time during this past two years. 👇 #Midterms2026 — RS (@WithRitesh) November 4, 2026
credit – social media and Twitter
मात्र, काश्मीर प्रश्न आणि मानवाधिकार या मुद्द्यांवर डेमोक्रॅटिक पक्षातील काही नेत्यांचा दृष्टिकोन कठोर राहिला आहे. ट्रम्प प्रशासनाने किंवा नवी दिल्लीतील अमेरिकेचे राजदूत सर्जिओ गोर यांनी काश्मीरवर सावध आणि भारताच्या दृष्टिकोनाला पूरक भूमिका घेतली असली, तरी प्रतिनिधीगृहात डेमोक्रॅट्सचे बहुमत आल्यामुळे संसदेत या मुद्द्यांवर विशेष सुनावण्या किंवा प्रतिकात्मक ठराव मांडले जाण्याची शक्यता नाकारता येत नाही. हे भारतासाठी राजकीयदृष्ट्या गैरसोयीचे ठरले तरी त्याचा प्रत्यक्ष परराष्ट्र धोरणावर होणारा परिणाम मर्यादित स्वरूपाचा असेल.
जागतिक घडामोडी संबंधित बातम्या वाचण्यासाठी येथे क्लिक करा : US Midterms : अमेरिकन निवडणुकीत भारतीयांची विजयी हॅट्ट्रिक; पिया दांडिया, सुहास सुब्रमण्यम आणि अरुणा मिलर यांचा जलवा
अमेरिकेत राहणाऱ्या भारतीय माहिती तंत्रज्ञान (IT) व्यावसायिक आणि विद्यार्थ्यांसाठी एच-१बी (H-1B) व्हिसाचा मुद्दा अत्यंत महत्त्वाचा आहे. ट्रम्प यांच्या पराभवामुळे आणि संसदेवर डेमोक्रॅट्सचे नियंत्रण आल्याने, भारताच्या हिताला बाधा पोहोचवणाऱ्या अत्यंत कडक इमिग्रेशन कायद्यांना थेट मंजुरी मिळण्याची शक्यता कमी झाली आहे. व्हिसा नियमांवरील संसदीय छाननी वाढेल, मात्र यामुळे ट्रम्प यांचे आधीचे अध्यक्षीय आदेश आपोआप रद्द होणार नाहीत किंवा तातडीने मोठे बदल घडणार नाहीत.
दुसरीकडे, मध्यवर्ती निवडणुकांमधील पराभवामुळे ट्रम्प प्रशासनाला इराणविरुद्धचा आक्रमक लष्करी किंवा आर्थिक दबाव कायम ठेवणे कठीण जाईल. इराण-अमेरिका तणाव कमी झाल्यास किंवा युद्धविराम झाल्यास जागतिक बाजारात कच्च्या तेलाच्या किमतीत मोठी घसरण होऊ शकते, ज्याचा थेट फायदा भारताच्या ऊर्जा क्षेत्राला आणि अर्थव्यवस्थेला होईल.
Ans: मध्यावधी निवडणुकांमध्ये डोनाल्ड ट्रम्प यांच्या रिपब्लिकन पक्षाचा पराभव झाला असून, विरोधी डेमोक्रॅटिक पक्षाने प्रतिनिधी सभा (House) आणि सिनेट (Senate) या दोन्ही सभागृहांमध्ये बहुमत मिळवले आहे.
Ans: ट्रम्प प्रशासनाची पकड ढिली झाल्यामुळे, भारतीय वस्तूंवरील आयात शुल्क १८ टक्क्यांपर्यंत कमी करण्यासाठी भारत अधिक चांगल्या अटींवर वाटाघाटी करू शकतो.
Ans: काँग्रेसमध्ये डेमोक्रॅट्सचे नियंत्रण आल्याने अत्यंत कठोर इमिग्रेशन कायदे सहज मंजूर होणार नाहीत, ज्यामुळे भारतीय व्यावसायिकांना तात्पुरता दिलासा मिळू शकतो.
