बुधवार, 4 नोव्हेंबर 2026
फोटो सौजन्य- सोशल मीडिया
या स्पर्धेचे आयोजन यंदा सात गटांत करण्यात येणार आहे. यामध्ये पूर्वप्राथमिक गटातील अंगणवाडी सेविका व पर्यवेक्षिका, इयत्ता पहिली ते दुसरीचे शिक्षक, तिसरी ते पाचवीचे शिक्षक व मुख्याध्यापक, सहावी ते आठवीचे शिक्षक व मुख्याध्यापक, माध्यमिक व उच्च माध्यमिक शिक्षक, विषय सहायक व शिक्षकेतर कर्मचारी तसेच अध्यापकाचार्य आणि पर्यवेक्षकीय अधिकाऱ्यांचा समावेश आहे.
स्पर्धेच्या पहिल्या टप्प्यात पहिल्या पाच गटांसाठी जिल्हास्तरावर, तर सहाव्या आणि सातव्या गटांसाठी प्रादेशिक विद्या प्राधिकरणाच्या विभागीय स्तरावर स्पर्धा घेतली जाणार आहे. राष्ट्रीय शिक्षण धोरण २०२०, बदललेला अभ्यासक्रम, पायाभूत साक्षरता व संख्याज्ञान (एफएलएन), निपुण महाराष्ट्र आणि अध्ययन निष्पत्ती या विषयांशी संबंधित नवोपक्रमांना प्राधान्य दिले जाणार आहे.
स्पर्धेत जास्तीत जास्त शिक्षक व अधिकाऱ्यांनी सहभागी व्हावे, यासाठी जिल्हा शिक्षण व प्रशिक्षण संस्थांच्या प्राचार्यांना नोडल अधिकारी नियुक्त करण्याचे निर्देश देण्यात आले आहेत. स्पर्धेचे वेळापत्रक आणि माहितीपत्रकानुसार ऑनलाइन लिंक उपलब्ध करून दिली जाणार असून, त्यावर निर्धारित मुदतीत नवोपक्रम अहवाल सादर करावा लागणार आहे. मराठीसह सर्व माध्यमांतील शिक्षकांना स्पर्धेत सहभागी होता येणार असून, इतर माध्यमांतील स्पर्धकांना अहवाल मराठी किंवा इंग्रजी भाषेत सादर करता येणार आहे.
Ans: ही स्पर्धा राज्य शैक्षणिक संशोधन व प्रशिक्षण परिषदेमार्फत (SCERT) आयोजित करण्यात आली आहे.
Ans: यंदाची ही स्पर्धा एकूण सात गटांमध्ये घेतली जाणार आहे.
Ans: यामध्ये पूर्वप्राथमिक गटातील अंगणवाडी सेविका, पर्यवेक्षिका, विविध इयत्तांचे शिक्षक, मुख्याध्यापक, विषय सहायक, शिक्षकेतर कर्मचारी तसेच पर्यवेक्षकीय अधिकारी सहभाग घेऊ शकतात.
